ZKIZ Archives


胡孟青:錯判形勢源於一知半解

1 : GS(14)@2011-11-16 22:38:28

http://m.sharpdaily.hk/detail.ph ... 5307&category=daily
近年不少本地商界菁英都熱衷於在百忙中抽空北上一星期,飛上北京讀簡稱為國情班的中國國情教育培訓班。早前在中國國家行政學院(香港)工商專業同學會創會慶典暨首屆創會理事會的就職典禮晚會上,放眼盡皆城中各行各業精英。由於晚會涵蓋國情班的同學達六屆之多,有同學更是來自金融界別,當中國泰航空唯一女董事,莊偉茵大姐原來也是國情班同學,更是當晚MC。
社會進步得太快,提升競爭優勢所需條件也越來越複雜;以前出嚟搵食要懂人情,o依家北上覓食更加要懂國情;縱已位居要職,仍不忘終生增值,實在令我等閒人汗顏。
香港大大話話已回歸祖國14載,但每次遇上公開場合,不少行家的一口普通話仍然係爛得嚇死人,跟澳門特首「吹屍奀」有得揮,唔係日日講天天練,唔好話係普通話,引伸開去,係咩都會做唔好。
市況波動,睇少一陣子都驚自己會甩,真係睇住又驚、唔睇就更驚,尤其是要上節目現身答股環節的行家,齋睇價位唔睇資料更加係隨時會被高水平觀眾聽眾「大番轉頭」,到時就真係瘀到爆。
好似上月睇電視財經節目,有觀眾提問關於聯想(992),嘉賓答案係大股東早前減持過,所以係負面。一聽到呢度,就知道對方跟料跟唔足,因為大股東聯想控股減持的8億股股份,係畀新舵手楊元慶以31.5億元吸納了。誤解資訊,一知半解,隨時會導致錯判。
正如好多人只懂睇住股價每日上上落落,漸漸被牽着鼻子走,唔識扮識,幾多連電動車都未揸過搭過嘅人,竟然喺比亞迪(1211)由88.4元歷史高位跌至40元時,叫大家「當埋條底褲」都要買,結果呢?唔好話10年8年甚至3、5年,不出8個月已經跌至10蚊。

推介前應多參考資料
當然,死硬派好友會認為股價既然由10元升番一個double見20元,但係假如我幾個月前的當天,真係聽信建議典當咗條底褲,今次又何來再有10蚊撈底呢?買一隻連管理層理念都難以掌握,而其汽車質素又被熟悉內地車市情況行內人看低,連車主都鬧爆,呢10元反彈應該只屬千呼萬喚始出來的e6,及有政策配合出台撐場的迴光反照,根本不是獲基本因素支撐得來。
按現價,我仍只可贖回半條底褲。只怕未等及股價重上買入價40元、甚至88.4元功德無量放生價位,該股已要再面對四面楚歌,只因內地自主品牌電動車將喺明年蜂擁登場。
冇人天生就識背冧把,雖然買汽車股賺股價都唔需要有車牌或者識得駕駛,也應該參考多啲資料、實地考察、或者睇多幾本汽車雜誌,也應得益不淺。每日提醒自己,要本着好好學習、天天向上的宗旨和精神,先會進步。

胡孟青
獨立股評人
PermaLink: https://articles.zkiz.com/?id=276592

Next Page

ZKIZ Archives @ 2019