ZKIZ Archives


唔開心想自殺?G.E.M.自爆:試過好多次

1 : GS(14)@2017-07-05 03:42:30

25歲G.E.M.嚟緊搞世界巡迴「Queen of hearts」,每次G.E.M.開騷,都會用啲唔同方法去證明自己係有幾貼地,之前試過扮電話售票員幫fans服務,自嘲人品唔好、歌唔好聽,G.E.M.昨日晏晝喺微博貼出一條片,原來佢喺大陸開工期間,上廁所被困,唔知係唔係門鎖壞咗,片見有工作人員破門,等G.E.M.可以跨出嚟,當破門嗰陣,G.E.M.仲發出大叫聲,似乎真係有啲驚噃!早半個月前,G.E.M.上咗一個YouTuber波子嘅節目玩「淘寶」測謊機,不過條片前日先見街!片中見G.E.M.先答一啲簡單嘅問題熱身,問佢鍾意男仔定女仔,G.E.M.指自己答女仔睇吓部機會顯示啲咩,點知部機顯示「True」,G.E.M.就係咁叫話要「洗底」,稱部機冇顯示要自己講大話,點知再問佢鍾唔鍾意男仔,部機就發出電流。
G.E.M.又自言想拍拖,又話自己冇喺騷上假唱,當問到佢有冇試過唔開心想自殺?G.E.M.點一點頭,再講:「有!」部機顯示「True」,G.E.M.解釋:「仲試過好多次,網絡欺凌好嚴重,藝人同Model真係輕生,其實自己都有試過,我冇真係去做,大家要點樣先可以去相信一個人呢?然後係唔係要我死,寫晒遺囑、遺書,講俾大家聽,你哋先會信我呢?」不過佢最終因為信仰,所以睇得開咗!24小時求助熱線︰香港撒瑪利亞防止自殺會熱線︰23892222撒瑪利亞會熱線(多種語言)︰28960000生命熱線︰23820000東華三院芷若園熱線︰18281社會福利署熱線︰23432255醫院管理局精神健康專線(24小時精神健康熱線諮詢服務):24667350明愛向晴熱線:18288




來源: http://hk.apple.nextmedia.com/entertainment/art/20170704/20078613
PermaLink: https://articles.zkiz.com/?id=337897

Next Page

ZKIZ Archives @ 2019