【馮仁昭四圍超】旅行散心搵Mr.Right唐詩詠祝福洪永城
1 :
GS(14)@2017-07-29 03:23:55■唐詩詠同鄭俊弘（中）喺護膚品牌活動上分享護膚心得，詩詠話自己好dry。
唐詩詠、鄭俊弘噚日喺銅鑼灣出席護膚品活動，佢哋喺分享護膚心得嗰陣，詩詠自嘲好dry，事後佢接受訪問時，強調係皮膚好dry。至於感情係咪一樣dry呢？詩詠即避開話題：「有劇拍吓都幾好，喺劇入面又有拖拍。」問有冇追求者，準備好接受新戀情未？佢話啱啱至拍完劇，未有時間：「睇吓有冇人約我食飯先。慢慢啦！睇吓遇唔遇到嗰個人，其實冇諗，之前一直拍劇，?家難得放假可以輕鬆吓，去吓旅行。」
■唐詩詠話?家擇偶唔會限制條件。
■唐詩詠分手兩個月，情傷未癒，同洪永城合照交戲，一臉尷尬。資料圖片
擇偶講感覺
講到擇偶條件，詩詠笑話感情係講感覺：「遇到鍾意嘅人就唔會理乜嘢條件。愛情係好奇怪嘅一件事，所以冇特別嘅條件。」日前同舊愛洪永城喺電視城被迫碰頭影合照，分手短短兩個月，情傷都未完全好就要交戲，所以尷尬就係必然，重遇又有乜嘢感覺？詩詠諗咗一輪先話：「呢個feel好難用詞語形容到。」雖然分咗手，不過詩詠希望對方可以好好：「成日都喺TVB見到佢，嗰日我哋喺後台有傾偈，所以唔係尷尬。」至於有冇機會復合？詩詠重申：「我就冇諗，呢啲事要順其自然。」撰文：馮仁昭
來源:
http://hk.apple.nextmedia.com/entertainment/art/20170727/20102367