【科健籽】《哈利波特》魁地奇陸地版 港大Hall戰棍網球
1 :
GS(14)@2016-03-05 01:27:34上周一個月黑風高的晚上，一班港大學生，有男有女，齊齊在校園內草地球場練習棍網球，雖然天寒地凍，但無損眾人對這項運動的熱情，練到球場熄燈至肯走！
【科健籽：好動之城】投身社會後，總會緬懷讀書的日子，難得上到大學，想必體驗新嘗試。在香港大學的校園內，就有一項大學獨有的冷門球類運動，令不少港大學生着迷，還成為舍堂（hall）之間每年對決的傳統項目之一。它叫棍網球（Lacrosse），急速的比賽節奏，猶如《哈利波特》中「魁地奇」比賽的現實版，學生們在同一起跑線，由零開始學習這項球類運動，挑戰自我。
在香港，有些地方稱Lacrosse為「棍網球」，有些地方則叫「袋棍球」，是一項衝撞性的運動，球員全身穿上護甲，不可用手或腳控球，而要用一支有網（Pocket）的球棍，不斷傳球、保護球不被搶走，將球射入龍門得分。棍網球源於北美洲，相傳原是當地土著的宗教儀式或鍛煉勇士之用，直至十七世紀，法國傳教士將它傳入歐洲，命名為Lacrosse，後來曾成為三屆奧運比賽項目，現時隔四年會舉行一次世界盃，在美國、加拿大、日本和澳洲最為流行。有指《哈利波特》作者羅琳，受這項運動啟發，創作故事中的魁地奇比賽。棍網球在香港，基本上是由港大發揚光大，亦成為至今全港唯一有棍網球比賽的大學。1963年，有位英國教授將這項運動引入港大，後來大學多間hall相繼組成球隊，每學年進行舍堂聯賽對決。聞說食物及衞生局前局長周一嶽、貪污入獄的前政務司長許仕仁，以至剛參選立法會新界東補選、本土民主前線的梁天琦都曾參與過棍網球，而梁近年已沒再代表hall出戰。目前棍網球港隊代表中，近九成均為港大生。港大的舍堂文化，鼓勵宿生多參與運動比賽，當中有三種較少見的球類：棍網球、壘球和曲棍球，被稱為“new ball games”，不少港大生基於「想試新嘢」而踏出第一步。以棍網球為例，由起初有五間hall球隊，現已增至七間，當中重視體育見稱的男生舍堂利瑪竇宿舍（Ricci Hall），過去兩個學年均在棍網球的舍堂聯賽奪冠，成為兩連霸。此外，舍堂每項運動都有由師兄師姐充當教練指導低年級師弟師妹的傳統。理學院4年級生（運動及健康）黃思瀚（Wesley）就是現時Ricci Hall棍網球隊的教練之一，他說：「以前香港是沒有棍網球教練，都是單靠學生自學，由師兄教番師弟點玩，逐漸成為港大各項運動的傳統。」
港大Ricci Hall球隊過去兩年均稱霸舍堂的棍網球聯賽。
港大舍堂文化是由高年級生當運動項目教練，如4年級的黃思瀚（左）指導新生鄭智仁（右）參與棍網球。
棍網球比賽有不少碰撞，故必須佩戴頭盔、肘脛和手套等出賽。
舍堂文化 師兄當教練傳承球技
Ricci Hall棍網球隊門將、理學院3年級生馮禮賢（Marco），回憶當初參加，是因為看到比賽時可戴頭盔和穿護甲，覺得「很型」。由於門將球棍的網較闊，他笑說曾試過有途人問他當日是否捕魚或撲蝶，他未有在意，亦不怕麻煩每次練習都要帶大量裝備，皆因他覺得這項運動可以挑戰自我，「大部份香港人甚至大學生，都是入港大後才會接觸到棍網球，大家都是同一起步點，若果表現比他人優勝或取得佳績，某程度上可反映自身心態，如有冇刻苦耐勞練習令自己進步，以及爭勝心有幾高。」
Marco的隊友、司職後衞的工程學院3年級生李卓軒（Jay）及司職前鋒的同系師弟1年級生鄭智仁（Marco），就同樣覺得棍網球好玩之處，是比賽時可不斷利用身體與對手碰撞爭球，Jay甚至直言擔任後衞亦是這個原因，「落場後每碰撞一下，就好想繼續有第二下，這種碰撞性可能就係我一直想繼續玩的原因。」教練Wesley就覺得，棍網球最特別之處，並非一味靠大隻或速度就可以「屈機」，而是講求控球技巧，「即使速度快、有能力撞倒很多對手，但無法做好網內控球的話便是徒然。」
