📖 ZKIZ Archives

三個女仔一間鋪 2015年04月09日

1 : GS(14)@2015-04-12 18:13:05

http://www.am730.com.hk/article-259210\r\n\r\n去年一部《閨密》勾起不少人的少女心事，大家難免會想想，離開校園後，身旁還剩下多少知己？相信許多人都聽過「女仔嘅友誼好脆弱」，動不動為小事鬧翻，下秒鐘又聊起夢想來，一時糖黐豆一時水溝油，或者都是人之常情，但十年、廿年過後便發現，原來「好姊妹」已經可一不可再。         \r\n文：林穎嵐　圖：莊振邦\r\n\r\n或者你和我一樣，早就忘記讀書時許下一些關於「夢想」的誓言，就連DSE都問學生，夢想是「看似不切實際，其實很有意義」定抑或「看似很有意義，其實不切實際」。到底夢想是甚麼？要有意義還是要實際點？相信「十一妞更衣室」3位老闆娘Pat、Karen及Phoebe會選擇前者。3個80後女孩，10年前於設計學校結緣，曾經各奔前程，各自打工為生活奮鬥，最後又為了一個「fashion夢」再次走在一起。從學生時期到踏入社會，她們由同學變知己，往往有聊不完的話題，但談的不是八卦，而是女孩「家常事」——衣著。「大家都係讀fashion出身，是同班同學，日日留意對方有冇著新item。讀書時我哋班朋友好多人，我哋3個不算最friend，只是偶爾一起逛街，但大家後來都做晒freelance，舊年我哋3個輪流quit咗，後來一齊去旅行先發覺，原來大家都鍾意同一風格。」Pat說。\r\n\r\n各有喜好\r\n「Pat喜歡elegant一點的高領款，我就喜歡偏深色的one piece或者中性style的，Phoebe較為跳tone，有時是可愛的，有時又似粉紅炸彈，選一些lady點的。」Karen笑道。十一妞更衣室是一所位於旺角、主打vintage風的女裝服飾店，店內洋溢滿滿的少女味，貨品卻融合3種風格，優雅的，中性的，亦有趣怪搞鬼的，而這3個形容詞，同時亦道出3位老闆各自的個性。短短30分鐘的訪問，3個人你一言我一語，各自對對方個性作描述，「阿Pat同Karen負責入貨同財政，前者好理性、講邏輯，後者聰明醒目又帶點蠱惑。」Phoebe笑道。Karen馬上接話：「Phoebe常常天馬行空，好有諗頭，專責搞宣傳。」她們坦言，合資做生意無疑是一次「姊妹情考試」，幸好到目前為止感情依舊，且有增無減，「不過人總有情緒嘅，朝見口晚見面，難免有發脾氣嘅時候，惟有互相體諒，而且大家都了解對方，好多時都係一時之氣，唔係惡意。」Pat說。\r\n\r\n虛擬11妞\r\n十一妞更衣室開業半年，Pat慶幸3人合作過程順利，而且大家都有所成長，「Phoebe向來唔擅長溝通，客人起初都唔知佢講乜，但佢依家已經可以一個人看舖同serve客。」雖然Pat的話聽起來似是嘲笑，但其實她說時充滿感激與欣賞，「大家都在自己崗位上發揮所長，尤其是Phoebe最多古怪諗頭，就連舖頭名都是她的主意。」Phoebe解釋指：「除了因為舖頭喺11樓，想玩食字之外，仲希望俾人感覺接近『地氣』，許多類似的舖頭都鍾意改個好有型的英文名，反而中文名較少見。」十一妞一周只開放數天，由於以網店起家，她們坦言FB依然是主要宣傳途徑。被Pat謔稱不擅溝通卻滿腦鬼主意的Phoebe，負責操刀網上的宣傳照，她說：「有客人說『妞』指靚女，所以我就想到在FB虛擬11個姑娘，每『人』都有不同風格，阿Pat就係我哋嘅十姑娘，其他都是客人或者朋友。我們的宣傳不是以item為主，每張相都有一種風格，最重要係襯衫同張相俾人嘅感覺，有時會花一日時間去搵地點影相，希望令人印象深刻。」\r\n「呢度對我哋嚟講唔算係一盤生意，亦冇諗過可以賺大錢。」Karen說。十一妞的誕生，對她們而言意義大於一切，「情人節時有客人上來睇衫兼送花，感覺好窩心，好多客人都會在舖頭待個半天，更會幫我哋看舖，或者買消夜上來一齊食。」3人笑言所有客人都是她們的意外收穫，從陌生人變成好友，令十一妞早就不止三妞了。\r\n\r\n十一妞更衣室\r\n地址：旺角上海街635-637號國祥大厦11樓A室

