無綫前新聞主播出書爆大鑊陳珍妮：大台徹底摧毀我
1 :
GS(14)@2015-07-22 23:33:55■陳珍妮日前接受專訪，指新書大爆在無綫新聞部的黑暗歲月。攝影：沈健程場地：JAR
【香港書展2O15之有苦自知】無綫新聞經常被揶揄事事旦旦，原來在新聞部打工都要埋堆襟撈才有運行，曾經將國家總理李克強口快快講成李克勤的前主播陳珍妮（Jenny），今年書展會推出《TVB新聞部血淚史》，大揭當中辛酸，全書齋文字沒配圖，賣點鮮明爆料，Jenny文中提到後期返工要啪安眠藥，不離職會生癌，受盡委屈的她直播期間也會匿埋偷偷喊，4年主播生涯更摧毀了Jenny的價值觀。撰文：比華利
前主播陳珍妮的新書《TVB新聞部血淚史》爆無綫新聞部大鑊，離職3年多的她於自序表示此刻聽到大台新聞片頭預告聲仍會打冷震：「畢竟服安眠藥才能度日的歲月，烙印太深。」書中她揞名爆黑幕，指回憶都痛苦：「再留下，我會生癌的。走吧！」Jenny日前在中環接受本報獨家專訪，講到激動處更眼紅紅。
■訪問當日，陳珍妮講到辛酸史，激動起來更眼濕濕。
■Jenny指無綫主播起薪點低，甚至要在淘寶買出鏡平價套裝。
喊完再笑住出鏡
Jenny在第一篇便自爆得罪陳志雲，她提到某年生日，臨時接通知返公司上堂，壽星女當日淡妝配穿及膝裙，但兩日後被上司照肺，她當日離開坐城巴下層最後靠窗位，被當時陳志雲秘書撞到，指她「擘大對腳走晒光」，負上「唔檢點」罪，Jenny解釋有放大手袋在及膝裙上，沒可能走光。解釋變掩飾，Jenny從此沒運行，陳生有份審閱出鏡費卡士沒份，連帶半年返通宵更。Jenny提到其後向管理層「樹先生」請教如何改進，她說：「樹先生頓了一頓說『檢點啲啦』。」入世未深的Jenny不知同事間溝通用的Intranet會惹是非，「樹先生」有權限看到全部留言，Jenny試過在直播時，被指髮型不對要即拆髻，她事後才知一直被針對是因為曾在Intranet鬧過老細。Jenny又呻有時委屈到要匿埋喊，轉頭又假笑出鏡：「喊完返去執個樣又再讀囉。」
■Jenny曾擔任亞視新聞主播，一年後過檔入無綫。資料圖片
■TVB新聞小花如陳珍妮（中）和黃紫盈（左）陸續離開轉型。資料圖片
壓力大患情緒病
入職月薪只有$11,000的她要淘寶買平價套裝，上司S卻要她幫襯其私人髮型師，又要有指定髮型，試過明明沒戴錯吊吊揈耳環，卻受罰要寫道歉信。Jenny與負責編更主播C不熟，更表往往最「惡啃」，她在書中控訴：「大台徹底摧毀並改造我的價值觀。」訪問當天，Jenny直認壓力爆煲失眠：「臨走前半年係咁睇醫生，醫生話太大壓力，更表太亂，成日返通宵，有時返完通宵又返晏，成日瞓唔到，醫生知道我情緒上有問題，開血清素、B雜畀我食。」Jenny瀕臨抑鬱邊緣，回想近4年黑暗生涯，忽然淚盈於睫，問Jenny沒向上司反映不公平嗎？她說：「講過佢唔理，嘥氣啦。我問佢唔係有能者居之，跟住佢答呢度唔係，所以先輪到你。」上司不關心員工？Jenny說：「佢唔關心我囉，唔得寵！我接受咗自己唔係老細最鍾意嗰個，一個人可以坐大，係俾上司縱到咁，一個咁大嘅機構，唔係需要做到嘢嘅人，點解會咁扭曲？」Jenny揞名爆惡頂同事：「呢個人真係喺我身上留低過傷痕。」
來源:
