| ||||||
| 電訊盈科（008）私有化風波搞到滿城風雨，o依家仲拖住條尾，正當各位長情小股東堅持一揸到尾貼牆紙之際，梗會有人選擇止蝕離場，被捲入「種票」疑雲嘅金利豐證券負責人朱李月華正係其中一人。 八號仔升市大落後 近 期無論係一線抑或二三線股，有理冇理都係咁爆升，朱太好直率咁表達股民內心情感，眼見隻隻股票係咁升，淨係得隻八號仔唔多郁，所以喺上個禮拜毅然同電盈分 手，換馬投資其他股仔，呢幾日已經賺番啲。花旗銀行最近將電盈目標價由三蚊狠削至個七銀錢，睇怕未斬纜嘅股東見到都好心酸，亦都反映朱太睇法仲早過啲大 行。據朱太所講，電盈公佈私有化之後，私人前後買咗300萬至400萬股，呢批股份平均價3.7元買入，噚日電盈收2.21元，埋單計數，扣除每股收息 1.3元，再加番啲手續費，估計喺電盈身上唔見咗百幾萬；佢話輸錢事小，最慘係搞到自己個名經常見報，到o依家仍然後悔當初買入電盈喎！至於朱太入咗啲乜 嘢新貨呢？佢唔肯同華華披露，之不過，佢亦覺得最近股市升得急兼升得多，都係小心為上囉！李華華[email protected] | ||||||