Money Walker：房屋問題各地皆有
1 :
GS(14)@2018-01-08 00:53:44無聊上youtube睇到一段由台灣傳媒製作，有關香港年輕人起薪點低加上畢業一身債，買樓上車難嘅短片，故事熟口熟面，反而短片下留言區爆發之網友罵戰更見搶眼。有簡體字留言指「上海的話不吃不喝也要40年，這麼一說香港房價好像也不是很高。」亦有繁體字留言回覆指「城裏不好混哥就回農村，有房有車有地。」、「你們大陸人再糗有父母給你們撐着，香港父母不會給孩子撐，基本自己去打江山。」的確，樓價升至與大眾市民收入水平脫節係環球問題，非香港獨有。但香港土地供應不足，加上對內地移民極為寬鬆嘅政策，連同政府冇足夠措施保障港人住屋需要，以及港人唔能夠透過選票改變現狀，都令港人住屋問題較其他地方更見嚴峻。以新西蘭為例，耶魯大學今年7月公佈嘅調查顯示，當地約有4萬人以街為家或需入住緊急收容設施，數目約佔全國總人口1%，有無力租屋嘅新西蘭人更選擇以租住露營車為家。新西蘭前任國家黨政府嘅人口開放政策，被指係新西蘭樓價飆升嘅罪魁禍首。接任嘅新一屆工黨及新西蘭優先黨聯合政府，亦一改前屆政府開放取態，更擬跟隨澳洲立例禁止外國人喺當地買樓。近期香港有社福機構向低收入士提供「社會房屋共享計劃」，有20個家庭受惠，亦有發展商提供15個「低門檻上車」單位扶助年輕人置業。不過筆者認為，一萬個蜻蜓點水式幫助，都遠不如政府嘅一個「港人優先」取態來得重要。
El.
http://fb.com/moneywalkerhk本欄逢周三刊出
來源:
https://hk.finance.appledaily.co ... e/20171220/20250377