|
||||||
DR毒針致命事件，政府束手無策，集團創辦人周向榮仍然優哉游哉生活，事件至今仍無任何拘捕行動。在壓力下，政府成立督導委員會，檢討監管美容行業，普通科醫生、專科醫生，甚至私家醫院立即表態，密謀瓜分每年涉及廿億元生意的本港醫學美容市場。 DR毒針搞出人命，該集團至今仍如常運作招待熟客，事件發生十多天，無拘捕、無檢控。旺角街頭仍見該集團的巨型廣告板，爆出事件後，記者曾先後到訪兩間旺 角DR分店，希望查詢美容療程，但記者甫踏入門口，職員已提高警覺，未待記者開口，已即時推說︰「我哋只做預約客人，負責同事而家唔喺度，你留低姓名同聯 絡方法，我哋搵人覆你。」隨即將記者半推半趕離開，不讓記者在美容院逗留。DR集團暫時收斂未敢招待新客，在科學園的實驗室亦未見有人上班。但本刊發 現，DR在荃灣有線電視大樓的化驗室仍然運作，每日亦有大批醫療物品、化妝品等原材料送到化驗室，而在後樓梯則棄置了大批屬於DR的廣告板。大廈看更更向 本刊指，職員由上週開始在玻璃門貼上磨砂紙，以防外人看到化驗室內的情況。港島重案組警員曾到上址調查，並在現場帶走部分文件，不過，至今仍未有任何拘捕 行動。 好難入罪 聲聲說會徹查事件，揪出幕後肇禍者，警方在上週六邀請周向榮到警察總部協助調查，但周只在警署逗留了兩個多小時便離開。事實上，在上週五早上十時許，本刊 發現周向榮與家人一同乘七人坐駕離開寓所，到灣仔東亞銀行港灣中心，其女兒更邊行邊喝咖啡。眾人逗留個多小時後離開，周發現記者後，即時走入後門登車，之 後再到九龍塘會食飯，兩小時後，一家大細拎着打包外賣返回寓所，周向榮生活仍然優哉游哉。周向榮態度如此從容，事關他被刑事檢控的機會極微。據指，警方或 循誤殺方向作出檢控，但律師伍家賢說，成功檢控的機會很微。「基本上要證明到個集團明知個醫療程序非常危險，但仍然去做，或者證明到佢有意圖去殺死客人先 告到誤殺。」他續稱，即使最後證明到做療程的醫生是DR集團員工，「告誤殺要喺無合理疑點情況下，證明公司喺程序上有嚴重疏忽」，舉證要求高，相信法例上難控以誤殺，至於公司負責人其他刑事責任，則要視乎警方調查公司有否干犯其他法例。 他補充指，受害人或可循民事追討DR：「只要證明到公司有多於一半機會係有疏忽，例如而家報導講嘅運送物料、實驗室處理有疏忽，或者係公司俾客人嘅資料唔足夠，構成誤導，就可以循民事起訴公司。」 換之言，分分鐘是賠錢了事。在輿論壓力下，上週四政府才成立督導委員會，檢討美容院監管問題，熟悉政府運作的醫學界人士指，委員會不全面，「高永文係主 席，但佢唔熟私人市場，幾位政府當然成員，包括Richard Yuen（食物及衞生局常任秘書長袁銘輝）跟開醫療電子病歷政策，唔熟悉私人醫療市場；有啲成員，好似兩間大學嘅醫學院院長、香港醫學專科學院院長、香港 醫務委員會主席，私家醫院院長等等，雖然有分量，但大家對美容行業運作唔了解，你叫佢哋俾意見，只能俾到代表佢哋界別利益的聲音。」 一棍打死 有醫學界人士更直言，政府會借DR事件一棍打死美容行業，重新「分配利益」，「咁多年來美容中心都攞咗好多客人，搶咗好多醫生同私家醫院生意，醫生十幾年 攞唔到嘅利益，而家有機會攞番，梗係要打死你啦！」據香港美容業總會創會主席葉世雄指，本港坊間共有五千間美容院，每間每月平均生意額超過十萬，當中三成 生意來自醫學美容，粗略估計，本港醫學美容每年的營業額便高達二十億。督導委員會成立不久，多個醫生團體輪流開火。身為督導委員會成員的香港醫學會會長謝 鴻興率先猛轟，指今次DR死人事件是「一個人受害也嫌多」，「其實要切斷美容院同醫生掛鈎嘅方法好簡單，就係立法唔俾美容院做呢啲醫療服務。」他更斬釘截 鐵說：「而家法例未有寫，就要等政府去界定寫成法例。我認為紋身，穿耳等（美容院）可以做，但係打botox同麻醉針就唔可以做。」 三級制 香港整容外科及醫學美容醫學會會長金永強更認為可借鏡新加坡「三級制」做法，規限美容師只可做最簡單的服務，「第一級屬絕低創傷性，包括水晶磨皮、果酸換 膚、推脂等，呢啲好少撞板，最適合美容師做，但都要受過訓練先做得。」而第二及第三級，則只可由受過訓練的普通科及專科醫生操作，「第二級屬輕微創傷性， 包括用來脫毛的低能量激光及彩光、拉面，同埋打botox等；第三級屬介入性手術，只可由整形外科醫生或其他專科醫生做，好似隆胸，割雙眼皮等，抽脂都有 創傷性，最近新加坡就有人抽脂後不幸死亡。」香港皮膚學院主席陳衍里亦指今次美容死人事件事態嚴重，「任何打針（美容院）都唔得！」「做facial，搽 面膜同推脂可以做，搽麻醉藥都唔得，美國FDA已經禁止美容院同人搽麻醉膏，因為出過事，兩個分別廿二同廿五歲嘅女仔搽咗麻醉藥做激光後駕車出事死亡。」 香港私家醫院聯會前主席劉國霖甚至連專科私家診所亦一併炮轟，「好多醫生而家在診所同病人做小手術，好似大腸鏡，白內障，都唔受衞生署監管，但係如果病人 在醫院做就管得好嚴。私家診所嘅設備同人手，係咪同醫院一樣咁好？一定唔係。有個開診所的內科腫瘤科醫生搵過我，話買咗支超高壓氮氣樽，想借醫院地方同癌 症病人做冷凍治療，我即刻拒絕，因為醫院唔可以亂放高壓氣體，但私家醫生買咗放喺診所就冇王管，呢個醫生仲喺大陸買，支樽有冇過期，運輸過程安唔安全，統 統唔知，真係好牙煙！」他認為，為了保障市民，衞生署要加強對診所的監管。 |
||||||