📖 ZKIZ Archives

西班牙危機 左丁山

http://hk.apple.nextmedia.com/template/apple_sub/art_main.php?&iss_id=20120425&sec_id=12187389&art_id=16278393&cat_id=255&coln_id=22
西班牙之債務危機隨時爆發，金融市場內人盡皆知，以西班牙經濟之差——業率高達 23%，青年人失業率達 40%，國債靠西班牙銀行頂住，外國資金逐漸撤離西班牙公債市場，西班牙政府在內外交困情況下，不得不取採緊縮開支措施，激發工人階級不滿。偏偏在此時 候，八十歲過外嘅國王口口聲聲話與國民共渡時艱，但就秘密去非洲打獵，享受皇室奢華活動，點知因為在旅行期間跌親傷咗臀骨，被逼坐飛機返回馬德里施手術， 消息先至曝光，令國民嘩然，何況佢還是西班牙 WWF榮譽主席？
屋漏兼逢夜雨，西班牙油能源公司 Repsol擁有阿根廷油公司 YPF之 57%股權，上月秘密與中國中石化集團公司商量以一百億美元出售，大家傾得七七八八時，阿根廷突然於四月十六日宣佈國有化 YPF，賠償額未講，可能等同係「充公」，以後西班牙政府要為 Repsol出頭談判先至或者可以攞到幾十億美元。
阿根廷恰到上面，西班牙無力還 擊，不如照辦煮碗，國有化「充公」阿根廷足球之寶美斯啦，美斯身價起碼值億幾美元呀！西班牙甲組擁有大量世界級球星，集中於巴塞、皇馬兩隊，美斯與Ｃ朗係 天皇巨星，主要綠葉如卡卡、沙維、恩尼斯達、法比卡斯、希古恩等等等亦身價不菲，但如同西班牙經濟，西甲已技術上破產，陷入財政危機。皇馬在 2010/2011球季收入四億七千九百萬歐元，負債五億八千九百萬歐元；巴塞收入四億五千萬歐元，負債五億七千八百萬歐元，全部西甲球會欠債三十五億三 千萬歐元，欠稅七億五千二百萬歐元，如果呢啲球會係上市公司，一早被逼宣佈清盤或出售。西班牙政府已經莫財，會唔會向球會追稅呢？國家體育部話一定會追 收，但唔會搏命追，點解咁寬鬆？講政治吖嗎，每個周末及周日有二、三十萬人入球場睇波，全國人民在家中睇電視直播，暫時忘卻失業煩憂，邊個政府會儍到去逼 爆西班牙足球呀，想球迷上街燒車咩！
PermaLink: https://articles.zkiz.com/?id=33010
Next Page
ZKIZ Archives @ 2019