周國賢送新歌氹老婆
1 :
GS(14)@2015-07-15 08:56:23周國賢、Super Girls和洪卓立等人昨日在銅鑼灣出席「香港流行音樂頒獎禮2015」記者會，周國賢透露今天將會到大阪拍MV《我們都不是無辜的》，今次他更親自執導。新歌有關夫妻關係，由於之前有傳他與太太感情有變，問他是否送給妻子，他說：「曲線式算係，但我哋感情都係一樣好。」問他為何不找太太做MV女主角，他笑說：「唔好，佢太上鏡，我唔想太靚嘅人做主角。」另外，洪卓立回想入行初時於日本拍首個MV，辛苦得哭了，現在仍敢挑戰難度，笑說可跟比堅尼女郎合作，但不許女友湯怡這樣穿着與自己拍攝，怕被睇蝕。採訪、攝影：王連連
來源:
http://hk.apple.nextmedia.com/entertainment/art/20150715/19219453
我主場：周國賢 迷失．重生
1 :
GS(14)@2016-03-05 01:26:59提到周國賢這個名字，大家會聯想到型仔，擁有音樂才華，育有三名可愛囡囡及富裕家庭背景，再者可能就係不明白為何有好的生活環境，竟然跟情緒病扯上關係，甚至突然絕迹娛樂圈返回加拿大兩年多調整情緒。原來正當大家不斷稱讚他的同時，周國賢漸漸好驚別人眼中自己是怎樣，從而產生了巨大無形壓力。撰文：馬建華在2013年中，周國賢自覺負面情緒經已去到一個臨界點，完全無法投入工作，甚至連日常生活都受影響，當下他毅然放低香港一切，返加拿大調整心態，直至去年初才返港重投工作。日前周國賢在廣播道接受本報專訪，憶述這幾年來的感受，他直言覺得自己以往好假，可能當身邊人都認為他既斯文又是好好先生時，他更怕被人覺得好小氣。經過這幾年的自我檢討，周國賢終於找到問題的根源，就是因為太在意別人的眼光，所以一直都做很多無謂的事。他舉例指如果自己在跑步，當被人超越時，他會感到好嬲，覺得自己無用；相反地，如果他超越別人，就覺得對方欠實力。結果這種「計較」每日都重重複複，令周國賢陷入情緒谷底。
■情緒陷谷底時，周國賢曾失控亂掟東西。資料圖片
■周國賢終於找出受困擾的原因，原來他一直太介意別人的眼光。
■周國賢與韓籍太太育有三個女兒。資料圖片
失控亂掟嘢
在加拿大休養初期，周國賢的情緒非常不穩，會失控亂掟東西，他說：「最差嘅時候，有閃過輕生念頭，當時情緒好低落，有時會一個人望住個天花板嚎哭。」調整期間，他慢慢明白在過去日子裏，一直定下太多規條要自己去做。周國賢曾經在網上感性地寫幾千字文章，用意是想博取大家同情關心，現在回想那刻自己，他笑說：「好女仔，好公主病，其實唔應該不停將傷勢表露，咁做係好無謂。」貼上文章後，周國賢會不停睇留言，他感激當時有不少人回覆是關心他，不過亦有人留訓示性的言論，他說：「曾經有啲人係分享自己更大鑊嘅經歷，一樣可以企喺度，睇到呢啲留言，又令我明白多一步。」
重拾簡單夢
回看離港前的作品，周國賢有感部份的歌寫得太離地太抽象，在科技資訊爆炸年代，其實不用寫得太複雜，聽眾根本吸收不到信息，更有可能連自己也未必完全消化到。於是他決定重新出發，寫回最簡單的歌，以愛為主題，圍繞愛情、親情及友情。寫歌過程中令他放鬆心情，他說：「以往自己好依賴身邊人，但最能治癒自己嘅人就係自己，天助自助者，相反要自毀都係自己就可以，係一念天堂一念地獄。」從加拿大返港工作近一年，周國賢承認情緒仍有起跌：「喺加拿大嗰兩、三年，我儲起嘅電，差唔多喺過去八個幾月放晒，所以係時候要去叉吓電，近近地去南丫島都有用。」他指返港初期不時做運動及相約藍奕邦等好友去行山，當時思想好正面，因為運動真的能幫助他保持良好情緒。
