| ||||||
| 炒 基本因素不再惡化、估值由極度偏低重返正常水平，始終有個極限，就是一旦估值回復「正常水平」，市場若非重拾跌軌，亦可能在價格回復平靜後變成一池死水。 因此，即使今次我成功捕捉市場情緒轉角位，亦不會安於逸樂，因為基礎分析，才是市場趨勢動力所在。令基礎分析者最沮喪的，是局勢的變化比分析者搜集資料的 時間還要快。以國內的樓市為例，正當大家擔心海嘯第二波的時候，最近4個幾月國內樓市，竟然在政府大開水喉之後，變得火光熊熊。從一家數據向來準確的國內 大行數據得知，不論渤海灣、長三角、珠三角，以至華中、湖南湖北等地，住宅物業成交量分別按年增長61至72%，直逼甚或超越2007年歷史高峯。看好 的，會認為北京的量化寬鬆已收宏效，負面睇則是中國正在製造一個全新泡沫。一位在上海做房地產的朋友，因為工作關係幾次推遲訪港計劃，就連一個電話也說不 到十句便匆匆掛線。周末，投資國內房地產最審慎最成功的本港發展商恒隆集團（010），亦在停買土地3年後，首次買入國內地皮。 恒隆3年來首次買地 至 今，我們見到的「復蘇」，都只限於透過銀行大量的放貸，重新誘發市民入市炒股及炒樓的貪念。若將注意力重新聚焦宏觀數據，則除了政府主導的固定資產投資 （圖）之外，難以令人相信經濟真有所改善。我長期身在香港，每次評論中國經濟都是戰戰兢兢，因為國內的市場變化神速，很易捉錯用神，往往要靠內行人提供實 況資料、以及成功者的大動作，才有信心下判斷。從往績計，恒隆國內表現不俗，他們3年來首次買地，卻不免令我疑中留情。林少陽以立投資管理投資總監 | ||||||
| ||||||
| 趁千禧年科網熱上市嘅百齡國際（8017，最初叫美域數碼），早喺05年首次易主變身，沾上濠賭概念；事隔四年，公司又轉去發展內地造紙業務。雖則業務有別，但人面依舊，主席黃錦亮仍然坐鎮，仲好開心咁話，十幾年前對造紙已好有興趣，終於如願以償囉。 黃主席：終於如願以償 黃 主席好坦白咁講，當年公司冇乜業務，需要搵啲費用回本，之不過自己唔賭，亦唔熟賭，加上o依家澳門博彩業競爭好大，利潤同兩年前已經爭好遠，所以舊年集資 後，走遍大江南北發掘投資商機，基本上乜礦都睇過晒，仲有人介紹做燒烤爐o忝，但人做我又做，覺得冇意思，最終揀咗有發展潛力嘅紙業，希望下個月股東特別 大會通過議案後第3季開始入賬。實情黃錦亮亦算係實幹型，佢出身內地輕工部，當年仲派駐嚟香港嘅窗口公司瑞華辦事，之後再輾轉到威力電器集團做董事長，拓 展白色家電業務，管理5萬幾名下屬，o依家搞造紙廠，都應該手到拿來啩。咁會唔會脫離賭業？答案係到時先算。 | ||||||
| ||||||
| 最 近又重讀趙紫陽的口述歷史，提到六四之前已有零星的學生運動，到八九年就發生了暴亂。如果有留意國內過去幾個月的新聞，上海的楊佳、鄧玉嬌案、甘肅隴南去 年因拆遷而引起的騷亂、江西南康市家具商堵塞道路抗議、青海南寧上星期五千的士司機罷駛及湖北石首的騷亂等，這些都是經過國內媒體報道，全國發生類似的事 件有多少？隨着出口減少，國內經濟增長放緩，失業率上升，民怨日深，地區性的騷亂越來越多，這與國家統計部提出的經濟數據，國內經濟走出谷底等言論形成 「背馳」。對國內經濟數據的可靠性，大部份人都存疑。筆者初在某國內企業工作時，有一個難忘的經歷。 不同身份看不同報告 有一 次要求國內的財務人員提供過去一年的財務報表，三天後就收到三份同一年度，但營業額及收入完全不同的報表，財務經理一本正經地解說，第一份是給稅所，第二 份是報關，第三份是給高層管理人員，還有兩份未經過國內老闆批准，暫時未能提供，聽後，倒覺得十分「x-file」，可能這就是國情。香港的大學生，心智 未成熟，如果隨曾特首的建議北上就業，就要有心理準備，怎樣在一個是非不分、人不人、鬼不鬼的地方保持清醒，又或者早點加入民建聯，深造一下。民國初年， 袁世凱稱帝，他的兒子知道輿論一面倒反對，但為了使袁世凱安心，把袁世凱每天讀的報紙，有反對他稱帝的言論，一律竄改，袁世凱身邊的奴才，爭相仿效，袁世 凱真的以為大部份人民是支持他的，公然稱帝，結果失敗告終。「任何謊話只要說上一百遍便成真話」，但當統治者連謊話與真話都分不開的時候，結果又會是怎樣 呢？Uncle [email protected] | ||||||
