翁嘉穗畀錢大仔教細佬
1 :
GS(14)@2017-02-02 02:34:13翁嘉穗、王敏德、張崇基和太太劉美娟及李霖恩昨日到澳門出席「狂歡雪地嘉年華」，眾嘉賓均帶子女現身，惟獨翁嘉穗單獨到場。翁嘉穗細仔今年歲半，已經開始百厭，她說：「成日走嚟走去好難睇佢，所以唔敢周圍飛。」她又透露今年十六歲的大仔會幫手照顧細佬，她說：「會同佢講吓故事認識吓ABC，都想佢哋溝通多啲，因為兩個年紀相差比較多，起初我有畀番學費大仔，後來佢都唔需要啦，自動自覺去照顧細佬。」而王敏德一家五口到場，他說：「外國新年淨係玩一日，農曆新年有年初一、初二、初三咁多日玩，又會派利是。」問有甚麼新年願望？馬詩慧說：「最緊要身體健康，已經好足夠啦。」採訪、攝影：曹家誠
來源:
http://hk.apple.nextmedia.com/entertainment/art/20170201/19913905
18歲仔第一次碧咸帶大仔Brooklyn紋身
1 :
GS(14)@2017-04-04 08:56:02英國萬人迷碧咸（David Beckham）出名鍾意紋身，全身紋咗好多個唔同圖案，而其大仔Brooklyn亦趁剛滿18歲，首次去紋身，碧咸都有喺現場陪住Brooklyn。碧咸於周六帶咗Brooklyn去洛杉磯搵相熟紋身師傅Mark Mahoney，為囝囝於右手前臂紋咗一個碧咸自己都有嘅印第安頭象圖案，過程Brooklyn透過照上分享，仲留言：「謝謝Mark x與父親的一樣」已經大個仔嘅Brooklyn，一向感情生活豐富，佢早前被指與舊愛「紫天椒」嘉兒莫蕊茲（Chloe Moretz）於網上傳情被指翻撻，日前佢卻被拍到與另一舊愛Sonia Ammar結伴去睇騷。
來源:
http://hk.apple.nextmedia.com/entertainment/art/20170404/19979676
陳爽大仔爭寵扭計
1 :
GS(14)@2017-05-13 05:34:14陳爽和李蕙敏昨日在柴灣為ViuTV節目《晚吹：總有一件喺左近》擔任嘉賓，陳爽大談請陪月經驗：「聽朋友講有啲會打斧頭、扮有經驗，甚至有啲會刻意博炒，自己好好彩，請到個好好嘅陪月，生兩個小朋友都係搵佢幫手。」陳爽的大仔兩歲半，細女三個月大：「有時大仔都幾扭計，成日爭寵，所以唯有將佢哋分段時間照顧，畀大仔嘅時間仲要多啲。」
■李蕙敏表示跟以前的男友很少去旅行。
李蕙敏則分享旅伴經驗，表示以前好少跟男友去旅行：「因為唔公開得，就算係去都分開喺當地會合，而且成個旅程都提心吊膽，加上我有個原則，拍拖唔超過九個月唔會畀人知，費事俾人話覺得我成日換畫。」採訪、攝影：曹家誠
來源:
http://hk.apple.nextmedia.com/entertainment/art/20170513/20019510
翁嘉穗大仔入港隊
1 :
GS(14)@2017-05-27 08:54:32翁嘉穗與衛詩雅昨日在灣仔出席「百家寶BB展及教學展」揭幕禮，提到栽培兒子，翁嘉穗表示不是專家，最着重是孩子的品德教育。提到長子Jason早前奪得「香港健力錦標賽」青年組冠軍，翁嘉穗透露囝囝已獲選加入港隊，而原定一家暑假到倫敦慶祝，但受恐襲影響，決定取消行程，她說：「?家唔敢去，好彩未買機票，但之前已經安排好行程，book晒酒店同餐廳，安全緊要啲。」另外，衛詩雅到BB展為姪女掃貨，更自爆遭家人投訴教壞小朋友，她說：「我叫佢唔使執玩具，係壞榜樣。我精力多，可以陪玩，但揀另一半一定要成熟啲，識教小朋友。」採訪：羅慧敏攝影：仇志德
來源:
http://hk.apple.nextmedia.com/entertainment/art/20170527/20034906
Dino親子陪練車大仔失平衡跌倒
1 :
GS(14)@2017-06-11 16:09:17【放狗】■Dino一家四口日前到數碼港的草地玩樂兼放狗，享受家庭樂。
【數碼港】組合Soler的細孖Dino和老婆黃麗施育有兩子，日前一家四口到數碼港的草地親子樂，Dino陪4歲大仔Damiano玩滑板車，愛刺激的大仔越玩越快，結果失平衡跌倒，雖然年紀小卻沒嚎啕大哭，反而用手仔搓完膝頭哥已自己起身，表現得好堅強。其後Dino回來陪細仔Orlando玩，抱起肥嘟嘟的他練舉重，?到細仔哈哈笑，之後兩兄弟和愛犬跑去放電，Dino和老婆瞓草地談情，十分sweet。對於大仔跌倒沒哭，Dino接受電話訪問表示：「呢個係自細教佢，跌親自己企番起身，如果痛就教佢發洩，喊得大聲啲，佢好快就學識點樣處理痛苦。我哋嘅方法係尊重小朋友，但要有規矩，最重要係身教，如果小朋友行為差，我哋要反省。」
【仆親】■大仔玩滑板車跌倒，自己企起身沒有喊，Dino都讚大仔識控制情緒。
【舉重】■Dino舉起肥嘟嘟的細仔，他即扮超人配合。
