回貼load 好耐，成日要refresh，請問是咪出那個加錢的提示有問題? 請改善
1 :
GS(14)@2013-08-05 21:57:03如題
洪金寶難過：受折磨好耐
1 :
GS(14)@2016-03-05 01:12:07馮克安昨日病逝，跟他相識超過四十年的洪金寶昨日在電話中說：「知佢病咗一段時間，畀病魔折磨好耐吓，之前有試過介紹醫生畀佢，但好似冇乜用。同佢都識咗幾十年，而家佢死咗，當然可惜。」導演邱禮濤與馮克安合作過《性工作者2我不賣身．我賣子宮》等電影，他在電話中說：「大約半年前元彪嫁女擺酒見過佢，原本之前我部《選老頂》都搵佢演，佢問我介唔介意佢把聲唔太好，最後因為身體問題冇演。佢係一位好好前輩，好提拔後輩。」甄子丹曾與馮克安合作拍過《錦衣衞》和《葉問2：宗師傳奇》，身在內地的他表示：「佢係一位好健談嘅前輩，同佢合作時，覺得佢功夫好了得。」元華也說：「三個月前先喺一個飯局見過佢，當時佢坐輪椅，精神唔錯，只係中完風說話有啲唔清楚。」
錢嘉樂
邱禮濤
錢嘉樂：好前輩
錢嘉樂談到這位前輩時說：「我識咗克哥三十幾年，喺我眼中佢係一個好照顧同行同後輩嘅動作指導，我哋工會喺年初三嘅春茗，頒咗一個傑出貢獻獎畀克哥，表揚佢對電影咁多年既貢獻。」劉德華更說：「從他童星到最近葉問演出，都很難忘。」採訪：鍾國仁
來源:
http://hk.apple.nextmedia.com/entertainment/art/20160303/19513456
翠如怨蕭正楠「好耐冇見佢」
1 :
GS(14)@2017-01-02 01:05:47■蕭正楠和黃翠如綁着手做蛋糕，他更餵女友食零食。
蕭正楠（Edwin）與女友黃翠如昨日以情侶檔在尖沙嘴The ONE出席IQ博士35周年反斗狂歡派對，Edwin更情深向翠如BB大唱冧歌，第一首揀了鄭伊健的《Together》，原因是他的妹妹喜歡伊健，而妹妹又有到場，所以送首歌給她。不過翠如聞言即扮呷醋，她說：「你都冇唱畀我聽嘅！」
■蕭正楠與女友黃翠如昨日以情侶檔出席商場活動，兩人現場有不少親密互動。
情深款款唱歌
為了?女友，Edwin唱第二首情歌時，特別安排一張孤獨的凳給翠如BB，左右前後都沒人，只有翠如BB在中央聽男友唱歌，畫面上Edwin的表情是情深款款，但效果卻有些突兀和搞笑。昨晚是除夕，翠如BB雖然好重視，想和男友一起歡度，可惜昨日Edwin在活動後要北上開工，她當然失望，更埋怨說：「都真係好耐冇見佢，今年好多節日如聖誕都冇得一齊過，希望農曆新年有假放啦！佢喺上面開工嗰陣，都有唔同嘅人send相畀我㗎，原來佢喺戲裏面好多動作場面，我都係睇相先至知，Edwin完全冇同我講，所以都有啲擔心。」採訪：曹家誠攝影：仇志德
來源:
http://hk.apple.nextmedia.com/entertainment/art/20170101/19882863
陳雅倫閃嫁吳彥祖表哥「佢迷戀咗我好耐」
1 :
GS(14)@2017-02-12 13:52:32■半百陳雅倫跟吳彥祖表哥Martin拍拖半年，男方去年底求婚成功，並打算今年閃婚。
當緣份要來時，真是擋都擋不住，半百「凍齡女神」陳雅倫出道以來，情路崎嶇，但去年中經好友劉永健介紹，在朋友聚會認識了吳彥祖的45歲表哥Martin，二人拍拖三個月即被求婚，更自爆未婚夫迷戀了她很久，會做雞年新娘。
