30萬營造日系家居 旋轉樓梯扮複式
1 :
GS(14)@2017-10-09 03:49:46■設計師劉德泰表示，旋轉樓梯不但方便上落，更可作儲物空間。
【周日專題】單位設計想溫暖又舒服，層次感功不可沒。啟德煥然壹居一個實用面積442呎單位，屋主是一對年輕姊妹，甫走進屋內，即被多種不同的木紋設計包圍，明顯是一間溫馨小蝸居。設計師劉德泰（Edward）表示，要營造層次感，裝修用料不能忽視，飯廳先用木紋地磚，然後再上大型木地台，走入房間，即為木製高床。「我唔想一入屋，你踩住木，上到地台又係踩住木，我想有一個層次變化。」家居設計，不少人都希望將客廳、飯廳、房間鮮明地分開，不過現時單位細，強行劃分空間難免不切實際，「我將客飯廳同房間，用兩組好連貫嘅傢俬同地台連埋一齊。」將數個空間歸一合體，單位即時更Cozy。
雙人床升高 床底做衣櫃
單位地台又深又闊，足以藏起整個人，此主要由於煥然壹居樓底夠高，如果單位樓底矮，強加地台就會有更大壓迫感。另外，細單位切忌用大型高身櫃，「就算廳呢組櫃高身，都要將佢break down成幾個細格，唔會見到好大嚿，如果唔係又會有壓迫感。」要數最大特色，必然是床邊旋轉樓梯。「好少業主咁大膽，可以接受到呢種設計。」房間的雙人床升高，以便床底做一個大衣櫃。Edward索性設計幾級的旋轉樓梯，不單方便上落，更可作儲物空間。要令單位更光猛，房間石屎牆換成磨沙玻璃，外置木製百葉設計，配合客廳地台，單位即有日系簡約風。「裝修用30萬，其實唔算太平，花得最多錢喺地台、房間及儲物牆身，我哋成套都係師傅喺現場做，一個咁細嘅單位搵師傅去揼傢俬，係好少有。」記者：倪敏慧
來源:
http://hk.apple.nextmedia.com/financeestate/art/20170924/20162512