http://hk.apple.nextmedia.com/entertainment/art/20150715/19219436
大台又抄橋？《潮流教主》勁似日劇《First Class》
1 :
GS(14)@2016-03-05 01:26:31喺大台孭得飛嘅花旦走一個、走下又一個，如果你屋企嘅公仔箱，因為家人而慣性常開，就會發覺啲女一角色，睇嚟睇去都係啲新晉力谷小花陳凱琳、蔡思貝等，即係連演技都唔可以叫好嗰啲，大台力谷仲有李佳芯同陳瀅，好似大台近日播《潮流教主》，講陳豪做時尚雜誌總編輯，帶領旗下一班女職員搞fashion，似就似係玩新嘢!不過啲劇情又係抄日劇《First Class》，當中被網民封為「世紀煩音達」嘅蔡思貝，亦繼續做一啲熱血努力角色，唔少網民都覺得佢慘被大台「定型」，就好似幾個女演員演開被強姦嘅角色，就長期喺劇中被姦，認真夠晒悽涼，認為蔡思貝可以演啲cool嘅角色。昨日有周刊稱大台劇《潮》係抄兩年前嘅日劇《First Class》，呢套日劇第二輯上年更喺J2台播過，蔡思貝演嘅「張逸寧」仲同《First Class》女主角「吉成千奈美」澤尻英龍華好似，又係講一個打扮好娘嘅女仔入行，喺最top嘅潮流雜誌社，點被公司啲人恰，個人點上進，角色同劇情都大致相同，報道更指，有一集更加離譜，連劇情都一樣，講有個model甩底，要臨時搵人頂上做model，蔡思貝著嘅背心裙，仲要同《First Class》嘅吉成千奈美差唔多款拍攝當中亦加咗好多內心劇嘅位，不過唔係用眼神去交代，而係用內心對白去演，呢個都係日劇最常用嘅手法，大台o依家先抄嚟當新嘢遲唔遲啲，另外，陳豪喺劇中成日叫啲下屬去天台，《First Class》亦有唔少重要場景喺天台拍攝噃!角色當然唔止抄一個喇，楊秀惠演嘅富二代角色都有「藍本」就係喺《First Class》由菜菜緒演嘅「千金高層」，又係女主角吉成千奈美嘅死敵，咁啱楊秀惠喺劇中又係蔡思貝嘅死敵，就係撞都冇咁橋!不過，成套劇最多人彈嘅係陳豪演戲，造型明扮時裝界名人「老佛爺」Karl Lagerfeld，咁陳豪本身夠高，絕對係model底子，但唔係「教主」feel，有網民覺得個角色如果由黃子華去演一定更好。
來源:
http://hk.apple.nextmedia.com/entertainment/art/20160304/19516176
梁思浩被炒12年後重返大台直插樂大媽恃勢欺人
1 :
GS(14)@2016-03-16 14:28:12梁思浩同大台嘅恩怨真係一疋布咁長，話說12年前即係2004年大台嚟個大裁員，梁思浩就係其中一個被裁嘅人，當時佢仲開記招嚟個大控訴。方丈份人係點大家都知，12年嚟梁思浩多次開口話想返大台，不過都係唔成事，但係最期待嘅畫面終於出現喇！梁思浩昨午喺微博開post話，事隔12年，終於可以再次喺大台頻道現身喇！雖然唔係回巢，只係應李居明邀請上節目做嘉賓，佢留言話佢咁多年嚟唔嬲大台，而係「大媽」高層：「破冰之旅。已經12年冇出現TVB螢光幕上，其實我跟TVB一直無仇無怨，也不憎恨TVB，只是一直憎恨一個恃勢欺人整容大媽高層，12年來很多無綫藝人也因為這個整容大媽離開TVB（我是敢言又不怕惡勢力的人）12年後的今天終於破冰了！