主辦單位意外後即拜神
1 :
GS(14)@2017-06-10 13:38:58■主角林敏驄、參與演出的藝員及其他工作人員，昨在意外後舉行拜神儀式。
【本報訊】林敏驄昨晚在紅館舉行首場《35年腦交戰作品展》，未料5時許發生冧台意外，位於台中間的圓形油壓升降台整個傾斜，當時站在上面的歌手蔡一智及兩名女舞蹈員首當其衝受傷。大名娛樂一名工作人員回應傳媒指：「今次係技術故障，兩名女dancers有輕微整傷，一個傷下巴，一個傷腳，已送院治理。」傍晚約6點15分演唱會即舉行拜神儀式，除主角林敏驄，現場還有胡渭康、林敏怡、蔡一傑、糖妹、黎瑞恩、關淑怡、邵音音、鄧建明等人，戴上黑超的林敏驄全程神色凝重，未有回答記者提問，切燒豬後，林敏驄依習俗食一片燒豬。主辦者之一林建名則誠心上香，上香前大家還拍手鼓勵。
雷有輝：舞台冇乜特別
樂隊太極主音雷有輝稱：「冇事冇事，我哋成隊太極都冇事，德哥（結他手劉賢德）啱啱喺草蜢綵排前企過喺台，不過佢冇事，擺低嘢就落番嚟，所以我哋好平安，大家有心。」問到舞台是否好危險？雷否認：「其實冇乜特別，同平時嗰啲一樣，有啲升降台，好正常嘅一個舞台。」表演嘉賓之一的梁漢文，接受《蘋果》訪問表示：「多謝關心，我離開咗喇，今日我係3點到3點半嗰陣去綵排，我排完我自己隻歌同埋《全力扣殺》嘅一班演員嗰部份，就已經返咗屋企，我啱啱都係返咗屋企睇新聞先知，我聽到話有10零個人受傷，希望佢哋冇事啦，我仲聽到話蔡一智有受傷，好似傷咗條腰，不過未確實，希望佢冇事！」劉浩龍則於意外時已經綵排完離開紅館，他說：「多謝大家關心，我冇事，自己都了解當中，希望唔好有人受傷，如果不幸有人受傷，都希望唔嚴重。」何超儀亦是在塌台前在台上綵排，她回應謂：「希望阿智冇嘢啦！我啱啱嚟到都唔知發生乜事，入到場館工作人員話畀我知先知咁大件事，希望阿智吉人天相。」■記者黃曉程、羅德光、仇志德
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170610/20051115