是否壟斷隨口噏 左丁山
http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20120605/16397051昨日講及一位中大教授照抄孫明揚局長語言,指教科書市場「扭曲」,書商「壟斷」,其實一兩張報紙社評亦係隨意引用,至於何謂「扭曲」、何謂「壟斷」,就闊
佬懶理,可見作者思想懶惰!有理性,有思維、有邏輯嘅作者都會間中出現嘅,例如「蘋果」蔡東豪。日前蔡東豪在「蘋果」詳論
TVB與免費電視發牌,寫到出火:「我都係市民,我發火了,唔好再拖,快點發牌」,蔡氏宗親子強就在明報回應:「大家都對 TVB的霸權忍受夠了!」
碰
啱呢輪立法會討論競爭法,據講政府好想好想在現屆政府落任前,完成競爭法立法程序,商務及經濟發展局局長蘇錦樑拼命在幕後拉票,當係曾特首任內政績之一。
其實曾特首被梁唐競選殃及,俾神通廣大人物大爆特爆私家秘料,聲望大受打擊,欲哭有淚,人未走茶已涼,富豪商家爭相與候任特首串門子,睇起嚟曾特首似乎已
無心做事,蘇局長仲係搏緊命,大概與有得連任有關。
「競爭法」顧名思議要反壟斷,提高競爭,苟如是,曾特首與行政會議為甚麼遲遲不肯發出免費電視
牌照? TVB嘅論調幾離譜,指增發牌照會損害經營者利益,不排除採取法律行動,阻止政府發牌,香港法庭如果肯受理兼且最後判
TVB勝訴嘅話,會轟動國際。
TVB在香港免費電視市場一台獨大,視亞視如無物,收視率與廣告收入佔市有率可能高達八九成,他日競爭法實施之後,有人向競爭委員會投訴嘅話,怎麼辦?蘇
錦樑局長現在敢唔敢講一句: TVB壟斷?
相形之下,教科書市場,起碼有十幾個書商仍在競爭,但教育局局長就指書商扭曲市場、書商壟斷市場,豈非
笑話?唔怪得獅子山學會皮蛋王認為政府講甚麼競爭壟斷,只是為了政治需要,不惜違反個人知識,十分虛偽。左丁山當然支持增發電視牌照,無論收費還是免費,
任何人有興趣攞牌嘅話,如在能力範圍之內,咪俾牌佢囉,如果因此而產生電視台倒閉事件(例如七十年代嘅佳視),由得佢啦,關人乜事,投資者要自負虧損責任
嘅啫。可嘆者,特區政府恐怕係受到某方壓力不敢發新牌,無視 TVB一台壟斷,但眾多書商冇人照,於是政府就亂駡佢地壟斷囉。