女仔也愛玩 黃欣婷（左）和韓穎嫻玩棍網球不足半年，很享受與隊友一同練習。
有指《哈利波特》的魁地奇，是作者羅琳從棍網球取靈感而創作出來。
美國網站訂購裝備 價錢不菲
棍網球至今在香港仍屬冷門運動，Wesley認為，這項運動需要很多裝備，價錢不菲，全套約要二、三千元，又要經過美國相關網站訂購，不易隨時玩，「要買咁多裝備先可以開始一項運動，可能香港不少家庭的小朋友係負擔唔起。」他補充，公眾如有興趣試玩，可報香港棍網球總會開辦的興趣班，由中小學到成人都有開辦。玩Lacrosse又點只得男仔玩，港產片《玻璃之城》中，女主角舒淇飾演的港大學生，亦有玩棍網球的情節。現時港大hall玩棍網球的女生不多，但仍有29人可組成一支球隊，包括兩名玩棍網球不足半年的理學院韓穎嫻（Hannah）和牙醫學院黃欣婷（Jessica），起初參加都是受這項運動節奏速度快所吸引。1年級生的Hannah話，起初都覺得棍網球有點像魁地奇，「魁地奇在空中傳球，將球入圈；Lacrosse不同的是在陸地玩，兩者比賽節奏感覺很相近。」3年級生的Jessica就很享受一班人經常一起練習的日子，「我們始終係一team人，可以一齊練習和進步，係很熱血和好開心的事。」
棍網球玩法
球員：每隊每節10人落場比賽比賽時間：1小時，分4節，每節15分鐘，入球多者為勝方位置：門將1人、後衞3人、中場3人、前鋒3人規則：可不斷換人，換出後可再次入場；容許合法碰撞，範圍包括由肩膊到腰間及球棍，否則為犯規，因應情況判罰球員離場30秒以至3分鐘。註：女子棍網球每節每隊有12人落場，相對男子棍網球較少猛烈碰撞，球例保護度較高，如防守球員欲取回進攻優勢，不可向對方頭部方向觸擊；裝備上就有眼罩、牙套和手套以作保護。
男子裝備剖析
馮禮賢Marco（理學院3年級）
門將Goalie
頭盔 $2,000肩甲、手套 $700球棍 $300特點：頭盔覆蓋到喉嚨位置，肩甲較一般隊員的大塊，手套拇指位有厚墊加強保護，球棍網面亦較大。
李卓軒Jay（工程學院3年級）
後衞Defender
頭盔 $1,500肩甲、肘脛、手套 $1,000球棍 $600特點：球棍長約6呎，近乎一個成人高度，較進攻隊員的球棍長一倍，以便防守和截球。
鄭智仁Marco（工程學院1年級）
中場/前鋒
Midfielder/ Attacker
頭盔 $1,500肩甲、肘脛、手套 $1,000球棍 $300特點：球棍長約3呎，相對其他位置的球棍輕巧，以便傳球和射球。
棍網球術語
開球Face Off 雙方派一名球員在半場線蹲下角力爭球，傳給隊友進攻。
控球Cradle 球員跑動時要不斷左右搖擺球棍，以免球跌出網。
傳球Pass 傳球給隊友的動作，由於棍網深度很淺，講求技術。
射球Power Shot 用力拋球，球速極快而成為棍網球的特色。
記者：余 瑋攝影：徐振國、鄧鴻欣編輯：謝慧珊美術：楊永昌部份圖片由受訪者提供
來源:
http://hk.apple.nextmedia.com/su ... t/20160304/19515169
【影人影事】冇發福喎！中年哈利波特原來是咁的
1 :
GS(14)@2016-06-06 02:55:15《哈利波特》系列可以話係陪住90後、00後成長，雖然主系列嘅書已經出晒，但周邊故事就陸續有來。下星期開始喺倫敦皇宮劇院預演嘅哈利波特舞台劇《Harry Potter and the Cursed Child》，前日公開19年後哈利一家人係點樣，演員Jamie Parker造型似足原生版哈利仔Daniel Radcliffe，雖然依舊着住唔合身old fashioned老西，但望住佢回憶即刻返晒嚟！不過叫人耳目一新嘅，係電影中Emma Watson飾演嘅妙麗，舞台劇版搵來黑人演員Noma Dumezweni出演，作者J.K. Rowling仲大讚佢「極有妙麗神髓」（gets Hermione inside out）！記者：黃樂雯
