七級偽術：步步高陞靠自己
1 :
GS(14)@2018-01-28 18:34:38很快就過農曆年了，到時總會聽見來自各方的恭喜發財、步步高陞祝福語。可恨是祝了幾十年，始終沒發過甚?財。職也許升了數次，但你問我，同千萬打工仔一樣，咬開有血有汗，不見得和這些祝福有關。既然一切還得靠自己，不如說說符合一般老闆期望的公關行為，或者可供紮職在望的讀者參考。支持自己的品牌。唔好睇小呢啲小動作，明明自己公司有出球鞋，你係要穿對敵對牌子的參加公司活動，好難怪老細唔嬲喎。當然最緊要係上晒腦，夠肉緊，講起公司?品和業務，要嘛真心鍾意表揚，要嘛真心維護，並促成改進。做公關冇得不看新聞、不跟貼社媒熱話，但不要僅僅當自己係讀者。務必一邊看，一邊分析──咦，呢個司長，唧牙膏咁舊咁失敗嘅橋都用，注定被千夫所指啦。嘩，已經群情洶湧，萬寧仲post埋啲官樣文章，係咪想千年branding一朝散，但係換了自己處理，又可以點做？仲有，今日咁多人寫隔籬公司嘅活動嘅，唔，到底是純發稿、開記招、定media lunch呢？日日挑戰自己，日日同自己攞答案，城中議題、業界事件，統統了然於胸，並已找到自己的專業答案，無論同事聊起，老闆考到，完全難你唔到，甚至欣賞你的洞悉力和真知灼見。我知道work life balance好重要，但做得呢行，人人期望你緊貼資訊。周末不是真的完全不check email吧？下了班，記者call到，唔通扮打錯咩？如你真係咁有原則，唉，不如考慮轉行喇，呢啲低端阿四工，唔啱你嘅。彭瑪莉
mailto:
[email protected]來源:
https://hk.finance.appledaily.co ... e/20180125/20284675