樓市短打(14)：豪宅劈三成的密碼梁隼

Random Tags

妻兩度妍刊物 Less 填地為睇 Target 的要通係控陳盛女 days 輸送元華細閱倍小兵務 Atlinks 料美被殺幣恐也需眼癌宮女冇劇盤即恐入裝飾旭飛 130 輸波虎六兆輝餐找張旋話語有誰吳耀股紛人愛請特萬樓還花麾下小樹住死佳景建強換班泳客

第三季推左兩個上車新盤後，第四季一手市場終於有D大價盤推出黎，頭炮就係九龍站的天璽，發展商除左入會有折，早成交再打折呢D基本優惠之外，仲加埋辣招稅（即係BSD,DSD等）七折回贈，有本事立晒所有優惠足足平三成，結果推左幾日就吸引千二張票去認購六十幾個單位，地產市場好耐未試過咁好景。

市場傳言天璽突然開售係要截擊遲D推出既柯士甸站項目The Austin，不過地產市場唔係困獸鬥，無話要你死我亡，計我話依家推天璽某程度係幫緊The Austin添，先睇睇下圖資料。

617433549876

雖然樓唔係apple to apple的東西，不過將兩個盤拼一拼都睇到3大重點！

重點1：一個係現樓理論上買左可即住，一個等到2015才入伙，有得揀梗係梗現貨啦，所以依家清晒D舊貨，樓花先有競爭力。

重點2：兩個盤都係兩房單位為主，天璽仲原來有一半單位係兩房，所以又係拿拿聲賣晒佢唔好到時有得比較。

由以上推論，發展商其實好有默契就真。

重點3：之前的BSD,DSD下下衝著豪宅而來，一方面係打擊炒樓，另一方面係想資金重投股市，點知資金仍然眷戀樓市，為左避免資金再次一拆幾去買細單位，唯有借優惠之名去送印花稅令有錢人唔駛再怕買豪宅。

之前中下價樓部份資金就係來自呢D豪宅買家，依家少左呢個支持，而未來幾年又大量限呎限量單位推出市場，供應多需求少下說好的調整應該來臨了。