波特一家人合照，「金妮」Poppy Miller同仔仔「阿不思」Sam Clemmett一家都好有英倫味。（harrypottertheplay圖片）
舞台劇中，哈利已經係三子之父，仲喺魔法部打工有勁重workload，唔怪之得個樣咁愁。（harrypottertheplay圖片）
榮恩妙麗一家合照，說好的衛斯理家紅髮呢？（harrypottertheplay圖片）
舞台劇根據J.K.Rowling原著故事《Jack Thorne and John Tiffany, Harry Potter and the Cursed Child》改編而成，故事繼續圍繞波特父子同黑魔法勢力鬥爭。
來源:
http://hk.apple.nextmedia.com/su ... t/20160603/19638918
誤認《哈利波特》景點強國客反轉村莊影垃圾
1 :
GS(14)@2016-07-09 07:02:02英國英格蘭東南部的牛津郡，因其濃厚的人文氣息，每年都吸引不少觀光客前來遊玩。不過，卻有導遊謊稱其郊外的基德靈頓村（Kidlington）是電影《哈利波特》（Harry Potter）的取景處，讓這「不具知名度的小村」忽然湧入大批中國旅客前來觀光，當地人詫異地說：「連垃圾堆都有人拍照！」基德靈頓這條原本寧靜的小村莊，突然成為中國遊客的必到景點。中國遊客以為這條村與知名電視劇《摩斯探長》（Inspector Morse）、《駭人命案事件簿》（Midsomer Murders）曾在當地拍攝，更以為電影《哈利波特》在此處取景。根據《摩斯探長》官方網站透露，該電視劇的拍攝場地位於基德靈頓以北的Thrupp地區，當地運河上的一間旅館Boat Inn，而摩斯探長則在達沃爾弗庫特（Wolvercote）的旅館Trout Inn喝得酩酊大醉。有當地居民稱，有導遊訛稱基德靈頓村是電影《哈利波特》中，收留哈利波特的阿姨「德思禮一家（the Dursleys）」取景處，造成不少中國觀光客特地乘坐旅遊巴到此一遊，讓不少在當地人受寵若驚。基德靈頓村距離牛津北方大約8公里，人口約1.5萬人。對於村裡忽然湧入大批遊客，而感到毫無頭緒的民眾表示，現在每周四都會有旅行團前來觀光，這些外來客下旅遊巴以後，除了閒逛、拿相機到處自拍，還會闖入民居的後院賞花、踐踏草坪；甚至連他們每周固定的垃圾收集日，也被中國客認為「很新奇」，「垃圾堆都有人在拍照！」英國《每日郵報》
來源:
http://hk.apple.nextmedia.com/international/art/20160709/19688227
霍格華茲同學會《哈利波特》電影五周年 演員去哪兒
1 :
GS(14)@2016-07-09 07:02:13唔經唔覺，電影《哈利波特》系列最後一集《哈利波特─死神的聖物2》（ Harry Potter and the Deathly Hallows： Part II）上映至今已經係第五年，五年之間唔少花咗10年拍呢部電影嘅童星已各有去向，有啲繼續喺影圈發展，有啲就冇再拍戲，以下落嚟同大家報告一下哈利波特嘅同學仔（同敵人）嘅去向。1.哈利波特（Harry Potter）26歲嘅英國男星丹尼爾拉德克里夫（Daniel Radcliffe）喺影壇仲喺好活躍，香港觀眾不時見到佢嘅消息。佢嚟緊會喺怪雞新片《Swiss Army Man》扮演會放屁嘅死屍。2.妙麗格蘭傑（Hermione Granger）26歲嘅英國女星愛瑪屈臣（Emma Watson）亦都係依然好活躍，佢嚟緊會喺真人版《美女與野獸》扮演貝兒，佢亦係聯合國大使，為爭取女性權益好落力。3.榮恩衛斯理（Ron Weasley）27歲嘅英國男星路柏格連特（Rupert Grint）自從飾演完榮恩後，拍嘅戲都係偏向輕鬆搞笑，佢最近拍緊一部叫《Sick Note》嘅黑色幽默電影，會於2017年上映。