西環集中營：689死抓一帶一路 部署退而不休
1 :
GS(14)@2017-05-13 01:52:27特首梁振英周六啟程率領30人代表團到北京參與一帶一路國際合作高?論壇，聲稱獲破格安排在大會上發言。據知梁視今次高?論壇為其重要政治表演，除了向國家主席習近平顯示其重要性外，也為落任特首後，鞏固他在中港政治扮演的角色，為其7.1落任後「退而不休」鋪路，更有政界人士預言，梁影響力可能較他做特首時更大。事實上政圈早前流傳，梁想力保部份「梁粉」司局長，包括財政司司長陳茂波等留任，「除咗吳克儉呢類連建制派都反對嘅人外，外面傳緊梁振英同北京力爭佢一啲梁粉司局長留任，好似陳茂波、楊偉雄等等」，當然梁以這些司局長「有能力、政治上可靠」，作為爭取他們留任賣點，「但明眼人都睇得出，如果呢班梁粉司局長留任，等同喺下屆政府插針，到時梁有乜想推，佢喺政府外以政協副主席身份提出，政府內就有自己友配合落實」。
繼續插手香港事務
另一政界中人稱，梁最近再次落區，其實就是為7.1落任後「退而不休」鋪路，顯示他無意落任後，淡出香港政圈，而他不斷死抓一帶一路不放，甚至不讓林鄭隨團出席一帶一路國際合作高?論壇，就是要將「一帶一路」變成他退任特首後，繼續在中港政治扮演角色的切入點。這位政界中人更預計，梁到時會用政協副主席身份，藉推動一帶一路從而在中央層面繼續插手香港事務，「到時佢唔使再同香港人、傳媒交代同中央講乜，要繼續插手香港事務話咁易，林鄭到時難有好日子過，隨時俾佢向北京打小報告」。季陶周一、三、五刊出
來源:
http://hk.apple.nextmedia.com/news/art/20170512/20018950