| ||||||
| 【本報訊】中港兩地經營味千拉麵的味千中國（538），其行政總裁潘慰表示，4及5月店舖生意較首季改善，特別是內地，相信上半年內地店舖同店營業額可維持增長。她又說，有意在逆市加速開店步伐，今年開店總數可能超過100家。記者：陳健文 潘慰接受訪問時坦言，香港及內地經濟環境氣氛欠佳，對旗下店舖上半年生意構成影響，「好像香港業務首季同店營業額錄得負增長，4及5月有改善，但仍未回復到正增長」。內地方面，因很多廠房結業，沿海城市所受影響較大。 今年擬開逾百分店 她 相信，截至本月底上半年香港業務同店營業額，將持續錄得負增長，但好過去年全年錄得約5.1%倒退；內地業務則相信可保持增長。08年度味千內地業務同店 營業額增幅6.9%。去年香港及內地業務分別佔總營業額16.53%及84.28%。潘慰預期，今年盈利增長速度將高於營業額，因透過精簡架構及推出新餐 單，令毛利率最少能維持去年水平，並同時調整產品以提高平均單價。味千08年度毛利率約68%，本港及內地業務人均單價分別為58.5元及38元人民幣。 有關新店問題，她表示，由於目前市場氣氛欠佳，故內地很多合作夥伴均願意提供較佳的租務條件，如外資超市家樂福，現給予集團租約年期為12年，這可大大降 低店舖成本。她相信，今年新店數目會超過預期，預料最終可能超過100家。味千首席財務官劉家豪表示，集團今年原本計劃開設90至100家新店；而到目前 為止，總分店數目已達346家。他說，內地每家新店的投資額介乎120萬至130萬元，香港每家則約150萬元，約4至6個月便可達到經營收支平衡，約 18個月可錄得盈利。 下半年推新日式餐飲品牌 潘慰透露，集團有意在味千以外再創立另一個日式餐飲品牌，檔次高於味千，預算中 的平均單價約100元，最快今年下半年成事，會在中、港兩地同時開展業務。集團一直有留意有否合適的收購目標，暫未有具體資料可公佈。美林早前發表研究報 告，指味千雖已過了急速增長期，但相信未來數年可用一個穩定速度繼續增長。該行預期，過去兩年不斷下跌的毛利率，於今年應該可穩定下來，因受惠於成本下跌 及規模效益。美林現給予味千「買入」評級，目標價6.2元。 | ||||||
| ||||||
| 本 港早前有雷曼迷債和解方案出台，相信唔少雷曼苦主，都可以暫時放下心頭大石，話晒都叫做有番啲渣嗱。但華華相信，有唔少銀行依然有排頭痕，事關迷債事件雖 然暫告一段落，不過國內Accumulator（累計認購期權）受害人嘅索償行動又殺到嚟！華華噚日收到採訪通知，今早十一點，會有一班由國內 Accumulator受害人組成嘅「香港私人銀行受害人聯盟」，嚟香港見記者之餘，仲聯同民建聯立法會議員陳鑑林，同保障投資者協會會長呂志華，一齊去 金管局投訴本地銀行用不良手法誘騙同誤導佢哋，買咗喺內地叫做「打折股票」嘅Accumulator，結果損手收場。 投訴銀行誘騙誤導 呂志華早排接受傳媒訪問時話，香港啲銀行透過打長途電話，向內地投資者推銷Accumulator嘅做法同銷售程序有問題，所以佢哋會向銀行展開索償，仲話一定戰鬥到底！ | ||||||
| ||||||