現年50歲的「凍齡女神」陳雅倫（Ellen）被爆會做雞年新娘，未婚夫是吳彥祖的表哥Martin，Martin比她年輕5歲，在美國長大的Martin，畢業後到內地工作，兩人於去年邂逅，拍拖半年即決定閃婚。陳雅倫近年專注留在北京發展，偶然遇上Martin，女神宣佈做雞新娘，身在北京的她昨接受電話訪問時說：「仲安排緊，未有確實日期。」講到兩人相識經過，她表示去年8月在朋友聚會上邂逅男友：「Martin同我都有共同朋友劉永健，Martin一見到我就展開攻勢，好積極囉。」Martin不但跟劉永健是小學同學，也是方中信好友。
■陳雅倫大讚未婚夫Martin高大威猛及乖仔孝順。
■Martin樣貌酷似表弟吳彥祖，吳彥祖與Lisa S.（右圖）結婚六年多並育有一女，今年就輪到Martin娶老婆。
■（左起）吳君如、陳雅倫、李美鳳、邱淑貞及張曼玉88年參演電影《求愛敢死隊》，五女以泳衣上陣騷身材。資料圖片
拍拖三個月被求婚
陳雅倫形容兩人約會有puppy love的感覺：「去完街返到屋企，仲要傾四、五個鐘電話，都唔知邊有咁多嘢講。」她坦言第一眼見到Martin都有feel，但最感動到她是對方深情表白：「同佢拍咗一個月拖左右，我好認真同Martin講：『唔想玩玩吓，如果你諗住玩玩吓就唔好嘞！』佢已經第一時間講係想大家有將來，令我好感動。」她透露男友於去年11月的生日派對上求婚：「佢突然間喺佢啲朋友面前講：『好希望嚟緊呢年，Ellen可以做到黃太』，好感動，冇諗過佢當住咁多朋友講。呢個年代好少男人肯公開commitment（承諾）。」陳雅倫不打算大搞婚禮，只想與至親在一個特別的地方分享喜悅，但一對準新人要完成手頭工作才着手籌備婚禮，她暫時未收到訂婚戒指。問會否擔心相識半年便閃婚太快？她說：「冇話快，圈中好多人都識咗冇耐就結婚，梁詠琪都係好似三個月就結，夾就得。」
協議婚後定居香港
Martin身高六呎，樣子酷似表弟吳彥祖，也是運動健將，除外在條件優勝，陳雅倫再補充說：「佢都好孝順、細心同有耐性。」Martin過往在內地替Nike、adidas兩品牌推廣，但近年做老闆代理了三款高爾夫球桿。兩人婚後有共識會在香港定居，因雙方的媽咪也在港居住，至於造人她表示會順其自然，但當然希望有BB。不過陳雅倫忍不住大爆未婚夫小秘密，她說：「佢迷戀咗我好耐。」她表示在微博的朋友圈知道彼此有很多共同朋友，Martin一早已想叫身邊女性友人介紹認識，惟陳雅倫經常不在港，料不到及後便在友人聚會上遇到，更成功私有化，Martin平日會暱稱陳雅倫做「BB」。對於表哥Martin閃婚，吳彥祖昨日透過經理人回覆：「冇嘢回應。」採訪：何永寧
來源:
http://hk.apple.nextmedia.com/entertainment/art/20170212/19925552
【西遊記】Hello，無鐵金剛好耐啦！
1 :
GS(14)@2017-05-27 00:08:09【文化籽：西遊記】第三代占士邦羅渣摩亞（Roger Moore）病逝。我阿媽方太好傷心。方太一生人只真心地讚過四個男人靚仔，連似狄龍的老公都話醜。其中兩個獲得青睞的，是自己個仔；另一個是張國榮。餘下一位，正是羅渣摩亞。
