冀轉常額合約教師：叫做好過冇
1 :
GS(14)@2017-07-05 03:34:28【本報訊】林鄭月娥新增50億元教育界經常開支料包括增加中小學教師人手；如最終落實增加0.1師生比例，料會增加2,500名常額中小學學位教師（GM/APSM）。有合約教師認為新增經費不能完全解決問題，「係慢慢解決問題嘅第一步，叫做好過冇」；今次派糖未受惠的幼稚園校長，就促林鄭盡早提出落實幼師薪級表的時間表。中學歷史、通識科教師張往，6年來均為合約教師，「全港有4,000幾個合約教師，仲未計好多做緊TA（教學助理）、每年畢業嘅準教師……?家嘅政策絕對唔會解決到合約教師問題，只可以話係慢慢解決問題嘅第一步」。
幼園校長促落實薪級表
他補充，早年適齡學童人數下跌，學校應政府要求減班，並需於本年起連續3年、每年向局方歸還兩個教席，「新增嘅兩個位剛好用嚟還人，之後如果冇自然流失，就可能要炒人」；又指部份校長會將常額教席分拆增聘其他人手，未必會請學位教師，長遠能否解決問題，就視乎教育局會否持續增加師生比例。幼稚園校長關淑玲指，幼稚園收生人數、教師人數、租金、雜項支出不一，部份幼稚園希望落實幼師薪級表，同時在聘教師上保持彈性，促政府先為幼師薪級表訂下落實時間表以維持教學團隊穩定，細節可待斟酌。■記者葉偉東
來源:
http://hk.apple.nextmedia.com/news/art/20170704/20078141