---

祝福前夫蜜運有着落法拉等桃花：我係好女仔

1 : GS(14)@2015-08-05 08:38:15

■法拉自言現在是單身，仍未遇到合適對象，緣份到便會拍拖。


陳法拉的前夫、Neway大少薛世恆最近緋聞多多，先後被影到約會梁雨恩和趙頌茹食飯，法拉昨日與Twins在上環出席時裝活動時，大方回應謂：「人要向前望，唔會向後望，大家都係朋友，間中有聯絡同打招呼，希望佢開心。」法拉現長居美國進修演技，間中返內地及歐洲等地拍廣告，很少時間留港，故未有時間約薛世恆見面，問會否關心對方感情生活？她說：「佢都係好男仔，希望搵到個好女仔。」



■法拉讚前夫薛世恆是好男仔，希望對方能開心生活。資料圖片

■趙頌茹被指與薛世恆一起。資料圖片


■梁雨恩昨日表示工作為先，正等待真命天子出現。

無綫邀回巢

法拉自言現在是單身，問有沒有追求者？她笑一笑說：「都係咁……我都係好女仔，但未有啱。」是否太揀擇？她說：「唔係，睇緣份，緣份未到。」法拉表示希望明年多留港拍電影，對無綫鬧藝員荒，法拉直言無綫曾邀她回巢拍劇，但自己未能配合，問如果遇到好劇本會否答應？她說：「短時間內未有計劃。」另外，梁雨恩昨日在商台宣傳新歌，問到其緋聞男友薛世恆是否值得等？她坦言沒時間踏入戀愛，現工作為先，她說：「都冇乜機會見，大家都忙，電話溝通都少。」會否怕沒了下文？她說：「我都唔知，我等待啦，我亦唔知佢係咪我真正對象。」提到趙頌茹被周刊影到與薛世恆一起，二人是否發展？梁雨恩即說：「梗係唔係啦，大家係同教會嘅弟兄姊妹，出出入入極度平常，影到大家食飯都好合理，唔使誤會。」採訪：溫敏芝攝影：陳慧安





來源: http://hk.apple.nextmedia.com/entertainment/art/20150805/19243105

---

追女仔留英　掌研究重鎮

1 : GS(14)@2015-10-09 01:59:12

一如過往許多得獎人那樣，77歲的林達爾也說對獲獎覺得「驚訝」，但詫異當中也許亦夾着一絲「終於來了」之感。「我知道過去我曾在候選之列，還有數以百計的其他人……獲選真的很幸運，我也很自豪。」1938年在瑞典斯德哥爾摩出生的林達爾，本來讀的是醫科，是斯德哥爾摩著名醫科大學卡羅琳學院的博士。在學期間他受到教授鼓勵，對基因研究產生興趣，由此投身生物化學領域。親友都在瑞典的他，1981年毅然移居英國，原來是為了一個她──倫敦帝國癌症研究基金會（現時英國癌症研究中心）的濾過性微生物學專家格里菲斯。結果證明「追着女孩子跑」的決定非常明智：林達爾加入癌症研究基金會，領導霍爾實驗室成為DNA修復研究的重鎮，2010年他獲得歷史最悠久的科學獎、皇家學會科普科獎章（達爾文和霍金都曾獲此榮譽）；而他跟格里菲斯亦相伴至今。《蘋果》記者





