ZKIZ Archives


上市公司主席為主持股東會中環在線:賣股還賭債 李華華

2008-03-10 Appledaily
政 府都有話,沉迷賭博同倒錢落海冇分別,連港台都拍番套《賭海迷徒》,用病態賭徒嘅親身經歷,去告誡沉迷賭海嘅小羔羊,等佢哋唔好因為賭錢,而搞到負債纍 纍。不過,呢個世界偏偏有人唔信邪,就算自己明明係輸緊錢,都覺得有機會可以一鋪過贏番晒返嚟。華華聽聞,有位上市公司主席曾經因為賭大咗,借落一身債, 搞到差啲連股東大會都主持唔到。不時失蹤過大海其實,呢位上市公司主席做生意好識得跟大趨勢,內房股熱時搞吓大陸地產,家陣又湊興轉型搞資源;但講到嗜好,佢就獨沽一味,就連身邊朋友都知佢得閒鍾意玩番兩手,仲久唔久就唔見人,查實係過大海玩一兩日,不過,呢位主席由於手風麻麻,因而欠咗幾百萬街數。怕蒲頭債主臨門不 過,假假哋都係上市公司主席喎,區區幾百萬銀好小事啫──你咁諗就錯!皆因佢間公司只不過係泥菩薩,業績連續幾年見紅,仙都唔仙吓,公司冇錢,主席就更加 唔掂,聽聞佢為咗避債,匿咗喺澳門幾個禮拜,電話又唔開,連公司啲人都搵佢唔到。正所謂避得一時,唔避得一世,咁啱佢公司要開股東大會,身為公司主席,又 唔係休假中,冇理由唔出席o架,但又怕一蒲頭就債主臨門,結果佢減持手頭上嘅公司股份套現,還咗部份街數,先可以安心出席公司股東會。計華華話,賭錢呢家 嘢,有時細細哋玩兩手,過吓癮咪算囉,如果賭到周身債,仲要匿埋避債,人生仲有咩意義呢?電郵:mailto: [email protected]:
冠x地產(一舊生)朱先生?據港交所資料,在十二月二十四日開股東會,十九日減持少量股份,套現一千多萬。
PermaLink: https://articles.zkiz.com/?id=519

Neway(284)擬月內招股 主席:增長空間仍大

>2008-06-10 AppleDaily【本 報訊】本港擁有23家卡拉OK連鎖店、並在03年起進軍唱片及電影業的星時代(Neway Group,284),其主席薛濟傑表示,雖已取得香港卡拉OK市場逾60%佔有率,但認為仍有不少增長空間。消息指出,星時代正爭取本月招股,集資8億 至10億元。記者:陳健文

薛濟傑接受本報訪問時指,港卡拉OK市場經多年發展,估計每年營業額約17億元,集團穩坐第一位。他說:「經過包括集團在內的公司拓展後,客戶層面仍繼續擴大。」

續開更多分店

薛 濟傑指出,雖然與06年比較,集團現時在港的卡拉OK店舖數目,淨增加僅一家,但不代表沒有發展,反而是將資源投放在分店裝修,務求吸引更多客戶。他表 示,本港市場仍未飽和,將繼續開更多分店。他認為,一家卡拉OK能否吸引客人光顧,50%取決於歌曲,故一向重視歌曲來源,集團透過與唱片公司合作,達到 雙贏局面。他說:「我們需要以歌曲來吸引顧客,唱片公司亦希望用卡拉OK推廣,合作很重要。」對於與加州紅的訴訟,薛濟傑以官司仍在進行為由不作評論。有 雜誌早前報道,原本星時代旗下卡拉OK品牌Neway與加州紅,共同在00年成立合營公司,共同購買歌曲卡拉OK版權,以攤分成本及做到「齊齊有歌唱」, 但由於Neway計劃單方面結束有關公司,故加州紅入稟阻止。

暫不自資攻內地

星時代04年進軍內地及馬來西亞,目前在內地以 按月收管理費以及提供歌曲的方式,在廣州經營兩家分店,薛濟傑表示,暫不會以自資方式發展內地,但以現有形式在未來2至3年再多開5分店。馬來西亞現經營 7家分店。薛濟傑表示,目前總營業額中逾80%來自香港業務,內地業務佔少於5%,餘額來自馬來西亞,由於內地市場龐大及具很大增長潛力,預期內地業務佔 總營業額比重將上升,並越來越顯著。
風風雨雨 16年捱過三次危機
PermaLink: https://articles.zkiz.com/?id=1137

由認股權去判斷主席為人 味皇

From

http://hk.myblog.yahoo.com/lgaim-foolman/article?mid=110

就好似之前分析展鴻一樣,如果發覺公司主席經常向自己發行認股權,同時又偶然地有人看似操控 股價令認股証行使提供機會,那可以武斷的認為有人不誠實,於是這些股票決乏長期投資價值,投機就可以,像我這樣與小人共舞並不值得鼓勵,我只是想刺激腦細 胞而已,展鴻不會占組合太大的成分,雖則展鴻本身如此的攻守平衡