| 曾經揚言只會為有錢人起樓嘅內地「大嘴」發展商、北京華遠集團董事長任志強，經常語出驚人，佢對樓市嘅睇法，自然同一般老百姓唔同。好似樓價咁，佢前日出席喺南京一個房地產論壇時，就話內地樓價實在「太便宜」，因為中國人太有錢咁話。 華遠：買樓睇需要非樓價 賣 花自然讚花香，任志強話樓價平，皆因佢對未來樓市走勢睇得好好，佢話唔少城市出現「嚴重供不應求」，土地供應不足、房屋供應不足；預期下半年將會有「六個 加速」，包括投資增長、新開工面積、竣工面積、房價等。喺論壇中，有記者問佢下半年係唔係買樓好時機？呢位內地任總話，「問甚麼時候買房是最愚蠢的問 題」，佢話買樓唔應該睇樓價高低，而睇自己需要同埋負擔能力，有需求但冇能力供樓就唔好買，否則會背負好大嘅負擔，生活質量會下降。佢又話，長時間嚟睇， 十年廿年房價永遠係看漲，倒轉嚟睇，十年廿年前最貴嘅樓房亦比o依家嘅平。「長期來看，越晚買越貴；只有投資客會根據利息和盈利來看今年買還是明年買。」 咁講法，即係叫你有能力o依家好買樓啦，果然係發展商口脗！李華華[email protected] | ||||||
| ||||||
| 寶福集團（021）自從喺千禧年由九龍倉（004）易手畀和成國際（651）之後，經歷幾次易主，業績同資產衰上加衰，停牌超過3年後，家吓終於露出一線曙光，兩年幾前入主嘅白武士黃世再話，已經執靚隻殼，希望今年第4季或之前復牌成功。 盼年底可復牌 黃 世再嘅名，香江股民應該比較陌生，但呢位仁兄家底厚，喺2008年胡潤中國富豪榜，同體操王子李寧，以及忠旺（1333）嘅劉忠田家族等人一樣排名76 位，佢揸弗嘅大中華國際集團，業務遍及金融、房地產、酒店、電視傳媒、能源、港口……資產值超過700億港銀，之前打算遠赴花旗國上市，點知撞啱金融海 嘯，搞到無疾而終。 寶福呢隻殼，之前麻煩多多，黃世再決定向難度挑戰，兩年幾前透過囡囡黃文稀入股沾手，佢解釋話，自己鍾情寶福有幾十年歷史，冇理由以前外資辦得好，落到華人手上會搞成咁，佢仲狂抦有啲人辦企業係諗住掏空公司資產，完全冇負起社會責任o忝﹗ 若 果寶福長情小股東聽到呢句話，真係眼淚在心裏流，皆因佢哋多年來既要面對公司內部資金被掏空，又買埋啲垃圾資產返嚟，仲要惹上官非兼被罰停賽，頭頭碰着 黑。黃世再唔怕隻殼污糟，佢話，寶福未來會發展旅遊地產項目，但佢點都唔肯講會唔會將個人資產注入上市公司；之但係，佢正考慮將公司名稱改變，事關有朋友 同佢講，話個名會令人聯想起「寶福山」喎﹗ 李華華 | ||||||
| ||||||
| 作 為國有企業的上司，國務院國資委主任李榮融一向視國企為「共和國長子」，佢近日仲好肉緊咁話，希望將央企打造成美國NBA籃球巨星米高佐敦一樣，喺有需要 時要撐得起場面。相信李主任係忠實籃球迷，前日喺廣州出席一個國企專題報告會時發言，就用咗籃球賽做比喻。佢話國企喺國家經濟中要繼續扮演主導角色，而國 家經濟就同籃球比賽一樣，一定要有巨星，否則好難攞到總冠軍，「美國NBA製造精采，其成功之處，在於有劇情有懸念，那怕前三節落後20分，第四節也能反 敗為勝，而製造劇情的，正是場上的球星。」而所謂巨星，就係能夠承擔責任；就好似最後一球，一定會傳畀巨星佐敦，因為佢一定能夠投入三分波。李主任深明將 央企塑造成為巨星，一定要有良好制度，要政企分家；佢話，過去有個省嘅交通廳長職位接連3個倒下，就係因為制度問題，廳長上任時並唔係壞人，但咁大權力集 中喺佢身上，人哋成日攞住銀紙圍住佢轉，佢唔腐敗都幾難。 有福同享 佢又自認係「好老闆」，因為佢唔會欺負老實人，並且將央企 負責人嘅薪酬跟業績掛鈎，如果人工太少，下面嘅人都會走晒。結果喺2002至07年間，央企為國家帶嚟1500億元人民幣嘅利潤，佢發畀央企1556位副 總以上嘅領導，平均每人每年加4600蚊人仔人工，都算係咁喇。[email protected] | ||||||