📖 ZKIZ Archives

殺牛又殺熊 左丁山

2011-10-28  AD

涂國彬婚宴之夜，左丁山與股評名家鄭家驊講股市走勢，實在難以預測，暴升暴跌，買乜股都死，散戶可以沽空，但 難度甚高，而沽空被挾倉，死得仲慘。家驊話最近佢睇股市交易數據，偶有心得，就係牛熊證街貨聚在一邊嘅話，大市往往反其道而行之，譬如眾人睇淡，羣起買熊 證，於是熊證街貨遠多於牛證街貨，此事一旦發生，大市就會暴升，令大量熊證強制收回（俗稱打靶），相反地，若大量牛證街貨出現，大市就會大跌，大舉屠牛。 家驊話連日來，每次都係咁，唔通真係如有雷同，實屬巧合？
一個星期之後（十月二十三日）蘋果財經版以大篇幅報導「破解牛熊證三大陷阱」，談及「牛 熊證街貨量與恒指成反比」，談及相反理論之準繩，連發行商也嘖嘖稱奇，既然咁準，究竟原因何在？左丁山唔係諾貝爾經濟學獎得主仙士教授，唔識得從眾多數據 之中，找出「因果」關係，難以作答，不少人用圖表顯示兩三種數據走勢，走勢同時向上，或同時向下，或一種向上，二種向下，於是得出呢三種數據有「正相 關」、「負相關」嘅結論，但「相關」（ correlation）並不等於「因果」（ causality），如果從陰謀論出發，咬定「大戶」、「莊家」睇定嚟食，熊證多就殺熊，牛證多就殺牛嘅話，答案好容易搵到，但港股指數因受國企股股價 影響，本地「大戶」、「莊家」並無指揮恒指大權，恒指往往受隔夜美股，當日滬深股嘅走勢帶動，換言之，往往外圍升港股升，外圍跌港股跌，輪不到「本地大 戶」憑殺牛殺熊之主觀意願將恒指舞上舞落。事實上，近幾個月全球股市備受歐洲債務危機主導，歐洲消息日日不同，大戶即使消息比我哋靈通，亦唔見得佔咗好大 優勢，否則嘅話，對冲基金 Perry Capital駛乜在香港扯白旗投降，執笠關門而去？美國沽神保爾森駛乜輸到面青？其實今年大部份投資者都唔敢買入股票，最多只係「有嘅不賣，新嘅不 買」，平日就一於乾炒恒指期貨與牛熊證，賭大市上落而已，故此現貨市場成交甚少。德國堅持要希臘債券持有人四折收數，歐洲金融機構會蒙受大損失必想盡辦法 集資，此乃利淡消息也。

PermaLink: https://articles.zkiz.com/?id=28837

講膠所手記：裁員潮又殺到

1 : GS(14)@2012-08-02 11:40:49

http://www.sharpdaily.hk/article ... 8%E6%AE%BA%E5%88%B0
承龍兄昨話喺吉之島家品部買嘢畀錢要排好耐隊，YY絕對同意，因幾周前YY喺呢間吉之島亦有同樣經驗，而且案發時間亦係非假日嘅非繁忙時段。
點解會咁？生意難做，人手慳得就慳，唔止吉之島，好多百貨公司同食肆都鍾意請啲新移民做Part-time，雖然不至於雞同鴨講，但就因為溝通有問題，將你嘅幫襯流程拉長。
再留心啲，近排食肆連夥計都慢慢減少，唔止藍領就業市場麻麻，連中環金融精英界別都有裁員潮暗湧，有探子同《爽報》財經仝人講，某法資大行近排每日都有人執包袱，呢招「一日一件」幾好㗎，因唔使一大堆人捧住紙皮箱落樓俾傳媒拍照，大家又唔可以話佢哋大規模裁員，單嘢已喺中環揚晒，其他同行都只可望天打卦，求其返得一日得一日囉！
YY
（逢周二至五刊出 ）
PermaLink: https://articles.zkiz.com/?id=280659