來源: http://hk.apple.nextmedia.com/international/art/20151008/19325089

---

當街剝女仔短裙變態佬得手即閃人

1 : GS(14)@2016-01-15 17:25:03

落單女子光天白日也要小心！近日，內地網上熱傳一段閉路電視影片，就拍下一名女子遭變態男子當街扯掉裙子的離譜一幕！畫面可見，一名變態男子在大白天尾隨一名女子，然後突然施襲，大動作地扯下她的短裙，隨即逃跑進一條巷子！短裙掉落在女子的腳踝，把她絆倒。當女子站起時，只能呆呆地看着變態男子逃跑的方向，接着用手遮掩下半身尷尬離開現場。這段閉路電視影片並未標示事發地點及日期，但片中可聽到數名說廣東話夾雜普通話的男子邊看邊談論，看到女子被脫下裙子時，還發出嬉笑聲。短片吸引網民議論，有人直斥：「真變態呀，以後穿短裙要捆多條小皮帶才出門！」有人則提出疑問：「沒明白裙子怎麼就沒了？也沒從腿上扯掉吧？這男的怎麼弄走的裙子？」還有人說：「話聽不清楚，但是那笑聲真的惡心」！騰訊





來源: http://hk.apple.nextmedia.com/international/art/20160115/19453260

---

【媾女功略】學功夫追女仔　打贏抱得美人歸

1 : GS(14)@2016-03-05 01:12:12

為了爭女仔，治昂(左)成日同時宇對打。《武林學校》截圖


【三個粉絲追韓劇】尹時宇（李玹雨飾）和王治昂（李弘彬飾）在KBS劇集《武林學校》愛上同一個女生沈順德（徐睿知飾），為了她用功習武，出盡全力打生打死，到底順德最後情歸何處？三個粉絲在追《武林學校》的同時，發現原來韓國有同樣以功夫為主題的舞台劇《JUMP》！



韓國有功夫電視劇，原來都有功夫舞台劇。

講一個「好打得」嘅男仔，想做功夫家族女婿，遇上賊仔，幫忙解圍，希望抱得美人歸。

劇中有好多同觀眾嘅互動環節。



動主播阿仙、viu韓劇導賞員阿愁和太成齊齊入場看功夫音樂舞台劇《JUMP》。故事是講一個「好打得」的男仔，想做功夫家族的女婿，遇上賊仔，幫忙解圍，最終能否抱得美人歸，當然留待你自己睇。



仲會請觀眾上台一齊玩，好似阿仙咁。

仲摸到「女婿」個胸......肌添呀！

劇中時宇(右)有順德教導。《武林學校》截圖



《JUMP》是長壽劇，每晚都在韓國上演，連續十三年無間斷，亦有在世界各地做巡演。製作人 Cara Han介紹，為了令全世界的觀眾都能享受此劇，全劇都不用台詞，由九個角色靠身體語言令笑聲四濺。導演Lee Jun Sang指，演員的武術都融合了功夫和雜技。而為了讓觀眾更投入演出，演員不時會與觀眾做各式各樣的互動，阿仙有幸被劇中的叔叔抽中上台玩，更親手摸到「好打得」的男主角，引來全場尖叫！想知過程幾有趣，立即去片。



治昂(右)有善雅幫忙。《武林學校》截圖

三個粉絲跟《JUMP》嘅爸爸、媽媽、叔叔學功夫，阿仙激到爸爸死。



正所謂「台上十分鐘，台下十年功」，學武夫不停練習是固然的，但有一位好老師亦相當重要。例如《武林學校》劇中，王治昂有黃善雅（鄭幼珍飾）幫忙，而尹時宇有沈順德教導，至於三個粉絲亦想一嘗習武滋味，便找來《JUMP》的爸爸、媽媽和叔叔指教。劇中飾演爸爸的Lee Won Young懂得劍術、棒術和中國武術，媽媽An Hye Ran最厲害的是跆拳道，而叔叔You Su Ho指自己六歲便開始學合氣道，而在劇中最善長的是玩雙截棍。面對三位猛人，三個粉絲能否好好學習？去片啦！



太成都係三腳貓功夫。

阿愁最叻！連叔叔都讚佢耍得好雙截棍。



主持：動主播阿仙、Viu韓劇導賞員阿愁和太成攝影：陳家文、李錦鏵、張宗光《武林學校》片段由Viu提供：
https://goo.gl/bRSBQU【三個粉絲追韓劇】
http://hk.apple.nextmedia.com/enews/animation/kfans/