就最近就會有一個實例,味丹的管理層有一批認股權於今年6月13日到期,行使價為0.8,如果要令認股權唔變成廢紙,味丹的股價要在6月13日前升 到0.8或以上,由於除淨在5月30,因此要行使就要在5月28日前行使才有息收,即可以預言5月28日味丹的股價最起碼有0.8,而現價0.7左右,如 果管理層對公司的前途充滿信心,則股價為0.8,如果管理層覺得公司前途多難,則股價會升至遠超0.8的水平

但是味丹的管理層是班正義的朋友,咁股價就不會升,該批認股權亦會變成廢紙

回想上年不敗日報財經版有part叫估聖老點你的環節,有日推介展鴻,果時股價由之前0.71升到當日1.33上下,報導出左冇幾日就升到歷史高位1.66左右,此時展鴻立即進行配股,非常順利,價錢亦非常美好,配股完成後展鴻的股價由高位回落至今,變返0.71

早幾日,不敗同生果日報都好巧合地推介了味丹,在這個時侯有點似曾相識

PermaLink: https://articles.zkiz.com/?id=1968

中環在線:香港飲食主席愛耍太極 李華華

2008-09-12  AppleDaily

經營食肆包括大滿貫、小城知味同仿膳飯莊嘅香港飲食管理(668)有兩位「鎮店之寶」,正係集團創辦人兼主席陳偉彰,同埋佢太太陳金若槿,陳太亦係集團嘅執董,兩人今年同樣70幾歲。噚日香港飲食開股東大會,由陳主席主持,陳太做左右手。

支配唔到太座

陳 主席咁精神,當然有一套養生之道,就係耍太極。陳主席話,朝朝都會耍完先返公司。咁陳太有冇一齊玩呢?陳主席話:「佢唔聽我支配。」咁唔通喺公司先聽?陳 主席答:「喺公司都唔聽,有時反而係佢支配我多啲。」真風趣。既然兩個仔喺公司幫手,陳主席有冇諗過退休?陳主席反應好快咁話:「成日諗退休,但成日退唔 到,因為慣咗返工。」不過會陸續減少工作量咁話。
PermaLink: https://articles.zkiz.com/?id=2155

中環在線:東方表行主席呻基金施壓

2008-09-26  AppleDaily

東方表行(398)噚日喺中環旗艦店開股東會,主席楊明標冇主持,但都有出席同班老股東打招呼,楊主席對同行宜進利(304)被臨時清盤人接管單嘢好慨嘆,話宜進利「做得太多」。佢係指擴充太快,舉債過高,所以搞到咁,楊主席話佢喺呢行50年,呢啲情況見得太多。

70幾歲的運動健將

至 於東方表行專注做錶,冇掂其他瓣數,董事林慶麟爆話,基金都有畀壓力佢哋,話佢哋冇乜做嘢(指開分店擴充之類)。不過楊主席堅持,公司要審慎理財,「寧願 賺少啲,好過瞓唔着」咁話。其實楊主席唔止瞓得,仲好玩得,今年70幾歲嘅楊主席朝朝先去行山晨運,再去游水,每個禮拜打一次golf,間中又打網球,十 足運動健將。至於生意,佢話好多決定都由阿仔,即係董事總經理楊衍傑自己搞掂,但楊主席就冇話退休,依然日日返工。咁又係,佢咁鍾意錶,淨係勞力士都收藏 咗廿幾隻,返公司對住咁多靚錶仲開心啦!
PermaLink: https://articles.zkiz.com/?id=2351

中環在線: 郭炳湘收代通知金郭老太繼續做主席 李華華

2008-10-15  AppleDaily

新地(016)家族兄弟內訌,郭老太鄺肖卿5月走馬上任公司主席兼非執董,鎮住江山。早排市場傳聞郭老太只會做到年底,二仔炳江即刻出嚟澄清,話冇聽聞阿媽唔do,三仔炳聯仲力撐阿媽會繼續做主席。係真唔係,答案噚日揭盅!

新地通告披露,郭老太會喺12月嘅股東大會告退,但就符合資格兼願意連任。雖然話要得到股東投票通過,但相信有郭老太坐鎮做主席穩定軍心,冇乜邊個股東會say no。

噚日新地刊發郭老太做主席以嚟首份年報,華華梗要第一時間拜讀,本年報仲登咗幾張郭老太嘅靚相,咁即係話畀大家知,佢老人家唔只係做個掛名主席,仲好積極參與新地業務。至於被「貶」為非執董嘅大仔炳湘,華華揭嚟揭去都搵唔到佢幅玉照。

