ZKIZ Archives


鬧建築裝修求其大劉帶鎚仔驗樓

1 : GS(14)@2017-04-05 23:56:50

■每次建新大宅,大劉都不時由甘比陪同去現場親自監督。資料圖片



【劉鑾雄講大劉】【連載系列之七 追求完美】香港十大富豪之一劉鑾雄(大劉)接受本報獨家專訪,今回說到他收樓必帶鎚仔,裝修公司對着他,絕不能馬虎。眾所周知,大劉愛投資豪宅地段買地皮起獨立屋,更有「渣甸山大業主」之稱,有指他對住所要求甚高,每次收樓必親自出巡檢查,發現不滿意地方即用自備鎚仔扑爛,要裝修工人再整。



■劉媽媽建第一間大宅時,交由大劉負責監工。(版權所有.嚴禁盜用)

■白建時道12號大屋建好時,大劉帶備鎚仔去收樓。


扑爛再做過

大劉解釋:「第一間屋就咁做,係我阿媽以前間屋,我負責裝修,以前到?家,香港嘅建築工人、裝修工人好求其,好揦西,呃得就呃。我哋要求高,好似鋪啲瓦仔歪歪斜斜,睇見火都嚟埋,咪扑咗佢要佢哋再做過。」問大劉扑過幾次鎚仔?他說:「第一次就係我阿媽間屋,第二次係白建時道12號間屋,起咗好多年,點解呢?一睇見唔啱就火都嚟,你唔扑爛佢,驚佢一陣又詐詐諦諦,咪又係繼續由得喺度。你扑爛咗佢,佢哋一定要再做過,我哋唔係叫佢哋白做,我哋double pay照畀番錢,佢哋點肯蝕底畀你,就算double pay,你都要做番啲嘢我肯收貨滿意,唔係扑爛咗逼你免費幫我做,如果唔係啲工人一定第二次衰過第一次,第三次衰過第一次同第二次。」


「畀自己指標」

對居所追求完美的大劉,某程度投射到他營商的理念,他說:「唔好講起屋,如果我要求唔高,我都唔會捱到今日,真係㗎,一個人要有要求,你先會畀到自己指標,你要自己頂得住先得,唔係話唔可以叫夥計做,但個夥計話『好!老闆!』跟住唔做,損失又係你,最多炒佢魷魚或佢炒你魷魚。所以老實講,俾人話你係好老闆都唔係好事嚟!」採訪:陳月媚



【Timeline】手機用戶請按此,瀏覽「傳奇狙擊手劉鑾雄」: http://bit.ly/LAU-timeline【話你知】同大劉有關係嘅名人、美女有幾多?即睇「大劉人物關係圖」: http://bit.ly/JosephLau




來源: http://hk.apple.nextmedia.com/entertainment/art/20170405/19979921
PermaLink: https://articles.zkiz.com/?id=329278

Next Page

ZKIZ Archives @ 2019