來源: http://hk.apple.nextmedia.com/entertainment/art/20160303/19513463

---

【馮仁昭四圍超】憶做DJ俾爆粗女玩謝彭浩翔扮文青追女仔

1 : GS(14)@2016-08-17 08:01:30

■彭浩翔話中學時代曾經學人扮文青去投稿，目的就係追女仔。





導演彭浩翔、ViuTV《跟住矛盾去旅行》監製吳繼業、《蘋果日報》執行總編輯徐緣同品牌設計師李永銓，噚日出席一個由壹傳媒舉辦嘅「內容行銷講座會」，講到而家行銷戰場由主流媒體轉往網絡社交平台，說故事嘅方式亦都唔同。彭浩翔由98年喺商台做DJ，主持一個新構思嘅節目叫做《無人駕駛》，係任由聽眾打上去暢所欲言，佢話：「因為怕啲人亂講嘢，所以諗出一秒延遲播出，我就負責控制嗰『一秒』，嗰時安慰自己都好大權，因為可以隨時cut人。試過有一次有位好可愛、把聲高八度嘅女仔打電話入嚟，好開心話終於打通電話，佢一路講，講晒全班同學嘅名，跟住佢話『Vivian喺唔喺度呀……我X你XX呀！』估唔到佢真係一秒講晒4個字，第二日當然俾人鬧啦。」


諗計撮合曾梁

彭浩翔講到中學時扮文青追女仔，佢話：「用盡方法投稿去專欄，攝廿蚊紙試過、用公文袋又試過，務求sale到佢哋用我篇稿，做到最起眼，果然佢哋用我篇稿。」佢借呢啲古仔帶出唔同類型嘅行銷手法。吳繼業話當初構思《矛盾》嗰陣，用波蘭呢處地方打動曾鈺成同梁國雄一齊去。撰文：馮仁昭


■由壹傳媒舉辦嘅「內容行銷講座會」，噚日邀請咗（左起）ViuTV《矛盾》監製吳繼業、《蘋果日報》執行總編輯徐緣及設計師李永銓出席。

■當年彭浩翔喺商台做過DJ，唔講唔知佢負責過節目《無人駕駛》。



來源: http://hk.apple.nextmedia.com/entertainment/art/20160817/19739012

---

林作呻酒會冇女仔

1 : GS(14)@2016-10-02 13:35:31

■林作和王賢誌（右）十分老友，但二人從不談感情事。



林作和好友王賢誌（Vinci）昨日到灣仔會展參加國慶酒會活動，在場見盡香港官員，二人透露在會場與政界人物合照留念，突然林作說：「現場大部份都係uncle，冇乜女仔。」Vinci即笑林作前來另有目的，林作緊張說：「唔係，嚟感受吓氣氛，酒會上唔會諗呢啲，真係見到好多uncle同前輩。」林作和Vinci從不談感情事，Vinci說：「唔同generation，取向又唔同，互相都幫唔到大家。」提到麥明詩，林作即封口，麥玲玲推算二人會離合糾纏長時間，林作表示無回應，並透露和玲玲姐是好友，但自己不太相信命理。採訪、攝影：卓寶花




來源: http://hk.apple.nextmedia.com/entertainment/art/20161002/19788167

---

春風滿面　自爆繼續約會小方讚超蓮　好女仔有愛心

1 : GS(14)@2016-10-24 06:12:16

■問到跟超蓮有否發展機會，小方滿面風騷表示遲些再講。



方力申跟賭王至索千金何超蓮驚爆秘戀3個月，昨日小方到中環出席港鐵競步賽2016，鄭文雅見到他即相擁道賀：「恭喜你呀又拍拖！」小方尷尬說：「嚇死我呀！」鄭文雅笑笑說：「拍拖係好事。」小方雖然死口不認蜜運中，但被春風滿面的笑容出賣：「哎吔，真係唔係呀，我都話好朋友嚟，之前一齊去尼泊爾探訪，呢個係好認真嘅慈善機構探訪節目。」