謝謝為我破冰之人——玄學大師李居明！今次跟覓雪合作也超級開心，三月底TVB見。」考古時間又到喇。04年無綫大規模裁員，台前幕後都有份，梁思浩係第一批被裁藝員。當時梁思浩話曾致電樂易玲，希望留低，樂易玲只解釋係因為梁思浩好多年冇拍劇，所以列入被裁名單。收到大信封之後，梁思浩即含淚開記招，向傳媒展示大信封，直插樂易玲：「我覺得樂小姐你點做電視0架？我15年前先喺戲劇組……我做live show都超過一萬小時，但係佢睇電視都唔知夠唔夠一萬小時。」又痛斥無綫不近人情：「最慘係扮豬扮狗，佢都唔要我！」但梁思浩離開無綫後，人工大躍進，由$3,000一個騷加到6位數做亞姐司儀，之後跳槽有線《怪談》又做飲食生意，越撈越掂。梁思浩亦唔再俾面樂大媽……係樂易玲至啱，講到明話無綫有黑名單：「張黑名單喺樂易玲個手袋入面，我同黃日華都返唔到無綫，除非等樂易玲唔喺無綫做就有機會。」之後梁思浩又去過各大電台、電視台工作過，仲開埋糖水舖兼中埋六合彩發埋達，不過佢就念念不忘大台，多次接受訪問都放晒口風話:「我成日都想返TVB！」2012年仲話:「有提過想搵我做大騷，我實OK！」最後都唔成事。2013年，無綫再有藝員科同事接觸過佢邀其回巢做主持，梁思浩當時話:「其實大致上都可以，只係錢嘅問題，對方好有誠意，因為對方唔夠直播主持。」結果又係無疾而終。去年底，已躍升為甜品大亨嘅梁思浩，於訪問中再放風話，如果曾勵珍同余詠珊邀請佢嘅話，佢唔收錢都願意返無綫喎。有傳樂小姐失勢，轉去邵氏發展，而梁思浩咁啱又係呢個時候「破冰」，喺大台亮相，有冇咁橋呀！
來源:
http://hk.apple.nextmedia.com/entertainment/art/20160316/19531704
【先煲為快】5GB數據卡睇大台 夠睇幾耐？
1 :
GS(14)@2016-03-17 14:53:40早前3香港在街上派5GB的4G數據儲值卡，讓電視迷觀看myTV SUPER，但到底5GB的容量代表可以睇幾耐呢？夠唔夠看一整套的劇集呢？記者特意做了一個測試，發現一張5GB卡睇得6小時左右的myTV SUPER劇集！記者先將手機的數據用量歸零，然後看了一小時myTV SUPER的節目，整體來說都算流暢，但到底用了多少數據？以今次為例，觀看一小時節目大約用了835MB數據，以SIM卡身提供的5GB來計算，大約看6小時8分鐘左右便會用完5GB；如果以本地節目，每集大約45分鐘的話，則就可看到大約8集左右。此外亦要留意，此儲值卡只有數據，並不能通話。不過如果只是為看大台的myTV SUPER，每次都要換一張不能撥電話的SIM卡，會否很傻呢？覺得傻的話，不妨嘗試將卡放出，記者於網上發現此卡有輕微炒價，大約炒到100元一張，不過暫時未知有冇成交喇。記者：方健銘
用家需要用手上的SIM卡去做啟動，才能登入myTV SUPER。
記者實試觀看一小時節目大約用了835MB數據，卡身本身有5GB來計的話，大約看6小時8分鐘左右便會用完5GB。
此儲值卡只有數據，並不能通話。
來源:
http://hk.apple.nextmedia.com/su ... t/20160317/19532521
