| 2008-06-06 MingPao | ||||
| 股 海之中，爆出烏龍盤其實唔係乜大件事，但係烏龍得太離譜，難免教人側目，昨天一開市，有人掛出16.72 元叫價，買入長江製衣（0294）呢類冷門股，不過，長江製衣前天才收報1.98 元，換言之，這叫價足足高出收市價近7.5 倍，小琴斷估這名叫錯價的不幸經紀，分分鐘係替客戶掛出買入國泰航空（0293）的叫價，由於股份編號太相近，才鑄成此錯。 事關國泰前日收報16.82 元，所以昨天朝早有經紀替客戶開價，掛低四五格，叫出嗰16.72 元，其實正常之極，不過，或許經紀眼唔明手太快，原本打算㩒「0293」，結果按錯代號為「0294」。 傳交易最終被取消 話時話，家陣交易所規則係，非競價時段的正常「盤中」時段，經紀最多只能嘜多或嘜低廿四格。至於開市及收市競價時段，都可以按收市價，嘜成9 倍叫價（即係叫高8 倍價），例如昨日收報1 蚊，今天開價9 蚊，多過8 倍，交易系統已經自動當係錯價，唔會輸入，呢次這名經紀㩒錯價，係9 倍之內，所以可以成交，事實上，呢宗交易開市初段確係「成交」咗。 言歸正傳，呢次烏龍盤交易股數不過1000 股，嘜多價值不過萬零蚊，而且小琴收到風，呢宗交易最終已取消咗，經紀唔駛上身，除咗沽出長江製衣股份的客戶，或許大嘆走寶外，都唔會有人異議。 greatsoup: 我 一早已持有幾千股長江製衣(294)，當昨天我按即時報價時，發覺有12塊多，帳面上賺了幾萬塊，非常高興，正當我想拿去沽的時候，掛那邊一路跌至3元， 誰不知竟有人接5,000股，之後股價繼續跌，於是我打消沽的念頭，真是一場歡喜一場空，那個16塊多和3塊買的人，真的很慘。 | ||||