4.奈威隆巴頓（Neville Longbottom）27歲嘅英國男星Matthew Lewis越大越有型，佢不時拍電影同電視劇，喺新片《遇見你之前》（Me Before You）係第二男主角。5.張秋父親出生於香港嘅梁佩詩現年28歲，佢拍完《哈利波特》之後都有繼續演戲，佢現時忙於拍新片《The Foreigner》，有成龍及皮雅斯布士南（Pierce Brosnan）參演。6.花兒戴樂古（Fleur Isabella Delacour）呢位讀波巴洞魔法學校嘅花兒由法國女星Clemence Poesy扮演，Clemence現年33歲，近年喺英劇《The Tunnel》做女主角。7.跩哥馬份（Draco Malfoy）28歲嘅湯費頓（Tom Felton）最近都幾忙吓，拍攝緊電影《 Stratton: First Into Action》、《Megan Leavey》之外，嚟緊又會參演美劇《閃電俠》（The Flash）。8.維克多喀浪（Viktor Krum）呢位保加利亞魁地奇代表隊的搜捕手係由保加利亞男星Stanislav Ianevski扮演，現年31歲嘅佢拍完《哈利波特》就冇乜演戲，拍過兩三部電影，現時留有長鬍鬚。9.葛果里高爾（Gregory Goyle）28歲嘅英國男星Josh Herdman於戲中扮演馬份嘅跟班，大大隻好霸道，佢拍完《哈》就冇乜再演戲，最近轉行做MMA選手!10.柯林克利維（Colin Creevey）呢個哈利波特嘅小粉絲唔再係瘦弱小男孩，呢位英國男星Hugh Mitchell現時27歲，留有長金髮，喺電視劇《The White Queen》、《Holby City》等演出，為人比較低調。11.露娜羅古德（Luna Lovegood）現年24歲嘅愛爾蘭女星Evanna Lynch拍完《哈》片後不時都會接電影拍，亦有為《哈》環球影城活動做宣傳，所以大家不時見到佢出現。12.金妮衛斯理（Ginny Weasley）25歲嘅邦妮賴特（Bonnie Wright）都好少演戲，佢轉咗做幕後執導，嚟緊佢會執導一部《Medusa's Ankles》嘅電影。13.弗雷及喬治衛斯理（Fred& George Weasley）呢對榮恩嘅孖生哥哥由英國孖生男星James及Oliver Phelps扮演，佢哋已經30歲，不過依然好動，不時喺instagram上載好跳跳紮嘅相，不過佢哋已經好少演戲。14.西追迪哥里（Cedric Diggory）30歲嘅羅拔柏迪臣（Robert Pattinson）拍完《哈》就去咗拍另一賣座電影系列《吸血新世紀》（Twilight）扮痴情吸血鬼，迷倒萬千少女，不過佢最近人氣大跌，因為冇乜代表作。15.西莫斐尼干（Seamus Finnigan）27歲嘅愛爾蘭男星Devon Murray喺電影扮演哈利同榮恩室友，佢拍完《哈》後都冇再拍電影，佢最近捲入官司，被前經理人指控佢欠付管理費，追討21萬英鎊（約210萬港元）。
來源:
http://hk.apple.nextmedia.com/entertainment/art/20160709/19688155
自封哈利電單車衛蘭感謝黎明：人有起落係好事
1 :
GS(14)@2017-06-16 01:47:49■Janice宣佈將於明年一月在紅館舉行個人演唱會。
【《蘋果》專訪】衛蘭（Janice）早前在網絡紅人King Jer舉辦的網上靚聲王投票中，擊敗容祖兒、陳奕迅及張敬軒等公認的靚聲王冠軍。早前她接受本報訪問，談到被封為靚聲王，她自言感到意外，Janice說：「真係好開心同埋有少少驚訝，全部都係我欣賞嘅歌手，我諗緊個投票嘅系統係咪有問題出現咗。」
■黎明當年一手一腳發掘出衛蘭加入樂壇。
■Janice被選為靚聲王，開心知道仍有人留意她的歌。