284萬人工多過細佬

講 完權梗要講金,三位郭公子08年人工,仍然以老大炳湘最高,284萬銀,升幅近四成,不過人工最高唔係焦點,華華覺得重點係喺註釋度,「上列薪金,津貼 及實物利益已包括港幣七十七萬的有薪假期,按比例的雙糧及代通知金。」根據勞工處網頁,代通知金係畀啲被炒魷嘅員工,堂堂郭家大少、藍籌公司前主席要收代 通知金,都算創紀錄喇!而據新地之前嘅通告,被貶為非執董之後郭炳湘每年只收10萬蚊董事袍金。至於兩位細佬炳江同炳聯08年度就分別攞210萬同227 萬,人工升幅6%。新地一眾高層中,以執董黃植榮人工最高,08年1398萬銀,升幅3.5%。論到人工加得最勁嗰個,就非執董黃奕鑑莫屬,佢總酬金加 咗55%,至1341萬銀;當中酌情花紅升近一倍,有成921萬銀。李華華[email protected]
PermaLink: https://articles.zkiz.com/?id=2641

荣智健拒绝贱卖中信泰富资产 并称无意请辞主席

http://finance.sina.com.cn/g/20081027/09355433197.shtml
PermaLink: https://articles.zkiz.com/?id=2845

中環在線:偉仕主席避過一劫 李華華

2008-10-28 AppleDaily


Accumulator 搞到市場風聲鶴唳,但梗有人夠定力避之則吉,其中一個就係偉仕控股(856)主席李佳林,佢憶述舊年10月、11月,即係股市最高「瘋」時期,有投資銀行 每日都搵人打電話游說佢買Accumulator。不過,你有你講,李佳林就企硬唔受,認為嗰陣港股升到3萬點太高,就算其後大市跌返落兩萬幾點,佢都 無被游說到博反彈,結果避過一劫。

唔受執身彩

避得開Accumulator,但李佳林自己買落嘅基金就有些微損手,佢話錯 在自己唔夠決斷,職員叫佢遲啲先賣,佢自己又趕住外出公幹,點知返到香港跌咗好多,諗住等反彈先沽,結果個市繼續跌落去……講番偉仕,舊年掟咗十幾億收購 新加坡同業佳杰科技,搞到債台高築。李佳林講,o依家睇肯定唔係最便宜,但如果等到收購對象瀕臨清盤,乜嘢客戶網絡都冇晒,嗰時買返嚟都無用。佢仲話,如 果唔係做呢單刁,本身剩落嚟嘅現金,或者有部份會拎去買咗藍籌股,到o依家真係唔知剩番幾多嘞。
PermaLink: https://articles.zkiz.com/?id=2882

中環在線:花旗董事會擬炒主席 李華華

2008-11-14  AppleDaily

美 國次按搞到唔少銀行風聲鶴唳,頂得住唔使清盤嘅銀行,裁員減薪少不免,咪以為淨係低層打工仔飯碗難保,連高層都分分鐘要起身!花旗主席比肖夫(Win Bischoff)上年尾先坐上主席位,家陣放假去中東旅行期間,花旗董事會似乎想趁機換人。據《華爾街日報》講,花旗董事局覺得比肖夫坐鎮倫敦,山長水 遠,怕佢唔能夠『目及』實總行呢邊,咁講法,即係有人認為佢唔稱職啫。報道引述消息人士話,有董事考慮撤換主席,熱門人選係董事局成員之一嘅時代華納主席 Richard Parsons。Parsons來頭都唔嘢小,係候任美國總統奧巴馬嘅經濟顧問!

凳未坐暖又話換人

查實,花旗前主席兼行政總裁普林斯,亦因為大花筒令股東不滿,後嚟仲為次按損失而要落台,估唔到頂替佢嘅比肖夫凳未坐暖,就可能要面對同一命運。睇嚟呢個時勢,花旗主席呢個位唔易坐。
PermaLink: https://articles.zkiz.com/?id=3238

中環在線:郭炳江撐阿媽續任主席 李華華

2008-11-21 AppleDaily

新地(016)郭老太同二仔郭炳江,噚日出席新地慈善基金贊助嘅「城市藝坊」活動,大家最關心嘅,梗係郭老太係咪會連任做新地主席,雖然新地通告披露咗佢老人家符合資格兼願意連任,但大家都好想聽到郭老太親自回應。

活動喺沙田新城市廣場露天舉行,剛啱噚日天氣轉凉,華華坐坐吓都覺得陣陣凉意,何況上咗年紀嘅郭老太,所以當大隊人馬欣賞戶外展品時,已經唔見佢芳蹤。聽聞上次開幕儀式時郭老太已經睇咗展品,加上覺得凍,所以早早上車走先。

大佬復職睇董事局

雖然大家都搵唔到當事人回應,好彩仲有郭炳江代答,佢話郭老太應該會繼續做主席,因為「聽唔到阿媽話唔做」喎,但點都要等12月股東大會通過。咁郭老太肯坐主席位咯,睇怕都冇乜人反對嘅。至於大佬郭炳湘幾時復職,就要由董事局決定。
PermaLink: https://articles.zkiz.com/?id=3351

Next Page

ZKIZ Archives @ 2019