|
||||||
吳兆倫（Sunny）和李圳邦（Eric）是相識廿年的死黨，都有一個「我要做老闆！」的人生目標。可是年近三十，積蓄又不多，能夠做的生意選擇少之又少。 去年九月，他們相約到廣州白馬批發市場找靈感。「去到見到唔係賣衫就係賣牛仔褲，無咩收穫。」Sunny說。當他們失望而回之際，在火車站呆坐，「點知見到一個男人著住對好樣衰嘅拖鞋，靈機一觸，就決定搞拖鞋生意！」Eric接着說。 於是兩人合資十一萬元，成立Ice Dream，設計標榜舒適耐用的拖鞋。現時鞋款只得一個，共有十二種顏色，在Ice Fire及香港設計廊等店寄賣，開始兩個月已出售逾五百對拖鞋，賺逾七萬元。 為增加這雙拖鞋的銷情，他們上週參加了在廣州舉辦的博覽會，雄心壯志的Sunny說：「希望遇到外國或者內地嘅百貨買手啦。」記者隨他們出發，在現場見到 不少拖着買餸車的師奶來購物，有感博覽會更似美食博覽。由於是展銷會，他們把拖鞋由原價港幣二百九十八元，減至人民幣一百五十元。展覽共五日，最終他們賣 出九十對拖鞋，賺得萬多元，「雖然無遇到買手，不過對鞋有人買，回到本都好好呀。」 Sunny和Eric本來都是一個平凡的上班族，前者在《經濟日報》工商版當記者，後者從事I.T.工作，但兩人一直恨做老闆。因工作之便，Sunny認 識不少廠商。○八年金融海嘯過後，他以為遇上了機會，便心急創業：「啲廠家積落好多貨賣唔出，我低價同佢哋入貨，一買一賣，應該好易賺。」Sunny於是 辭去記者一職和Eric向廠家購入膠錶及益智玩具等雜貨，向百貨公司推售。「我哋搵過city'super同吉之島，但人哋見你唔係自家品牌，咁佢哋不如 直接同廠拎。」結果一手貨乏人問津，幸好只是蝕了六千元，但他們學會了做生意要先打好基礎。去年九月，他們有了賣拖鞋的念頭，便一步一步的走。 第一步自家設計（為期四個月） 兩人對拖鞋製作毫無認識，為了解各種鞋款的設計及耐用性，他們買來Roxy、MBT及Havaianas等市面上受歡迎的拖鞋研究。「MBT雖然耐用又夠 舒適，但一對成二千蚊，其他鞋底就太薄，又唔防滑。」Eric表示，設計出一對防滑、舒適，定價二、三百元的拖鞋是他們的目標。曾就讀設計課程的 Sunny說：「我哋專登將鞋頭整薄啲兼向上微微彎曲，呈流線型，拖鞋就唔會容易插入門隙內搞到腳趾受傷。」但他對設計的概念只略懂皮毛，於是找來中學同 學，任職Graphic Designer的Fanni幫手，將他們心中所想繪畫出來。為了令拖鞋賣得起價錢，Fanni在設計上花心思，於鞋底刻印一個時鐘及飛機的圖樣，十二種 不同顏色的鞋，鞋底的時鐘各指向不同方向。「鐘嘅大小表示時間，飛機圖樣，前後更改了多次。」他們設計了一個布袋隨拖鞋贈送，及設計品牌商標，「品牌叫 Ice Dream，即係冰封咗十年嘅夢想。」Sunny和Eric拿着設計圖到深水埗搜羅心儀的物料。由於拖鞋每個部分都用上不同物料製成，故整個設計過程花了 四個月時間：「鞋帶位有十二隻色，表層用樹脂料造，貪佢易乾。入面就要用布造，可以著得舒服；拖鞋鞋身的面層選用EVA膠，鞋底就要用TPR耐用 膠，Clarks嘅鞋都用呢隻。」 第二步搜羅廠商（為期五個月） 有了設計及選定物料後，Sunny和Eric在貿易發展局和阿里巴巴等網站尋找廠商造貨。「好少廠商肯接三千件以下嘅細訂單，間間廠都話自己同大公司造 貨，真係難分真與假。」Sunny無奈道。於是他們只和有ISO09001認證又願意接細訂單的廠商傾談，符合資格的有十多間廠，亦親自到廠房視察環境。 「我叫佢哋拎啲幫歐美大公司造貨的樣辦出嚟睇，了解清楚佢哋造貨嘅質素去到邊。」最後找來一間為Roxy及Clarks造鞋的廠商合作。「信心當堂大咗好 多！間廠又有大概二百人做嘢，規模算唔錯。」