智取大市：港股科技大時代
1 :
GS(14)@2017-10-15 15:54:06今日同兩年半之前嘅港股大時代比較嘅話，50隻藍籌當中，有27隻股為恒指帶入正回報，23隻為負回報。一隻騰訊（700）已經為指數貢獻2,061點，即係唔計騰訊，恒指喺26,397點，其實都係高。至於其他有貢獻恒指嘅股份當中，有能力或市場預期能以科技提升產品質素，呢類公司為恒指正面貢獻較大，包括吉利（175）同瑞聲（2018）。至於正在被新科技蠶食嘅行業股份，例如中移動（941）、聯通（762）、中石油（857），兩年半期間股價下跌22%至46%不等。中游份子就係地產、金融呢類未被新科技正面衝擊嘅行業。呢種趨勢長遠仍未止步，而科技開始加快步伐去改變經濟，正正係股市未來希望所在。未來留意番，一啲已經上市嘅舊經濟股，會唔會成功加入新科技元素嚟提升競爭力。吉利係已跑出例子，比亞迪（1211）亦係其一。至於市況，星期五恒指由單日高位回落百幾點，未算出現派貨迹象，嚟緊一個星期繼續且戰且走。短線方面，眾安（6060）爆升，緊隨其後有同樣為半新股為主嘅教育股開車，可見貨源歸邊、有概念炒上就有錢追捧，預計教育股短線未見頂，夠勇可小注。晉佳
http://fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20171009/20177200