■周國賢（右二）嘗試跳出音樂闖影壇，盼可以紓緩情緒。微博圖片
寫劇本治癒
身為創作人，周國賢直言自己的思想好複雜，去年初他返港後，認識了不少在電影界工作的朋友，對方認為他應將腦海的思想世界投放在電影，周國賢說：「可能將腦海入面嘅世界拎出嚟，會係療癒自己方法一種。」不過當周國賢得知寫好劇本後，還要花一、兩年時間才能拍成電影，他說：「原來要籌備咁耐，做歌快好多，我係心急嘅人，好急於想睇到製成品。」周國賢之前亦執導拍過MV，他坦言將影像表態出來，比依靠歌曲呈現有更大滿足感，他笑說：「如果套戲播放後，睇到觀眾係明白自己想表達乜，就好似你老婆完全明白你諗乜一樣咁特別感覺。」
來源:
http://hk.apple.nextmedia.com/entertainment/art/20160304/19515189
點起廣東歌：DJ當奴、周國豐數盡代代好歌
1 :
GS(14)@2016-03-06 03:14:44商台DJ唐劍康（當奴）及港台的周國豐，兩個在不同年代、不同電台主持音樂節目，為廣東流行歌「數榜」，聽盡樂壇每首新歌。今日，廣東歌被評水準下滑，有人歸咎創作人青黃不接，有人將矛頭指向歌手。不過，兩位廣播界代表堅持廣東歌仍有不少水準之作，香港樂壇失去的，只是從前那個單純的市場，正因為這個原因，二人認為廣東歌更需要加大力度撐撐撐！撰文：李察
【當奴：新世代歌手貼地】
目前每周仍為商台《903專業推介》數榜的當奴，面對香港樂壇現狀，睇法相當正面，他說：「其實都開心睇到好多冇大公司撐嘅新一代歌手都得到機會，可以冇包袱、貼地唱好多關於香港或其他題材嘅歌，個人覺得新青年理髮廳、黎曉陽都好正！」
■當奴覺得香港樂壇正在轉變，歌手做歌更加靈活。
■當奴十分欣賞樂隊新青年理髮廳。資料圖片
做歌模式唔同咗
至於樂壇的大哥大姐，當奴感覺大家都有隨市場變化而作出改變：「見到唔少大歌手都有配合唱片業去改變做歌嘅模式，會一首首歌做，唔同以前為咗出碟做十幾首歌，而家咁樣會更靈活，加上網絡傳播，歌曲可以走得更遠。」他又表示：「唱片公司賺錢壓力係大咗，但都見到有新點子，好似容祖兒同克勤跨界做騷，欣宜又可以同Supper（Supper Moment）合唱，呢啲係好現象。」當奴認為，廣東話是香港人母語，無論唱及聽都更有共鳴，但他有感現在很多廣東歌都是慢歌：「細個聽校長哥哥梅姐阿Lam……到四大天王都會平衡啲，有快有慢。但呢個時代變化冇乜快歌，快歌交晒畀樂隊。點解？係排舞成本？定係慢歌先可以賣唱功？定係因為廣東歌通常係歌詞行先？唔係話慢歌悶，不過想平均啲，多啲變化！」
【周國豐：文化越萎縮越撐】
周國豐由昔日電台節目主持躍升為電台管理層，現時負責電台新媒體工作，開咪超過20年的他，曾經每周為港台《中文歌曲龍虎榜》數榜。作為香港人、一位專業DJ，周國豐撐廣東歌的立場堅定：「廣東歌係必然會撐！」他說：「從成個社會睇，地道文化越來越萎縮，作為一個土生土長嘅香港人，如果連自己都唔撐廣東歌，可以話係交代唔到自己。」
■周國豐認為現時仍有很多好的音樂作品。
■曾經每周為香港樂壇數榜的周國豐，立場堅定撐廣東歌。攝影：沈健程
■周國豐見證不少歌手出道。資料圖片
