二五中環 萬南 港交所監管獨董 矛頭直指石禮謙
1 :
GS(14)@2017-09-18 04:01:00http://www.metrodaily.hk/metro_c ... 94%9F/?page562=3853
港交所(388)定期檢視上市公司嘅企業管治，據聞計劃包括優化獨立非執董質素，其中一個意見係希望獨董可以擺多啲時間關心公司操作，所以唔希望一個人身兼太多公司嘅獨董。咁點為之多與少呢？缸湖傳聞港交所劃咗條線，以6間為分水嶺。
據聞若有人撈多過6間公司獨董，港交所會要求對方進一步披露係咪有充足時間，處理咁多間公司事宜，而負責睇企業管治嘅人，亦對呢個大方向舉腳贊成。
萬南查過，全港大約有60幾人身兼6間或以上嘅上市公司獨董，當中最勁嘅一位，身兼17間上市公司獨董，佢就係尊貴嘅立法會議員石禮謙(圖)。缸湖傳聞有監管機構高層都對石議員撈咁多瓣有啲意見，事關獨董基本消費每年開4次董事會，即係石禮謙要開68次會，加上立法會不時拉布，建制派要經常在席以防流會，質疑石議員未必可以兼顧周到。