ZKIZ Archives


職場慧眼:粗口老闆忍不忍

1 : GS(14)@2017-10-09 03:09:33

「Son姐,我老闆脾氣好暴躁,有甚麼不滿意就會大發脾氣,鬧人都算,最難頂係咁講粗口。佢真係可以機關槍咁唔停口係咁用粗口鬧。我哋個個唔敢解釋出聲,希望佢快啲鬧完就算。陪佢去見客佢都一樣係咁樣粗口橫飛,我真係尷尬到暈。唯一好處係佢當場鬧完就算,唔會秋後算賬。佢唔鬧人正常嗰陣時,都係一個肯講下道理嘅老闆。有冇辦法叫佢講少啲粗口?」你老闆是不是好人我不知道,但肯定是個性情中人,擺明車馬行事作風表裏如一。比那些對外客氣只會做好人,甚麼都沒所謂不知幾好相與的老闆;對內對自己的員工刻薄成性斤斤計較,肆意出言侮辱詆?,那些說話比粗口更難聽百倍的,好得多。先至聲明,我不認為講粗口與人格高低之間有任何關係,但與性格及習慣有絕對關係。你應該在這公司工作了一段日子,字裏行間看得出你對老闆的感覺其實不差,你要是真的受不了應該一早搵工跳槽去,而不是問我如何能夠令你老闆不講粗口。要改變一個人的性格,經已不可能;要改變你老闆的作風習慣,根本不可能,你只能改變你自己的心態去面對。就看你自己如何取捨權衡輕重,願不願意能不能接受這種老闆和在這個環境之下工作。如果你真的對這份工作有興趣,或者份工作對你有可取之處,只是受不了他的粗言穢語。你既然說他正常的時候是過講道理的老闆嗎?你可以趁他正常心情好的時候,先表明心跡誠懇地禮貌地講出你對他及公司的正面評價及讚賞,之後再輕輕順帶提及你們對他不論場合對象都粗口橫飛的感受。Happy hour請他飲一杯大家輕鬆的時候講最好。祝你好運!張慧敏




來源: http://hk.apple.nextmedia.com/financeestate/art/20171004/20172486
PermaLink: https://articles.zkiz.com/?id=342032

Next Page

ZKIZ Archives @ 2019