收歛Open性格


對於被影到與超蓮一支水兩份飲，又摸頸又摸頭，小方解釋：「係兩支水，唔覺舉動好親密，我假假地都係去過美國留學一年，可能鬼仔性格open得滯，要收斂吓。」問到返港後有否跟超蓮聯絡？小方風騷自爆：「我哋噚日（前日）都有見面，仲一班人去飲嘢，大家真係朋友，唔會避忌唔見面。」是否地下情？他堅稱：「都話係朋友囉。」至於有報道指小方帶超蓮出席朋友聚會，肯定女友地位？他說：「唔係呀，不過佢份人真係好有心，佢知道我去探訪，都主動話想跟我哋去，我事前都同佢講呢個探訪好辛苦，住類似鐵皮屋又冇得洗頭沖涼，仲要喺郊外解決，但佢都肯做，話辛苦先有體驗。」問到是否對超蓮加分？小方勁讚：「覺得佢係一個好女仔，好有愛心好上進，又準備緊考碩士，交朋結友要搵好人結交。」問到有否發展機會？他說：「而家冇，遲啲再講啦。」



■鄭文雅見到小方即恭喜他拍拖，令小方招架不來。

■小方爆超蓮主動去尼泊爾探訪，勁讚她是一個好女仔。

■本月15日是鄧麗欣生日，小方坦言有發短訊給舊愛真誠祝賀。


短訊賀舊愛生日

如果真的拍拖，超蓮背景會否造成壓力？他說：「冇如果喎呢啲。」會否擔心舊愛鄧麗欣（Stephy）睇報道後亂諗？小方表示：「吓，呢啲你哋應該問佢，冇得假設。」至於早前Stephy生日，小方表示有傳短訊給她，問到是否好簡單講happy birthday？小方即大反應：「乜嘢好簡單呀？好真誠地同佢say happy birthday，一啲都唔簡單。」採訪、攝影：卓寶花




來源: http://hk.apple.nextmedia.com/entertainment/art/20161024/19810074

---

【宅男大變身】曹星如師弟跑步輸畀女仔　誓做世青拳王

1 : GS(14)@2016-10-30 14:35:59

Raymand希望喺23歲前，成為世界青年拳王



「由細到大，運動細胞都冇乜。試過跑衝次跑嘅時候，女仔都好似快過我一兩下。冇乜社交，淨係坐喺屋企，一係睇書、一係對電腦。」20歲嘅潘啟情(Raymond)，係「神奇小子」曹星如(Rex)嘅師弟。Raymond出道一年都未夠(今年5月14日正式打第一場職業拳賽)，已經取得職業生涯兩戰全勝紀錄，當中喺上一場越級挑戰嚟自泰國嘅帕沛哈馬拉，喺五千觀眾見證下T.K.O(技術性擊倒)對手，令大家都開始注意呢粒「超新星」。擂台上，Raymond拼勁十足，雙眼有火，但原來喺佢接觸拳擊前，係一個內向又懦弱嘅「宅男」！「平時返學嘅時候，我都係自己一個坐喺角落頭，係嗰啲邊緣人咁滯。中學嘅時候真係唔講嘢，淨係自己對住本書。」唔慣面對鏡頭嘅Raymond，一副尷尬嘅表情，完全幻想到以前嘅佢有幾「宅」。



大家覺得Raymond有冇Rocky(史泰龍)嘅影子呀？

第一個個人動新聞專訪，係緊張啲嘅

雖然Raymond成個「排骨仔」咁，但佢嘅拳真係勁度十足！

自言運動同讀書都唔叻嘅Raymond，因為一場比賽改寫咗佢嘅人生：「18歲嘅時候，啱啱完咗DSE，喺youtube睇咗曹星如對沙里夫嗰場。嗰一場佢哋都打出好大拼勁，嗰時就俾佢感染到，開始對拳撃呢樣嘢有啲興趣。」加上佢未見到自己嘅將來，Raymond就開始到拳館學拳。佢當時喺嗰一間拳館受過別人嘅白眼，亦曾經俾人睇唔起，佢話：「嗰陣時(打業餘拳賽)就對咗一個澳門嘅拳王，嗰一場3 round都俾人打到毫無還撃之力。當時嗰位教練同我講，『打拳嚟講，你都冇乜天份。其實你可以試下揾其他正職，或者專心其他工作，打拳都唔係好適合你。』當時真係有諗過其實呢個運動唔係好啱我，好傷心、好hurt，因為當時嗰一年我嘅時間係得拳館同嗰度嘅人，佢哋就係我所有嘢。」一場嘅失敗，令到Raymond開始質疑自己的實力；加上當時教練嘅冷言冷語，佢更加頹廢咗足足一個月。好在憑住一首《Loser》，激勵到佢企返起身：「突然之間覺得要振作，係因為嗰陣時聽到首Mastermic嘅《Loser》。」歌詞中：「我睇到唔係句號，係一條起飛嘅跑道，我不停步，喺跑道將青春盡情消耗~~」呢一句令到Raymond決定要邊度跌低、邊度企番起身。