【談情】■Dino和老婆瞓草地談情，甜蜜滿瀉。
抱細仔抱到甩骹
至於細仔Orlando出世時是9.1磅巨B，現在更加肥肥白白好可愛，難怪Dino用細仔練舉重，他笑說：「佢覺得自己係超人，好鍾意喺高嘅地方跌落嚟，佢啲骨好重，我同太太都試過抱傷手甩骹要睇醫生，佢眼神好想你抱，我唔捨得一定會抱，?家抱佢有技術，唔可以立亂舉。」採訪、攝影：徐錦池、孔志豪
來源:
http://hk.apple.nextmedia.com/entertainment/art/20170611/20051676
張繼聰大仔生日：以後去蒲帶埋我
1 :
GS(14)@2017-06-18 11:18:13■阿聰前晚為囝囝慶祝生日，送上車路士波衫型蛋糕做禮物。互聯網圖片
張繼聰與老婆謝安琪的大仔張瞻前日生日，阿聰在互聯網貼出父子合照，以及車路士波衫型蛋糕相，為囝囝慶祝10歲生日。阿聰又與老婆潮玩手機apps扮狗仔賣萌，十分溫馨，阿聰留言：「原來做人父母，真係會好唔捨得自己嘅小朋友大得咁快，我嘅乖仔，感謝你呢十年健康快樂咁成長，keep住過多幾年，你同班（女）同學去老蘭celebrate，記得帶埋老竇去，I love you my boy！」網民抵死留言：「我相信佢啲女同學好希望佢帶老竇出嚟，第一句：世伯你好，我細細個就睇你啲戲長大！」、「過多幾年，佢唔會帶你去㗎喇！唔驚你draw晒啲（女）同學嘅attention咩？」
■祖兒和黃耀明同是6月16日出世，兩位壽星早已約在碼頭談心慶祝。互聯網圖片
祖兒約明哥談心
其實6月16日生日除了張瞻，還有容祖兒及黃耀明，前晚兩位娛圈616壽星在facebook貼合照，祖兒留言：「那夜我和這位#616在碼頭談心，足足傾了兩小時，我想除了他之外，身邊極少朋友飯後的活動是選擇在鬧市中散步，那一刻我感到非常浪漫，願我的小王子永遠健康快樂。」撰文：皓騫
來源:
http://hk.apple.nextmedia.com/entertainment/art/20170618/20059507
陳豪送大仔讀猶太學校
1 :
GS(14)@2017-06-25 10:11:18■有指陳豪夫婦不惜山長水遠為送大仔到半山上學。資料圖片
早前有指陳茵媺為大仔陳梓燁（Aiden）取得著名學府哈羅香港國際學校入場券，計劃再用「世襲制」，讓弟妹入讀，花了500萬買入該校資本證券兼讓Aiden讀學前班。之後又傳陳豪夫婦帶Aiden去加拿大國際學校面試，希望仔女於輕鬆環境下學習。昨日有周刊報道指陳茵媺經過篩選，最後決定將Aiden送入香港猶太教國際學校就讀，該校雖較冷門，但培育小朋友在數學及精算方面很有一套，而且猶太人一直有天才腦袋，陳氏夫婦不惜山長水遠，由比華利山送Aiden到半山上學。陳豪指Aiden已適應學校生活，同時透露太太有復出計劃。撰文：張俊銘
來源:
http://hk.apple.nextmedia.com/entertainment/art/20170623/20065448
紐約聯合國同學添好奇心張堅庭大仔 電影表達思想
1 :
GS(14)@2017-07-07 01:32:59■張堅庭喺電影工業多年，大仔張高銘（左）自小受他薰陶，在大學時修讀電影。
【向世界升學】張堅庭嘅23歲大仔張高銘（Justin）舊年喺紐約大學名府Tisch學院電影畢業，嚟緊會去羅省做實習，之前佢拍咗一條關於佢哋家傭YaYa嘅紀錄片，希望為傭工發聲。阿庭支持囝囝讀電影：「佢鍾意讀乜咪讀乜，我冇意見，佢讀考古又得，讀鋼管舞有學位，冇乜所謂，critical thinking先係重要。」而Justin就認為：「我由細到大都鍾意睇戲，拍自己電影，唔一定有古仔，好似拍屋企旅行，甚至追女仔，我覺得寫一封情書唔夠好，拍電影對我係最好表達方式。」
■Justin（左二）舊年喺紐約大學Tisch學院畢業，全家總動員開心去觀禮。
■Justin剛拍關於香港菲律賓傭工紀錄片，以一手湊大佢嘅菲傭YaYa（右）為故事藍圖。
「讀乜冇所謂」
Justin喺大學除讀電影，有讀考古、政治學、人類疾病等課程，豐富自己眼界，更因身邊嚟自聯合國嘅同學、烏克蘭籍女友，通過互相辯論、影響，增加對知識好奇心，而阿庭就認為Justin變得獨立有紀律。講到做電影工作出路，阿庭認為：「你要記住讀乜嘢科目，基本上早年已有30%唔match，有啲甚至工程師、醫生咁專業都唔match，所以我覺得讀乜都冇所謂，讀電影係同藝術有關係，係視覺藝術，對白嘅藝術、表達藝術，將來個社會係最需要，係學緊一啲謀生工具嘅訓練，出路係好闊。」場地提供：sfs cafe、odd one out
來源:
http://hk.apple.nextmedia.com/entertainment/art/20170706/20079970
Next Page