2010-6-23 AD
| ||||||
華懋主席龔仁心 贏咗官司後,心情靚靚,頻頻喺公開場合亮相,噚日佢出席《資本傑出建築大獎2010》頒獎典禮,親自領取旗下如心廣場獲得嘅「最佳發展商──綜合建築項目 大獎」。 龔仁心領獎時講,如心廣場係家姐(即係小甜甜龔如心)嘔心瀝血之作,十幾年前家姐開始構思呢個項目,成幢嘢用雙子塔形式嚟起,中間 有條天橋連接,好似手牽手咁,意思係希望所有人團結一齊,只要團結就一定會成功! 華華真係想讚龔主席好嘢,可以就將家姐溫馨嘅理念發揚光 大。小甜甜在生時講過,佢愛夫情真,就算王德輝失蹤咁多年,仍然堅信佢未死,話要等老公返嚟。如心廣場嗰兩棟摩天大樓,亦係以夫婦倆英文名「Nina」同 「Teddy」命名,咁咪即係暗示佢哋手牽手永不分離? 李華華 |
| ||||||
呢排新股興鬥 大,由行李箱到商品交易所,個個都話係全球最大,o依家就輪到中國最大大賣場高鑫零售(6808)嚟上市!講開高鑫,佢旗下兩個品牌,一個大潤發一個歐 尚,但點解公司大號叫高鑫咁唔「喇更」呢?原來係大老闆、人稱「台灣胡雪巖」嘅尹衍樑(圖)搵高人算過先改呢個名喎。 高鑫執董黃明端話,大老闆之一尹衍樑好信風水,所有公司改名都會特登搵高人算一算,好似高鑫個鑫字,風水先生話,係寓意越來越多金咁解,佢仲話,除咗起名,開舖前佢哋都會搵嗰位高人嚟睇睇,研究吓有冇邊個位需要放啲乜嘢,咁耐以嚟so far so good啦。 講番尹衍樑,佢係潤泰集團總裁,爸爸做紡織起家,1975年交棒畀佢,到2008年,佢喺福布斯台灣富豪排名排第30位……睇嚟華華都要搵高人改過個名,唔知鑫淼好唔好呢? |