隔牆有耳：TVB突重播《大時代》丁蟹效應又殺到？

1 : GS(14)@2015-04-15 02:06:54

【本報訊】股市呢排係咁升，無綫就食住條水，突然宣佈下個星期一（20日）午夜時段重播經典劇集《大時代》，係事隔18年再喺大氣電波上映，被視為股市升跌指標嘅「丁蟹效應」再次被熱烈討論。被問到擔唔擔心套劇一重播個市又跌？無綫企業傳訊部副總監曾醒明話：「其實鄭少秋喺《Sunday靚聲王》都出現咗一段時間啦，個市都長升長有呀！」其實咪話唔驚，睇番秋官以往嘅紀錄，丁蟹效應真係唔講得笑，首先1992年秋官喺《大時代》飾演「丁蟹」一角就有劇情講股市，播映時就適逢香港股災，之後幾乎套套有佢份嘅劇一播就出事，股民唔擔心就假。




艾威興奮大讚神劇

不過曾經效力港視嘅艾威就好興奮，佢當年喺《大時代》飾演暗戀藍潔瑛嘅警察李立光，當佢知道《大時代》重播嘅時候，佢就話：「咁正？」艾威話呢套劇好經典，「仲有一樣好經典就係造型嘅時候先知換咗角色，本來係做丁蟹四個仔其中一個，即本來係陶大宇個角色」。艾威仲話當年呢套劇係口碑好，但係收視就唔好，又大讚呢套係神劇。





來源: http://hk.apple.nextmedia.com/news/art/20150414/19112119
PermaLink: https://articles.zkiz.com/?id=289605

【動畫】 殺女獸父被揭故技重施又殺子再行李藏屍

1 : GS(14)@2016-08-18 06:04:15

台灣台北驚傳無屍男嬰命案。涉嫌殺害男嬰的兇手，竟是因殺死親生女兒，遭法院判處8年的男子江文吉。警方調查，江文吉和原配育有一女，後來再婚生子。2007年，江文吉不滿4歲女兒恩恩（化名）瀨尿，狠心用掃把打死女兒，將屍體裝入行李箱，然後埋屍山區。當時現任太太懷疑不到一歲的小兒子小漢（化名）失蹤，也很可能遇害，但江文吉當時表示，因為缺錢而賣掉兒子，直到最近，案情有重大進展。警方查出江文吉受不了兒子小漢哭鬧，將其活活打死，事後用塑膠袋包裹棄屍床下。江文吉打死四歲女兒一案，台灣高等法院於本月四日宣判，認定被告故意傷害兒童致死罪名成立，但江文吉因符合自首要件，依法減刑判入獄八年。但讓人更難以置信的是，警方追查，發現江男同時殺害兒子小漢，原因是生母曾親眼目擊丈夫痛毆男嬰及和江男的自白通過測謊。警方調查，江文吉在殺害女童後，因受不了兒子吵鬧，活活打死當年還不滿一歲的小漢，事後棄屍在住所床底。江文吉原本供稱，2008年8月間，再娶的葉姓妻子因案入獄，他獨立照顧與葉妻所生的小孩，後來流浪到板橋運動公園，認識幾名朋友，其中一名男子見他沒錢，還要照顧兩個小孩，提出有門路可以賣小孩。他後來以10萬元(新台幣‧下同)(2.4萬港元)，把小漢賣給神秘男子，後來就再也沒見過該名男子。警方認為，江文吉的說法漏洞百出，因為他連無法說出男子的樣貌，甚至對賣兒子的時間及地點詳情都反反覆覆，後來只好又改口供稱，指兒子被一名中年女子帶走，去向不明。但江男還是無法交代細節。面對警方追問，江男後來乾脆都稱「忘記了」。警方多次提訊期間，常拿香煙和檳榔給對方，最終承認打死女兒恩恩後一年，有天耐不住兒子哭鬧，錯手打死小漢。江文吉表示，當時因孩子吵鬧，他徒手掌摑小漢的頭部，但因出手過重，原本哭啼的兒子突然倒地斷氣，擔心天氣熱，屍體恐遭人發現，遂用大型垃圾袋層層包裹，把童屍裝在行李箱，塞在住所床底。由於找不到適當時機棄屍，最後乾脆搬離案發地，開始逃亡生涯。由於案發時間距今已七、八年，專案小組為找到屍體，曾重返棄屍地搜索，用盡方法卻遍尋不獲小漢的屍體。房東及後來租客都沒有記得曾在房內有聞到屍臭味，也沒人看到床底下有一行李箱，估計屍體或被當成垃圾棄丟。台灣《壹週刊》




來源: http://hk.apple.nextmedia.com/international/art/20160818/19741308
PermaLink: https://articles.zkiz.com/?id=306347
Next Page
ZKIZ Archives @ 2019