食大麻案今開庭T.O.P親自上庭接受審訊
1 :
GS(14)@2017-07-01 09:53:42韓國天團BIGBANG嘅29歲成員T.O.P今年2月入伍，本月初卻被爆喺寓所吸食大麻，佢疑因受壓過度，服藥過量而昏迷入咗ICU，日前已離開ICU，轉到其他醫院接受治療，其所屬YG事務所表示T.O.P將要接受兩星期治療。而之前T.O.P承認兩度吸食大麻，而遭檢方處以不拘留起訴，T.O.P因吸食大麻被起訴一案由首爾中央法案負責，案件於香港時間明早10時30分進行一審，由於案件屬刑事案，所以T.O.P必須上庭作證。昨日韓國傳媒就報道，T.O.P今日會親自上庭接受聆訊，到時定必引來大批傳媒採訪。至於同T.O.P一齊食大麻嘅女練習生韓瑞希之前就被判處3年有期徒刑，緩刑4年執行，同時要接受120小時嘅藥物治療，並罰款87萬韓圜(約6,000港元)，不過檢方就不滿判決太輕，早前已向法院提出上訴，如法院受理案件將進行二審。
來源:
http://hk.apple.nextmedia.com/entertainment/art/20170629/20072823