【維園悼念】港獨派衝大台：不要建設民主中國
1 :
GS(14)@2016-06-06 03:04:38支聯會昨晚在維園舉辦六四集會，將近晚上8時，一班身穿黑衣手持支持「香港獨立」及「Hong Kong is NOT China」旗幟的香港民族陣線成員衝上台，與義工發生激烈衝突，多人倒地，一人更上台高喊港獨口號及「不要建設民主中國」。台上糾察隨即將有關人士帶離大台，支聯會常委朱耀明亦有游說有關人士先回台下。其後有關人士被義工帶走，警方亦帶走該男子。持旗年輕人批評，支聯會不讓他們發表意見，如中聯辦一樣獨裁。據了解，該男子名Simon Sin，他在行動前曾於fb上載他與組織其他成員準備衝擊的照片，並留言稱是「統獨對決」。混亂期間，該批港獨人士的其中一名幪面男子手持伸縮棍亂舞，揮向記者與支聯會義工，本報攝記亦被其擊中左腳，甚感痛楚。對於有數名支持港獨人士衝上六四晚會的大台，發生衝突。支聯會主席何俊仁於會後回應，支聯會尊重不同人的意見，支聯會亦有論壇可讓各政見的人發表意見，但不希望以後再發生類似事件。對於有港獨人士持棍襲擊支聯會義工和記者，何俊仁指，如有人不止破壞秩序，並用暴力對待義工和記者，只會與爭取民主的群眾對立，「我相信市民眼睛係雪亮的，香港係一個文明的地方，我地係唔會欣賞呢種做法，會譴責呢種咁的暴力」。警方表示，昨晚約8時接報到場調查一宗爭執期間，要求24歲黃姓男子提供身份證明文件，但遭拒絕，向對方發出口頭警告後仍不合作，於是拘捕對方，涉嫌阻差辦公扣留調查，交由東區警區刑事調查隊第二隊跟進。
來源:
http://hk.apple.nextmedia.com/news/art/20160605/19642120
大台衫無限loop翠如：都係唔知着邊個件衫
1 :
GS(14)@2016-06-21 07:39:08無綫慳家就係人都知，除咗蔡思貝、陳凱琳面孔喺啲劇無限loop，道具、戲服等等，亦時不時俾眼利網民，發現循環又循環咁，用完再用。咁今次主角係邊個呢？咪係同樣喺有線過檔大台嘅好姊妹梁嘉琪同黃翠如囉！有網民昨日貼咗翠如BB同梁嘉琪做節目嘅相，就問翠如BB究竟係邊個着咗邊個件衫。相入面，梁嘉琪同翠如BB，同樣着咗件超sharp醒嘅彩色間條衫，直頭離一條街都見到嗰隻。通常呢個情況，俾人篤爆咗，大部份藝人都保持緘默或者hea住答，偏偏翠如BB就好鬼認真咁回覆呢位網民：「我都係唔知着邊個件衫！」仲引用番梁嘉琪個句：「只能說公司D衫好耐穿。」
來源:
http://hk.apple.nextmedia.com/entertainment/art/20160621/19662829
大台喪玩穿越時空 越睇越有驚冇喜
1 :
GS(14)@2016-10-17 08:09:24近日一對喺1985年《回到未來》（Back to the Future）中出現過嘅自動綁帶波鞋實體面世，令時空穿越呢件事，突然變成一個話題。大台其實「好潮」，屢次以穿越時空呢條橋嚟做劇集故事嘅橋段，不過同一款橋唔代表套套效果都係一樣嘅。
《尋秦記》
