📖 ZKIZ Archives

【add時尚】紅人主場：林嘉欣　萬能媽咪

1 : GS(14)@2017-04-28 00:54:42

Carven花卉圖案上衣Blumarine開衩長褲



39歲的林嘉欣是人妻也是人母，既是演員更涉獵藝術，去年為日本已故書法家井上有一策劃《花》展覽，口碑非常好，今年尾她將會為另一位年輕藝術家策劃展覽，並再度與麥當勞合作推出一系列兒童書籍，囡囡也受到薰陶，「今年其中三本兒童書，係我同囡囡一齊諗個故事，所以佢都好開心。」統籌：林妙萍撰文：陳蔚渝攝影：周樂恒化妝：Will Wong髮型：Bart Choi of IL Colpo Group配飾：CollectorSquare.com林嘉欣工作關係經常周圍飛，熱愛藝術的她有個小習慣，去到不同地方都會抽時間走訪當地美術館，並會購買一些兒童版的藝術書籍給囡囡。



Moschino紅色波點裙Carven高踭涼鞋

Carven橫間上衣、黑色短裙


畀囡囡發夢

雖說小朋友多少受到父母喜好薰陶，不過嘉欣卻抱着開放態度，「始終係我自己嘅興趣，冇得強求。屋企有好多畫，或者從事藝術媒體嘅書籍，佢哋都會揭。我純粹放書架，佢哋有興趣就自己揭，冇興趣可以玩第二樣。」雖然囡囡年紀還小，但嘉欣認為給予空間相當重要，「大女六歲，細女就嚟四歲，其實佢哋已經好清楚自己想要乜，所以要尊重佢哋，雖然佢哋好似仲好細個，但只要你相信佢哋，畀空間佢哋，其實佢哋都好清楚自己想要乜。」就算放假，嘉欣都不會為小朋友安排太多活動，「你知香港小朋友好忙，平時會有自己schedule，放假我由得佢哋玩，例如今朝出門見到家姐攤喺床唱歌，我覺得幾好，因此冇可能每一日嘅時間表都滿晒，你要畀時間佢哋發吓白日夢，其實呢個係creative process，當喺一個relax狀態下，先可以觀察到有乜嘢唔同。」



■林嘉欣平日愛與兩女分享不同故事。

■嘉欣去年為日本已故書法家井上有一策劃《花》展覽，今年將再策劃另一個展覽。資料圖片


唔做黑媽媽

雖然身兼多職，但嘉欣大部份時間仍然是照顧囡囡，「佢哋瞓咗，我就會安排時間做自己嘢，又或者功課，譬如佢哋返學，我就會搵coffee shop坐低做嘢，要自己平衡。」說到因為工作需要周圍飛，囡囡年紀還小當然會詐型，「上次去法國，去咗兩個星期，家姐都有話可唔可以唔好去咁耐，好好笑，之後佢話，我唔喺度嗰時瞓我張床，佢話想索我陣味，我話我返黎之後唔可以瞓喇，不過其實覺得好sweet。」不少家庭總會有一位家長擔當嚴厲角色，但嘉欣與先生教導囡囡的方向好一致，「我哋嘅方法係兩個一齊黑，兩個一齊白，總之我唔要做黑嗰個，平時通常都係媽咪做黑嗰個，我話我唔制，我要開心一齊享受。」問到囡囡是爸爸的上世情人，嘉欣可有同感，「其實都係㗎，有一日大女跳完芭蕾舞，正常我會同爸爸一齊接佢，但爸爸話唔好，要自己去接佢，要同阿女拍吓拖，佢哋自己兩個坐地鐵，好開心。」演戲多年，又是金馬影后，但嘉欣認為仍有很多地方可以探索，更笑言自己每次都沒好結局，「我發覺咁多年都係演苦情戲，冇好結局，好多戲都完美結局，但我次次都係苦戀，點解呢？好似現代版阿信。」可會嘗試執導？「唔會喇，我覺得做演員部份都未覺得做得好好，所以唔會考慮第二個崗位。」


都係講故事

嘉欣又認為無論從事藝術、演員，甚至兒童書，其實都有共通點，「就算做兒童書都係講故事，我係鍾意故事嘅人，我透過唔同方式，例如我做策展人，點樣睇完啲作品再演繹，呈現畀觀眾，其實都好似一個導演工作，你要做好多決定，點樣喺畫廊呈現一個flow，其實都係講緊一個故事。」



■林嘉欣分享拍攝《陀地驅魔人》時，跟她做對手戲的小朋友被打到喊。劇照

囡囡拍戲No Way

談到星二代都會入行，問嘉欣會否考慮與囡囡一同拍戲，又或者真人秀？她說：「唔得呀，我覺得拍戲嘅小朋友好厲害，佢哋可以知道係假，假又可以即刻跳去真，又假又真，我會諗會唔會精神分裂。」嘉欣續說：「我拍《陀地驅魔人》，裏面有個小朋友同我一齊做戲，嗰場戲講我嬲佢、打佢，打完之後佢喊，好驚我，所以一cut機我就攬住佢講對唔住，我諗緊會唔會製造咗一個創傷畀佢，我見到咁一定唔會畀自己個女拍戲，小朋友都係要開心、天真，乜都唔使諗。」



更多精采時尚內容，盡在http://add.appledaily.com。



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170427/20002513

---