長實樓住客呻質素較差
1 :
GS(14)@2017-05-19 05:26:20■環宇海灣（圖）與海之戀都由長實興建。 黃耀興攝
【本報訊】海之戀開賣在即，負責銷售的長實（1113），三年前推出同區姊妹盤環宇海灣。前車可鑑，兩年前交樓的環宇海灣，實際交樓質素相信對心儀海之戀的準買家可以起參考作用。有環宇海灣業主坦言，買長實樓要有心理準備交樓質素有瑕疵。
環宇海灣持續需執漏
前事不忘，後事之師。環宇海灣業主陳先生稱，環宇海灣當日交樓時，單位有空心磚、窗戶崩花等問題出現，雖然發展商執漏時間比其他發展商長，但仍算可以接受。不過，屋苑有公用地方簷篷漏水令平台層長期須搭棚架，對此長實及管理公司互相推諉修茸工作，而泳池亦有漏水問題。被問到實際交樓情況能否滿足他入市前的期望時，陳先生稱，「發展商（長實）個名聲我都略有所聞，都符合買樓預期。買得長實樓，就預咗某程度上要接受佢個物業係比起其他大啲嘅發展商係差啲。」至於入住屋苑近一年的租客鍾先生亦指，物業持續有地方需要執漏，質素不及其他（發展商）新樓，例如牆身粗糙、地磚罅隙闊落。有次到電器舖買燈膽，店舖負責人更指，發展商採用的舊款燈膽已經停產，認為發展商無為用家設想。環宇海灣及海之戀相距僅數分鐘步程，由同一發展商，以及同一建築師樓負責、同樣飽受渠臭噪音滋擾、交樓標準的家電品牌檔次相近。
來源:
http://hk.apple.nextmedia.com/financeestate/art/20170518/20024919