廣東音韻多變化
說到廣東話吸引之處，周國豐認為：「廣東話呢種語言係好有趣，比起普通話嚟講，廣東話好有變化，好有活力。填詞人填廣東詞都唔容易，因為廣東話好多個韻，有好多變化，相信填詞人填廣東詞會係最大嘅挑戰，靈感少一啲都好易被榨乾。」對於有人認為廣東歌質素下滑，將會是廣東歌消失的「元凶」？周國豐並不認同：「我覺得而家仍然有好多好好嘅作品，我承認有時坐的士，司機大佬會同我講，覺得以前啲歌好聽啲，但我就反而覺得係而家娛樂選擇太多，頒獎禮唔夠認受性，加上一部手提電話已經有林林總總玩意，令大家除咗聽音樂，同時間接觸太多資訊，所以同80年代比較係唔公平。」
來源:
http://hk.apple.nextmedia.com/entertainment/art/20160305/19516735
周國賢開騷講傘運
1 :
GS(14)@2016-09-27 08:02:24周國賢前晚在灣仔會展舉行演唱會，最近他的作品由個人感受變成反映現實，他唱出《推銷員之死》，在台上有感而發。周國賢說：「2013年暫停幕前工作，香港經歷動盪時刻，社會好唔穩定，自己有好多體會，以前我寫一啲歌係好personal。兩年前見到新聞，煙霧瀰漫，嗰刻有淚光，唔理係乜問題，點解個根變成咁，自己覺得係一個教育問題，成個社會真正教育係乜，究竟係教育下一代，定係純化下一代唔敢講真嘢。」一番肺腑之言，令台下掌聲雷動。演唱會尾聲，嘉賓薛凱琪上台合唱《目黑》。採訪：卓寶花攝影：沈健程
來源:
http://hk.apple.nextmedia.com/entertainment/art/20160927/19782672
拍ViuTV劇玩姊弟戀周國賢咀溫碧霞 要接受輔導
1 :
GS(14)@2016-11-11 08:10:32■溫碧霞在拍攝時，深情地望着正在彈結他的周國賢。
溫碧霞（Irene）和周國賢日前在葵涌為ViuTV新劇《三一如三》開工，劇情講述曾是經理人的Irene，與玩音樂的周國賢互生情愫；當周國賢拿結他自彈自唱後，情不自禁錫了Irene一啖。雖然只屬蜻蜓點水，但周國賢卻怕醜頻頻NG，被副導笑：「你個樣好似好後悔。」Irene還爆周國賢擔心到前一晚失眠，Irene說：「我都有開解佢，見佢係有啲緊張，其實自己都有啲。」
■溫碧霞見周國賢表現緊張，主動開解。
■周國賢經過一輪熱身，終於肯真咀溫碧霞。
鍾意熟女
周國賢透露差不多8年沒有拍劇，問到是否螢幕初吻？他說：「咁又唔係，之前拍港台劇都錫過好多次。」他直言最初有想過用鏡頭就位，但最終仍決定「真咀」，他解釋：「為藝術，想效果好啲，最初都諗過用鏡頭就，但諗真啲，一係唔做，一係做好啲。」36歲的周國賢與50歲的Irene年齡相差14年，問到姊弟戀是否有難度？他說：「演繹呢樣唔難，讀書時已經比較鍾意成熟女仔，太太（李美英）都大過我，覺得注重精神上溝通多過物質上，所以好有共鳴。」周國賢讚Irene好肯幫後輩，他說：「第一日開工真係好生疏，又要記對白，又要就鏡頭，反而係Irene令我好放鬆，帶我入戲。」問到是否最有信心唱歌？他說：「應該係演喊戲，因為今次古仔係講band友之間嘅分裂時代，我都經歷過，體驗最深。」採訪、攝影：嵐山
來源:
http://hk.apple.nextmedia.com/entertainment/art/20161111/19829798
Next Page