明年再踏紅館
Janice成為靚聲王後，專登拍片多謝King Jer之外，更宣佈明年一月會在紅館舉行演唱會，談到靚聲保養之道，她說：「平時都係飲室溫嘅水，唔好太熱，煎炸同辣嘅食物就盡量唔好開騷前食。」她表示聽過不少人指自己是樂壇嘅滄海遺珠，認為是件好事，因為起碼有人記得自己的存在，這次投票，亦代表不少樂迷網友沒有遺忘，她說：「呢次投票令我知道仲有人欣賞我唱歌。」
「唔係由佢控制」
對於有網友評論Janice是「成也黎明，敗也黎明」，她有不同看法：「Leon（黎明）佢真係好相信我，喺事業上幫我好多，我覺得有啲嘢，都唔係可以由佢控制。人有起落係好事嚟，提醒我仲可以喺呢個樂壇唱歌，係一種榮幸。」舊老闆黎明曾以「肥過電單車」來揶揄Janice，她笑笑口說：「真係唔介意，我初頭以為佢讚緊我，我覺得電單車幾型吖，所以?家我都係用呢個角度嚟睇。」Janice表示如果要用一款電單車來形容自己，她會用Harley-Davidson（哈利）來表達。採訪：倩宜攝影：仇志德髮型：Haysses Ip＠HAiR化妝：Samuel＠江中平化妝室服裝提供：5cm、Plotz場地提供：Maison ANT Nouveau啟斯藝術坊
來源:
http://hk.apple.nextmedia.com/entertainment/art/20170614/20054828
係愛呀哈利！霍格華茲夜間燈光Show夢幻登場
1 :
GS(14)@2017-06-25 10:11:16自從去年4月荷李活環球影城（Universal Studio）的哈利波特園區開幕後，不少哈利迷都趕來朝聖，手執魔杖對着櫥窗唸咒語施魔法，或排完又排去玩城堡內的禁忌之旅，踏進神秘的魔法國度！不過，更夢幻的情景即將發生，自6月23日起，樂園將延長平日開放時間到10時，天黑後上演「霍格華茲城堡之夜燈光Show」(The Nighttime Lights at Hogwarts Castle)，七彩炫麗燈光配上磅礡交響樂，《蘋果》帶你搶先睇燈光Show試演，讓你提早感受置身魔法城堡的夢幻一幕！駐洛杉磯記者：張紫茵 環球影城報道夜幕低垂，活米村內城堡燈光徐徐亮起，在分類帽介紹下，葛來分多（Gryffindor）、雷文克勞（Ravenclaw）、赫夫帕夫（Hufflepuff）以及史萊哲林（Slytherin）四個學院的代表色系燈光，配上吉祥物特效投影，尤如魔法般穿梭遊走在城堡牆外。配樂方面就由奧斯卡（Oscars）得獎者John Williams特別創作，著名的倫敦交響樂團錄製，燈光及交響樂配合下，呈現出霍格華茲魔法世界，讓民眾彷彿身歷其境。荷里活環球影城娛樂製作部高級總監Stephen Siercks表示，霍格華茲城堡燈光Show已經籌備了一年多，靈感是來自去年哈利波特園區開幕時的盛況，而燈光Show亦是荷李活獨家，在日本或奧蘭多亦不會看到。「結合投影技術及360度環迴音效，希望可以大家帶來一個耳目一新的霍格華茲城堡。」從德拉瓦州來旅遊的Pat Campbell是哈利波特迷，她第一次來到荷里活環球影城，覺得燈光Show非常奇妙、壯觀及不可思議，實在是太漂亮，亦令她想起電影的第一集，主角們入讀魔法學校的情景。亦有遊客在這個夢幻時刻，遞上戒指向最愛浪漫求婚。來自英國的Callum趁此機會向拍拖5年的女友Jess求婚，他表示一早已經計劃好在這趟旅程出馬，正好遇到城堡燈光Show試演，他們2人都是哈利波特迷，所以Callum就選了在這時求婚。他笑言已經緊張了一整天，幸好一切在計劃之內，在燈光Show期間，他假裝叫朋友幫他們拍照，其實就是拍下整個求婚過程。女友Jess笑到口不攏嘴，她表示今早還戲言叫他不要今日求婚，完全料不到竟然會發生，所以感到驚喜萬分。燈光Show歷時約6分鐘，將會從周五（6月23日）至聖誕期間每晚天黑後上演，每20分鐘一場，直至樂園10時關門為止，周五晚上8時50分在環球影城Facebook專頁將會直播正式首映，如果想親身在現場感受，就趕快訂飛吧！
