嚴重可致失明41歲陳曉東患急性青光眼
1 :
GS(14)@2017-05-07 15:26:2641歲嘅陳曉東(東東)已經做咗人夫兼爸爸，13年與台灣護士女友王妤嫻喺香港結婚，之後生咗兩個女「朵朵」同「多多」。東東近年主要返大陸發展，間中先會返香港出席活動，前晚東東突然喺微博上載幾張瞓喺病床上嘅相，見佢左右眼輪流貼住紗布，而且要閉目休息。原來東東患咗急性青光眼，佢留言話：「急性青光已經好轉，眼壓已恢復正常，因為葡萄膜炎這兩天左眼右眼各紮一針局部激素，待醫院觀察第四天。」湯寶如都有留言問候，東東就自我安慰話﹕「假如視力回不到原來那以後戴著眼鏡唱歌！天降橫禍當犯太歲！會積極面對！謝謝關心。」據了解急性青光眼發作時會有出現嚴重嘅視力急降，睇嘢嘅時候會見到物件出現彩虹圈，眼痛眼紅、畏光、發病眼睛同偏頭痛、頭暈作嘔等症狀，如果唔急早求醫，真係有可能會導致失明，所以東東真係要好好保重休息呀！
來源:
http://hk.apple.nextmedia.com/entertainment/art/20170507/20013654