首播年份：2000年故事：改編自作家黃易嘅同名小說，電視劇版講警隊要員保護組警員項少龍（古天樂飾）喺一次時光機科學實驗中，被送返去2000幾年前嘅戰國時代，更要搵番秦始皇，佢就以現代人所得嘅知識，以及佢喺特種部隊所學嘅職業專長，喺戰國時代化險為夷……演員：古天樂、江華、宣萱、滕麗明、郭羨妮、鄭雪兒、李子雄等好睇度：＊＊＊＊＊（以5＊為最高）可能因為《尋秦記》係大台開創穿越時代劇種嘅先河，加上係當年嘅台慶劇，所以口碑同製作都相對地認真，而且主演嘅都係好戲之人，包括古天樂、江華、宣萱、滕麗明、郭羨妮等，睇卡士都贏幾條街。而古天樂更憑呢套劇，贏得2001年《萬千星輝頒獎典禮》最佳男主角。
《九五至尊》
首播年份：2003年故事：喺200年前嘅清朝，當呂四娘（張可頤飾）行刺雍正皇帝（江華飾）之時，遇上水龍捲，兩人穿越時空到21世紀嘅香港。雍正陰差陽錯成為李大蝦，入咗建材公司做嘢，仲利用自己嘅智慧謀略輔佐三公子岑日禮（林韋辰飾）喺家族企業中平步青雲；而呂四娘就成為同一建材公司老闆岑兆康（秦沛飾）嘅貼身保鏢。因為兩個古代人喺現代香港生活，發生咗好多唔同嘅笑料。演員：江華、張可碩、曾偉權、郭政鴻、鄧一君等好睇度：＊＊＊＊繼《尋秦記》之後，江華喺《九五至尊》中擔任，同張可碩合作，兩個唔單止夠撐場，而且真係演得好。一直都Chok住演嘅江華演活咗原本係皇帝、點知墜入現代凡間變平民，淨係講對白都已經活靈活現，氣勢贏晒。
《巴不得爸爸》
首播年份：2009年故事：楚帆（陳錦鴻飾）同楚慈（吳卓羲飾）性格相反，為免爭拗而分住嘅兩人，後來因楚帆有老人痴呆，返家同住嘅楚慈因嬲爆老竇破壞自己可以過檔鉅富程坤棉旗下，同時又打算結束老父心中雲吞麵檔，同安排對方入住老人院。點知楚慈一次意外穿越時空，返去六十年代，撞見年輕嘅楚帆、程坤棉等人。楚慈以為自己投靠程坤棉就可以攀龍附鳳飛黃騰達，後來發現對方欺上瞞下，加上記起以往嘅父訓，有所頓悟，拒絕幫棉，但棉發現楚慈來自未來，更知道自己會變成鉅富，反過嚟利用楚慈……演員： 姜大偉、陳錦鴻、胡杏兒、吳卓羲、楊思琦、胡定欣等好睇度：＊＊＊雖然卡士唔及上面兩套咁強，個故事都叫有啲meaning，不過，因為套劇嘅拍攝背景同電影版《難兄難弟》類同，甚至有人懷疑大台「參考」橋段，所以成件事個印象分大減。順帶一提，套劇係幾年之後開咗套姊妹劇《巴不得媽媽》（但兩個古仔係冇關係嘅）。
《回到三國》
首播年份：2012年故事：MK仔司馬信（馬國明飾）平日沉迷三國online game，更視諸葛亮為偶像，佢喺一次意外下商逢一個500年一遇嘅超級颱風，差錯腳而跌入時光隧道，返咗去三國時代。司馬信遇上諸葛亮（林峯飾），仲拍檔上陣殺敵，正常司馬信以為自己泊到個好碼頭時，發現諸葛亮根本唔係咁諗，二人決裂，雖然一度和好，但最後都係反枱收場，返唔到現代嘅司馬信憑住自己「先知」嘅能力喺三國大展拳腳……演員：馬國明、楊怡、林峯、羅樂林、蔣志光等好睇度：＊＊＊馬明BB擔正嘅《回到三國》，原本有佢天然呆嘅演繹，加埋有楊怡演嘅桑柔，個卡士組合係幾好嘅，可惜劇情無法之觀眾留下深刻印象，只係記得大結局係古代嘅楊怡嚟咗現代搵馬明BB團圓，但……又唔係大團圓結局，睇到個心嗱住嗱住。
《張保仔》
