| ||||||
新世界發展（017）主席鄭裕彤上周被誤傳身體抱恙入院，搞到公司股價下跌，華華茶餘飯後同股市中人傾偈，大家都有一個疑問：彤叔畢竟已經83歲，對新世界嘅影響力有幾大呢？究竟有冇人可以接到班呢？ 孫女負責酒店業務 其 實，彤叔近年已經陸續安排三位孫仔孫女喺新世界系內返工。大家最熟識嘅，係長子嫡孫鄭志剛（Adrian），佢07年負責分拆新世界百貨（825）上市， 之後負責埋新世界中國（917）。基本上，佢主力搞中港兩地百貨同地產生意。聽聞，Adrian二妹鄭志雯（Sonia）讀完書涉足過金融業，喺創投基金 華平投資做過一段時間。半年前，加入新世界負責酒店業務，難怪佢爸爸鄭家純上次公佈業績時提過，嚟緊睇吓酒店業有冇得大搞，原來想畀個女多啲發揮空間。三 弟鄭志明（Brian）舊年已經喺新創建（659）返工，負責基建業務。至於四弟Chris，聽講讀緊大學，即係話幾年後先出身。 三個孫仔洋名ABC排序 鄭家純四名子女，三位已經喺新世界系內，各就各位，假以時日，應該可以獨當一面，彤叔同純官真係唔使憂呀!吖，喺度要讚一吓純官，有冇留意佢三位公子，英文名係用A、B、C開頭呢，估唔到純官咁有諗頭。李華華[email protected] | ||||||