忍無可忍 跨世代怒吼抗淪陷
1 :
GS(14)@2017-07-02 14:17:39■回歸20年，香港禮崩樂壞，社工團體昨在雨中持紙牌控訴政府管治不堪，社會問題叢生。王心義攝
【7.1大遊行】【本報訊】回歸20年，港人引以為傲的核心價值多次受到衝擊。一直沉默的退休公務員眼見20年來言論自由收窄，23條立法勢必重來，終忍無可忍首次走上街頭；20年來風雨不改參加遊行的50後則不滿立法會逐步由建制派操控再次上街；17歲小伙子亦上街反對小圈子選舉。跨世代一齊走上街頭，以腳步及汗水捍衞我城。記者：王家文 伍雅謙 譚靜雯
「忍無可忍！」回歸前退休的公務員梁女士昨首次現身7.1遊行隊伍中，她說自己一直政治中立，但回歸後種種承認未能兌現，不能一人一票選舉，政府更竄改歷史，驅使她走上街頭。「六七唔承認放炸彈，六四又推翻話自己冇錯，加上越來越收緊我哋嘅自由，仲有劉曉波?家就嚟死都唔畀佢去外國就醫，等佢要死喺中國」。
50後嘆「要靠關係」
梁女士感嘆回歸20年變化最大是自由收緊，「好似金剛罩，好似五指山壓住我哋港人」。她最心痛是中共及港府無兌現承諾，「講過嘅嘢唔算數，冇根據《基本法》實行」。她盼港人團結，「一定要爭取一人一票（普選），仲有推翻一黨專政，仲要救番劉曉波出嚟」。自有7.1遊行以來，58歲的魏先生必參與其中。今年正值回歸20年，他慨嘆，港人一直引以為傲的核心價值、獅子山精神逐漸走樣，「好多嘢變化得好緊要，大量中國人入嚟（香港），香港人以前只要肯捱、拼搏都會生存到，但喺?家好多嘢都要靠關係，唔係話你有實力、有能力就做到，隨時要巴結啲重要人先達到目的」。7.1遊行隊伍也有不少年輕面孔，26歲盧先生雖然腳步受傷，行動不便，但昨仍坐輪椅參與遊行，自言原是港豬的他，因傘運後才醒覺，參與遊行及登記選民，「以前有言論，新聞及示威自由，打壓無?家咁犀利」。
梁女士
市民：政府當我哋ISIS
他更炮轟一國兩制行到20年，越行越倒退，遊行示威是《基本法》賦予權力，也是本港核心價值，但政府一直壓示威者，甚至警黑合作，「當正我哋啲手無寸鐵市民係ISIS嚟㗎」。同是26歲的Issac，一直在澳洲留學，回歸時他只有6歲。他批評回歸後香港不斷被赤化、去殖，「去殖民化係最成功嘅一件事」，連郵筒也要去除皇冠，「呢個都係我哋歷史嚟㗎」。他又稱回歸至今，2003年政府強推23條最為痛心，「我哋（留學）外國嘅人鍾意亂講嘢，其實驚㗎，之後又話推國安法」。今年17歲的王同學於英國讀書，首次參與遊行。他最不滿中央干預香港法治、阻止香港推行普選、破壞一國兩制，如銅鑼灣書店事件，「無啦啦捉返去大陸，我覺得好無理。我亦唔明香港人自己嘅地方，點解無權選特首」。他希望新世代薪火相傳，「始終香港未來呢幾年都係我哋呢一代，我哋無理由坐喺屋企度坐視不理，要行出來發聲」。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170702/20076114