來源:
http://hk.apple.nextmedia.com/international/art/20170623/20066226
【九七那年】回歸以外仲有乜大事？哈利波特同八達通都係97出世
1 :
GS(14)@2017-07-02 14:52:29香港剛回歸就迎來一場金融風暴，房地產和股市受極大影響。
1997年，除了回歸，你還記得多少件97事？金融風暴就算沒有經歷都一定聽過97金融風暴，恒指大跌，樓價都大跌，令個個人心惶惶。但今日，不少年輕人為求上車，反而想再來一場金融風暴。3月31日荔園結業在1949年開幕的荔園，是不少人的童年回憶，自從海洋公園開幕，令荔園入場人數不斷下跌，加上政府要收回荔園塊地發展，無奈結業。2015年新荔園以短期形式重開，有經典的機動遊戲和攤位，大家的集體回憶再重現。6月26日《哈利波特》第一集出版《哈利波特》第一集小說神祕的魔法石在英國出版，魔法世界即時風靡全球，剛剛過的六月是哈利波特二十週年，連Facebook大玩魔法給粉絲慶祝。8月31日戴妃車禍去世英國戴安娜王妃在巴黎車禍意外中去世，對剛回歸的港人來說
簡直是一個噩耗。她生前用個人知名度來行善，積極關注愛滋病患者和弱勢杜群，比起所謂高官平易近人得多。9月1日八達通面世當年面世的八達通，是世界上最早發展的電子貨幣之一。今時今日，用手機支付在其他地方普及，但我們仍用八達通，會否太落後了？
荔園曾是香港規模最大型的遊樂場，現在已成為港人的集體回憶。
《哈利波特》第一集小說神祕的魔法石在英國出版，一系列小說至今仍在世界上最暢銷小說之列。
戴安娜王妃親民的形象受不少人尊敬和愛戴。
記者：黎婉婷2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170702/20075753
小米粒1歲生日P伊能靜頻撲送完小哈利返台即陪囡飛
1 :
GS(14)@2017-07-05 03:42:3248歲伊能靜早前同囝囝小哈利去歐遊，不時喺微博貼出同囝囝嘅合照，而同現任老公秦昊生嘅囡囡「小米粒」六月底生日，呢個媽咪認真夠忙，由米蘭轉機阿姆斯特丹到台北，轉機嗰陣，要照顧囝囝去洛杉磯嘅事宜，伊能靜當晚差唔多累暈，跟手先落地送囝囝返屋企，再接囡囡「小米粒」飛返沈陽，去夫家為囡囡開一歲生日P。伊能靜昨日在微博貼出生日會嘅相，相中見場內以粉紅及白色佈置為主，話個party係由老爺同奶奶搞，用晒伊能靜鍾意嘅夢幻風格，佢好多謝老爺、奶奶同親友，而佢老公就由北京去沈陽，睇到囡囡即刻笑晒，又話翻糖上印有小米粒同伊能靜嘅肖像，伊能靜見到似乎覺得甜到入心，「讓再苦的咖啡都能變甜，要把自己活成一顆糖」!
來源:
http://hk.apple.nextmedia.com/entertainment/art/20170704/20078609
曾演李安電影《哈利波特》男星Robert Hardy離世
1 :
GS(14)@2017-08-04 06:36:09曾參演《哈利波特》（Harry Potter）系列的英國老牌男星Robert Hardy，本周四傳出離世消息，終年91歲。據英國《鏡報》報道，Robert Hardy的家人已證實其死訊。Robert Hardy從影以來參演過百多部影視作品，當中有李安執導的1995年電影《理智與感情》（Sense and Sensibility），更從2002年的《哈利波特：消失的密室》開始，《哈利波特》電影中飾演魔法部部長Cornelius，令觀眾印象深刻。
來源:
http://hk.apple.nextmedia.com/entertainment/art/20170804/20111484
Next Page