但原來大廠也非一定是信心的保證。他們本想造光滑質地的拖鞋，但廠商造出的鞋模卻是磨砂質地；拖鞋側面所印的 「ICE DREAM」，沒有按他們要求的字形去造，「I」字印出來又不夠明顯。「廠商話師傅造多次模要好多工夫，但我哋堅持叫佢哋唔准唔認數喎！」廠商最後願意更 改模，但前後卻浪費了大半個月時間。拿着鞋辦，他們向city'super叩門要求寄賣，誰知買手把他們的鞋款批評得一文不值，並表示只有男裝款式的拖鞋 難做。原來當初他們為了慳錢只做了男裝鞋模，「鞋模每隻要成幾千至上萬蚊，所以我哋只造了三個男裝尺碼的鞋模。」聽到買家的意見後，他們臨急臨忙加多一個 女裝尺碼，豈料廠商又擺烏龍，原本卅六至卅七碼的拖鞋長度應是廿四厘米，但是廠商卻錯誤造出廿三厘米的圖樣。Fanni試穿後，發現爭一厘米已經夾腳，唯 有重造鞋模，由雙方共同分攤鞋模費用。 第三步跑街找寄賣 （為期一個月） 花了五個月時間做辦，下一步便要找鋪頭寄賣，「我哋搵過馬拉松、Catalog同Gigas Sports，但佢哋唔同新品牌玩。」他們表示集資的錢已使得七七八八，心理壓力非常大，「喺銅鑼灣租一個冇人流嘅銅鑼坊都要五千蚊，我哋得一個鞋款又唔 夠擺滿成間鋪，寄賣係唯一選擇。」他們唯有硬着頭皮，拿着拖鞋通街跑，嘗試到各區的特色小店尋找機會。「Fanni叫我哋去上環試吓，嗰度有好多設計師開 鋪。好好彩，有一間叫Chum5嘅特色鞋店願意同我哋合作。」接連有位於赤柱及利時商場的小店願意合作。「有一間鋪頭肯寄賣，其他鋪頭對你嘅信心就會大咗 好多，我哋咪試吓再搵連鎖鋪頭碰碰運氣。」小店拆賬率約四至五成，定價二百九十八元一對的拖鞋，每對出售可分得約一百五十元盈利。 為提高檔次，Sunny和Eric聯絡Ice Fire，並主動提供靈活度高的合作條件予對方。「因為Ice Fire冇咁多位擺我哋嘅貨，好易斷貨。我哋就提出可以即日補到貨嘅服務。佢哋唔想我哋有太多銷售點同佢哋嘅分店重複，我就放棄同部分小店嘅合作機會。」 雙方最終同意先合作三個月，讓Sunny及Eric在旗下兩間分店小試牛刀，上架兩個月共賣出六十對。即使Ice Fire的拆賬比小店高，但他們仍表現得十分雀躍，「Ice Fire係連鎖店，做嘢有系統，每個月都提供營業報告俾我哋，可以了解客人需求。」他們最近爭取在香港設計廊寄賣貨品，為打入國際市場鋪路。「佢哋要求比 較嚴謹，例如放喺鋪頭嘅宣傳板要有中英文對照，等環球買家都睇得明。」 下一步推售風褸 夏天是拖鞋的旺季，但夏天即將完結，他們深明一對拖鞋難以長期保持競爭力，「我哋想做埋風褸，再出新一款拖鞋，搞多啲花樣，例如喺拖鞋鞋帶可以校長度咁。有多啲產品就可以開旗艦店！」Sunny和Eric眉飛色舞地說。 開業資料 （9/11）造貨$70,000公司註冊費$4,500商標註冊費$1,500鞋模$30,000宣傳$3,000買拖鞋樣品$3,000總投資$112,000 營業資料 （7/12） 營業額$59,600 物流$2,000 拆賬$29,800* 盈利$27,800 *與各個店鋪的拆賬率為40-60%。 一點意見 本刊邀得曾於Mirabell任職高層的資深零售業人士吳民傑先生，為Ice Dream的拖鞋給予意見。1 品牌定向模糊分銷點沒有放宣傳單張說明品牌的理念，且品牌旗下的產品太少，難以在市場上突圍而出。2 拖鞋欠特色若要標榜鞋的設計舒適，應加強鞋的功能性，例如：對足部健康的設計等功能。應有說明書推廣拖鞋的特性，否則難以吸引人購買一對近$300的拖 鞋。3 銷售策略錯誤將拖鞋寄賣於Ice Fire雖可提高品牌檔次，但無人買拖鞋會想起到Ice Fire。加強拖鞋特色後，可集中在運動型店鋪寄賣拖鞋。 | ||||||