2009-06-30 AppleDaily
| ||||||
| 後 生可畏，永遠唔好睇低人，百度CEO李彥宏就係一個活生生例子。話說佢上央視《詠樂滙》節目接受訪問，透露當年美國求學時，被面試教授羞辱，從此發憤讀書 回國創業嘅往事。佢話自己23歲北大畢業後，攞獎學金準備報讀紐約州立大學電腦系，面試教授對佢嘅答案唔滿意，臉色一沉話：「你嚟自中國嗎？」「中國有電 腦嗎？」為咗出呢啖氣，唔再俾人睇低，李彥宏下定決心要喺互聯網有一番作為，改變外國人對中國嘅片面印象。 99年佢回國創立百度，經過幾年奮鬥，喺中國戰 勝國際搜索引擎大佬Google。05年更將百度攞去美國上市，兼且企硬唔減價，首日掛牌股價狂飆至150多美金，創美股200多年紀錄，至今未被打破， 都咪話唔威水。 | ||||||