方太依然記得配音版的英劇《俠聖》（The Saint），羅渣摩亞如何有型有款。每當明珠930重播《鐵金剛》，方太例必查詢：「播辛康納利（Sean Connery），定羅渣摩亞先？」對，連辛康納利那幾套經典，方太也毫無興趣。你可以想像，佐治拉辛比（George Lazenby）的唯一一套，加埋鐵摩達頓（Timothy Dalton）的兩套，當然更加不入流。不入方太的流。我第一次入戲院看占士邦，其實已經去到皮雅斯布士南（Pierce Brosnan）的階段。1995年，占士邦帶點娘味，隔了六年才推出的新作，香港譯名刻意改變傳統，變成《新鐵金剛之金眼睛》（Golden Eye），又找來Tina Turner炮製了首勁搶耳的主題曲，總算起死回生。真正具備改朝換代象徵意義的，我覺得更似是兩年後面世的《新鐵金剛之明日帝國》（Tomorrow Never Dies）。楊紫瓊做邦女郎呀！唔係話華人做邦女郎就好劃時代，但出現一個好打過占士邦的邦女郎，實在破格。不要忘記，那是1997年，未有《飢餓遊戲》（The Hunger Games），《星球大戰》（Star Wars）的主角也從來不是女人。到皮雅斯布士南的第四齣占士邦：《新鐵金剛之不日殺機》（Die Another Day），就算找來剛當上奧斯卡影后的荷爾芭莉（Halle Berry）助陣，電影都已經淪為一齣沒有個性一味誇張的超物理動作片。又係時候講拜拜。我對這齣最平平無奇的占士邦，偏偏抱有最深厚感情。已在雜誌社工作，有幸獲邀前往倫敦Royal Albert Hall，跟英女皇觀看同一場首映。人生第一次跟住dress code去black tie。還未夠認真。為了寫好篇稿，更買回整套占士邦系列的DVD，由《鐵金剛勇破神秘島》（Dr. No)睇起。上太空城好，落海底城也好，打金手指好，打金槍客也好，占士邦總係好自然地搞到好多女，搞完就走，而且打鬥過程如何激烈，髮型也不會有點點混亂，依然一臉優雅。的確是擺明車馬給男人拿來FF的精品。雖然，當你一口氣連睇十九齣，其實會非常麻木，及迷惘，而留低到印象的，居然是被視為失敗之作的《鐵金剛勇破雪山堡》（On Her Majesty's Secret Service）。可能因為佐治拉辛比唔算型，所以會結婚，仲會因為死老婆而傷心。未有丹尼爾基克（Daniel Craig）版本前，罕有過梁振英講真話。又點會估到，占士邦的發展，會沿着《鐵金剛勇破雪山堡》的方向？2002年的《蜘蛛俠》（Spider-Man）是個轉捩點，將英雄人物描繪到有血有肉真人一樣，大獲好評，變成不能逆轉的大趨勢，占士邦也不能倖免。丹尼爾基克完全反轉了占士邦的固有形象，會被毒打到爛身爛勢，日日口黑面黑，仲要唔算靚仔。去到《新鐵金剛：智破天凶城》（Skyfall）是個極致，連占士邦的成長經歷都被出賣。傳統上用來給男人FF的占士邦，已經徹底消失了，就像「鐵金剛」三個字也正式被取代，最新一齣邦片，叫《007:鬼影帝國》（Spectre）。你還敢拍一齣《鐵金剛勇破神秘島》，找比堅尼女郎襯托英明神勇的西裝猛男？你應該會立即被標籤成歧視女性。復刻《沙灘拯救隊》（Baywatch），焦點也不敢放在Pamela Anderson接班人般的大胸少女身上。盡情消費Dwayne Johnson和Zac Efron的肌肉，安全得多。
facebook:方俊傑觀塘長大，壹仔打滾，偏愛西片、西劇、中日韓美女。利物浦悲慘球迷，非西人一個。撰文：方俊傑編輯：馮秀珍美術：楊永昌2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170526/20033479
Next Page