首播年份：2015年故事：女警黃娣妹（陳凱琳飾）喺長洲緝捕賊王Bowie（陳展鵬飾）時發生槍戰，娣妹靠喺張保仔洞執嘅古錢救命，之後佢出海追賊，遇上水龍捲被捲走，之後佢發現自己去咗清代嘉慶年間嘅海上戰場。海盜紅旗幫嘅張保仔（洪永城飾）某次出戰時發現娣妹，將佢捉返水寨；另一邊廂，娣妹被十一貝勒旻皓（陳展鵬分飾）喺平定海盜行動時生擒兼逼佢套料，可惜不果。娣妹喺返回現代前努力撮合自己嘅太爺同太嫲，避免自己灰飛煙滅；同時，佢打算借水龍捲再現時機返現代，保仔幫手，但旻皓現身同保仔打起上嚟，令娣妹返回現代大計受阻……演員：洪永城、陳凱琳、陳展鵬等好睇度：＊首先，故事太複雜，穿越完都仲要搞清楚啲一人分飾兩角，睇到頭都大；其次，故事想包圍嘅嘢太多，但要塞晒喺嗰幾十集嘅故事度，似乎太貪心。加埋啲演員……你懂的，所以……慳番啲時間做啲有益有意義嘅事更好。
來源:
http://hk.apple.nextmedia.com/entertainment/art/20161017/19803585
商天娥向大台舊同事認錯解「耍大牌」之謎
1 :
GS(14)@2016-10-19 05:28:4654歲商天娥前年約滿大台，點知上年拍完《樓奴》就甚少見佢喺公仔箱出現，早前商天娥接受電台訪問，佢就自爆離巢係因幾年拍《結‧分@謊情式》被指犯眾憎，商天娥又認自己嗰陣，成日遲到，與同事嘈過，後嚟就決定離開無綫，佢喺電台節目中，好有悔意稱希望佢哋聽到，可以體諒佢當時嘅處境，佢又話之前佢爸爸身體唔好，老公又要搬公司，咁啱商天娥又要開工，平時又要睇劇本，當時因為忙成日遲到，心情亦好差，幾乎有病，與同事關係麻麻，傳出好多新聞，令佢o依家都有心結。商天娥喺訪問中，稱自己當時好奇點解做咗咁多年都會畀人誤會，連好友都覺得佢麻煩兼耍大牌，後來佢先知自己錯，因為當時冇同大家講佢嘅情況，亦冇同公司交代，只係做人報喜不報憂，點知拍完呢套劇，爸爸就過咗身，今次商天娥忽然喺電台開咪，唔知係唔係想向大台同舊同事認錯，今日有周刊指，商天娥近日返咗大台錄《我愛香港》嘅其中一集，佢就冇再變「黑天鵝」，見人就笑晒打招呼，之前商天娥已放風想返大台拍劇，今次忽然變nice，睇嚟真係好恨返去噃!?
來源:
http://hk.apple.nextmedia.com/entertainment/art/20161019/19805046
大台劇損專業形象公關護士潮人無一倖免？！
1 :
GS(14)@2016-10-22 22:28:55大台嚟近會推出新劇《幕後玩家》係以公關行業做主題，但係宣傳片被指將公關一職塑造到目中無人、不可一世、財大氣粗、玩世不恭，令人分唔清到底係「公關」定係「夜場公關」。此事引起從事公關行業嘅人不滿，更有網上專頁開post反擊。其實過往大台都被指過唔專業，好似《實習天使》中，洪永城飾演「魔鬼男護士」帶住一班實習嘅新人，劇中佢講過一句「醫生話你錯就係錯」，有網民就表示咁係間接指護士地位低微。《潮流教主》一劇，劇本就疑似抄日劇《FIRST CLASS》，陳豪嘅造型疑似抄「老佛爺」Karl Lagerfeld。套劇係講潮流，但係劇中演員嘅造型就被指冇潮味。
來源:
http://hk.apple.nextmedia.com/entertainment/art/20161022/19809013
Next Page