中學時期嘅佢，真係隔住個芒都聞到陣「宅」除！(圖片由被訪者提供)

全靠堅持，令佢可以邊度跌低、邊度企番起身

因為曹星如，令Raymond踏上職業拳手之路

所謂千里馬須遇到伯樂，曹星如話過冇佢經理人阿Jay(劉志遠)，就冇今日嘅曹星如。Raymond同大師兄阿Rex一樣，佢可以成為職業拳擊運動員，最想多謝嘅人都係阿Jay：「佢喺我出場前好認真咁同我講，話你夠膽打呢一場，你已經嬴咗。無論你輸咗又好，第一round俾人knock down(撃倒)都好，我都會以你為傲。」Raymond由以前俾人睇唔起，直到有人對佢有咁大期望，佢當然要加倍努力，用成績去報答阿Jay，佢更以23歲前贏到世界青年拳王為目標o添！想了解Raymond更多，睇吓佢man爆一面就即刻去片啦！採訪：植詠珊(Cathy)編審、編導：懷鈺剪接：Roy拍攝：Kaman、馮峰、Neo場地：DEF Boxing Gym




來源: http://hk.apple.nextmedia.com/entertainment/art/20161030/19817011

---

【女人揸車】3個只揸棍波的90後女生︰「邊個話女仔揸車一定差？」

1 : GS(14)@2016-11-29 00:15:41

Yan（左）、Raina（中）和寶寶（右）因車而結緣，對駕駛同時亦有一份感情。



女士經常被標籤為駕駛技術差，其實這個只是大眾對女性的無形歧視，不論男女對路面情況不熟悉，同樣都會有問題。事實上，近年多了女性駕駛，而且更鍾情於棍波，對於駕駛的熱愛不會輸給男士。Raina、Yan和寶寶三位90後的後生女，她們鍾情駕駛，亦因此結緣成為好朋友。她們認為社會對女士出了意外後的反應過敏「有很多報道都一旦說是女仔駕駛撞車，就會直角覺得好嚴重，然後直指是女性有問題。但事實上，男士亦會撞車呀！」



她們認為這是一個標籤的問題，可是卻不認為女士在路面駕駛時會容易受到男士的欺負「我們都會有被爬頭、推尾等等的情況，但不認為是刻意的，因為對方也知道你是男或女。」Raina補充說，當她駕駛自己的車，亦即是Honda Civic Type R EK9時，或駕駛着一些俗稱飛仔車的車時，其他車主就無時無刻都會推她的車尾，有挑釁的意味。「可是我試過駕駛家中的7人車，卻沒有人理我的。」路面的不同情況，不同男女也會遇上，只說女士技術差有點不公平。她們認為女士們較少機會駕駛，香港亦非必要駕車的城市，女士們的經驗較少實在正常不過，例如泊車，怎麼會有男女之分「有時在等男司機泊車，等待了五至十分鐘，都不知道他在幹甚麼，讓我有少少衝動想幫他。或許自己都試過P牌，都試過泊不到位比人嫌棄，所以又不會專登催促他們。」Raina說。女士們愛上駕駛的理由，其實與男士也一樣，追求的只是片刻寧靜。從小鍾情駕駛的Yan正是如此「放鬆、輕鬆，有時不開心都會跳上車。聽下歌、散下心，人都放鬆一點，自己沒甚興趣除了車之外。」寶寶卻視為挑戰，而Raina則希望能擴闊社交圈子。說實在的，男士們不也是同樣嗎。記者︰梁立勤攝影︰林柏鈞


寶寶雖然不是駕駛棍波，但同樣愛日本車，Acura RSX你會想到是一位女性駕駛嗎？

Yan同樣鍾情日本車，她坦言小時候已經覺得很有型，除了車，她沒有太多別的興趣。

近年越來越多女士愛駕駛，她們都經常與朋友相約出外車聚。



來源: http://hk.apple.nextmedia.com/su ... t/20161128/19847689

---