二五中環 萬南 行行出狀元 「收買佬」申上市
1 :
GS(14)@2017-10-09 04:10:44http://www.metrodaily.hk/metro_c ... %92%B0-2/?page562=2
前排因為內地批文問題，回收商拒收紙皮，搞到隨街紙皮影響市容。事實上，好多人依然認為回收行業等同「執垃圾」，但其實行行出狀元，上星期就有一間土炮電子產品回收公司富元控股入紙，申請喺主板上市。
富元業務其實好簡單，回收電腦、手機及智能手錶等產品，檢查各零件性能，策略係救到就救，變成翻新電子產品賣去東南亞國家；救唔到就將電子產品煎皮拆骨，將含有金銀銅等值錢嘅零件熔咗，變成貴金屬出售。唔講或者你唔知，每部智能電話內嘅零件，含有30毫克黃金，山大絕對斬埋有柴，尤其係香港人咁鍾意換電子產品。
再睇富元歷史背景，並唔係老牌回收公司，由陳漢僑(45歲)及張綿華(38歲)於2013年創立，佢哋應該都冇讀過大學(否則唔會唔寫啦)，而且係半途出家搞回收，短短幾年已經晉身全港三大回收商。截至今年7月純利2,459萬元，夠資格申請上市，令萬南諗起股壇一句明言「High tech揩嘢，Low tech撈嘢」。