http://jimwong1120.mysinablog.com/index.php?op=ViewArticle&articleId=2650661
近日公司開始多了人買股票? 我最唔鍾意就係見到呢d 情況出現, 全民皆股, 代表股市危險. 好在而家都未到全民皆股, 大約只有2成人左右買股. 新股亦唔係係唔係都升.股市應該仲係牛二, 不過牛三也快了, 近日在想牛三應該買乜股 ?
1.不如開十個股票戶口, 等新股咩都升的時候, 就去抽新股. 一隻一戶口賺一千, 十個戶口就賺一萬, 一百隻新股就賺一百萬, 哇哈哈, 痴線!
2.不如買銀行股, 而家股值平, 等到牛三完, 穩穩陣陣贏錢. 不過, 唔岩我玩, 我鍾意冒險
3.牛三通常有泡沫, 泡沫要跟住概念, 捉到概念, 話之你科網泡沫爆破, 你係爆破前走到你就發達. 不過, 今次牛三係咩概念呢 ? 物聯網? 新能源? 智能電網? 農產品? 資產價格泡沫?
4.垃圾股. 每次牛三, d 垃圾股都升到你唔信, 升10倍20倍既比比皆是, 但跌9成9的都比比皆是...你要捉就捉d 貨乾晒既, 係晒老闆身上既垃圾股, 然後見成交量顯著增加, 股價陰d陰d升個d 黎買, 出左名見討論區個個講, 就千奇唔好買
5.現金多既股. 有好多人都鐘意買d 現金多既股, 價值投資, 安全邊際喎! 不過, 呢d 股要睇佢質素, 佢現金多, 但佢唔派息俾你, 佢業務無增長, 無前景, 無故仔, 呢d 股係牛三, 可以行到唔行.
6. 有d 股, 每股盈利大增,pe降低, 有故仔聽, 什麼什麼增長前景好勁個d, 股價就升到嘭嘭聲, 最重要就係有故仔聽. 可以炒上50倍pe 都得啊! 早幾年個隻做外賣食物個間公司, 唔記得咩名添, 每股盈利不斷增長, 市場仲有好大空間俾佢增長, 雖然負債不斷惡化, 負債不斷上升, 但股價一於少理, 係咁升, 兩三年間升左十倍(好似). 最後, 雖然資金週轉唔到, 衰鬼左, 股價直插, 但你捉到呢段升浪, 都咪話唔和味.
7. 當然, 你穩到盈利不斷增長, 有故仔聽, 財政狀況又因為盈利增長不斷改善, 又肯派息既股, 就最正, 穩陣之餘, 股價又大升, 贏錢又贏得安心, 但係, 咁易咩....
美元強勢，每百日圓跟港元跌至6.8水平，比月初的7.5水平跌近10%。日圓下跌，對香港人來說當然是好事，到日本旅行、買日本貨也變得便宜多了。當然，近年香港到日本的廉價航空航班愈來愈多，就令更多香港在周末或短假期到日本旅遊。
日圓下跌，最受惠的當然是那些與日本高度相關的日圓敏感股。講開日本旅遊股，大家當然就想起東瀛遊（6882），半年業績中顯示到，受日圓急升拖累，佔收入64%的日本團業務毛利率由去年的24.5%大幅急跌至11.2%，令整體業績大幅轉差。日圓重回6算水平，東瀛遊的日本團的毛利率自然會有所改善，由此角度而言，東瀛遊確實在重上2蚊的動力。可是，大家要留意到，上個月中和今個月初，東瀛遊就買入2塊酒店地皮和1間興建中的酒店，而當時的日圓水平正值是最高位，有「買貴貨」之嫌。而之後這些酒店收益以日圓結算，假設日圓持續走弱，對東瀛遊來說一定賺少了錢。東瀛遊在錯誤的時機進行交易，令人質疑管理層是否能夠有效分析和捉緊日圓走勢。
另一隻受惠股就是CEC國際控股（759），旗下的759阿信屋有約39%的貨品是日本貨，日圓下跌當然會減低他們的進貨成本，有助改善公司的毛利率。可是，公司在今年訂立方向，增加來自東南亞的貨品數目，因此日圓下跌對他們的影響應該愈來愈少。股價近日由9毫升至1.2元水平，其實已經完全反映了日圓下跌對CEC國際所產生的正面影響。同樣的問題其實出現於永旺（984），大家都是以日本貨或日本品牌起家，但現時的貨品來源都已經很分散，難以再說這些股票是日圓敏感股。
真正的日圓敏感股，其實是以日圓為結算單位的迅銷（6288）和本間高爾夫（6858）。這些公司的主要業務主要是來自海外市場，但最終還是以日圓為結算單位。日圓下跌，即代表這些公司的外匯差價增加，對他們帳面上的盈利表現必定有幫助。因此，日圓下跌，其實更應買入一些業務不差的日圓結算業績股票。
文若