中環在線：旺旺上市廣告費稱王 李華華
AppleDaily 2008-04-09
由 舊年到今年3月，一共有78隻新股上市，一眾有認購新股嘅小股民，可以話係有人歡喜有人愁，對於本地廣告市場嚟講，呢啲新股就係大財神，皆因有近半新股上 場之前，都有喺電視同報紙賣廣告，涉及金額有成3.77億銀。
舊年嘅新股當中，以上個月上市嘅中國旺旺（151）最揼本，期內足足用咗1.34億銀賣廣 告，佔總金額嘅35.7%，緊隨其後係亞洲女首富楊惠妍嘅碧桂園(2007)，同臨門撻Q，上唔到市嘅恒大地產(3333)。根據香港廣告媒體監察機構AdmanGo嘅統計顯示， 淨係呢3隻新股，夾埋已經用咗2.56億銀廣告費，其中旺旺揼喺電視廣告上就用咗1.33億銀，另外100萬銀就落喺報紙度，大家之前成日睇/聽 「0151」，咪就係佢哋嘅廣告囉。之不過，揼咁多錢，上市後都係跌破招股價，呢鋪可以話係偷雞唔到蝕把米。