早前有報章與善終醫院的護士做了訪問，她在過去十數年不斷見證病人離世，坐在靜寂的醫院說出病人臨終前最大的遺憾。她總結出很多臨終者的答案也雷同，及後她以垂死者的五大遺憾事為名結集所見出書。
第一遺憾事: 莫過於自己未勇於追求夢想
很多人都沒有勇氣忠於自己去追夢，終日活在別人的期望裡。好似一般香港既年青人，結婚擺酒當作是場show咁做比家中父母睇，自己最想既，可能係唔搞咁多野同最親近既人走去旅行結婚。為左大排延席而努力搵錢，做最高薪既工作，放最長時候係搵錢方面，反而少去思考自己鐘意做乜同最佳長處究竟在那一方面。如果真係2012年世界未日既話，沉醉於沒趣的工作上既人肯定遺憾不已。
當然夢想唔係話你肯追就會達到。但係連夢想一半都未達到既人，肯定比連開始追夢都未做既人更要感覺良好離開。又或者閣下既想夢工作係連一蚊都賺唔到既，請謹慎理財及睇諗樣網學會產生被動收入，及早脫離人搵錢而去造福人群。
排第二既遺憾事，係後悔自己放太多時間於工作上，幾乎所有男人有同樣遺憾。佢地後悔錯過了小孩的成長，或沒有陪伴另一半。香港地，總是有股壓力迫你多將時間放係工作上。小孩總是在空閒時間走去學琴練畫，而唔係陪佢地父母。又或另一個更新現象係，父母陪仔女既時候主要係玩緊自己手上既iphone，或「佢pad你phone」。請問有冇人臨死既時候係後悔自己玩得唔夠多iphone架呢? 我真係唔相信你透過iphone (whatsapp wechat緊)一些好有意義既事。
第三個最普遍遺憾係沒勇氣去表達自己內心情感。即係你成日為左同人和平共處而壓抑自己感情，無法成為真正的自己，更有人長期內心痛苦而患上慢疾。當然唔係叫你即刻講粗口鬧隔黎條友! 表達情感都可以用較有禮貌既方法。一個好多人會試過既係，有D野唔知同「佢」講唔講好，就咁收埋鬱住成世。往後成日諗「如果講左」會點咁樣。所以住係香港咁細地方既你，請將自己想法清楚告訴他人吧!
第四個遺憾事係沒同自己老朋友保持聯絡。呢個原因好多時係因自己懶，借辭話忙推掉咁人邀約，久而久之，冇人再搵你。好少人真係一個friend都冇，就算最討厭既人筆者所見都有知心友。所以無論你真忙定假忙，抽空見一下朋友吧!
第五個遺憾都幾「百搭」，係遺憾無令自己快樂些。認為自己既工作好厭惡既人請注意，趕快找一份自己敬重而又做得快樂既職業吧! 一天總有近半時間在工作間。
而肯定既係，冇人埋怨自己點解唔搵多D錢。所以看倌品評blog中文章之餘，請花時間去經營一些非錢能計量之事。初出社會人仕更需注意，集中精力係工作上更是必須，咁樣你先可以判定到自己係適合邊類型既工作。炒炒賣賣只係適合一小撮人作為終生職業的。