樂香園：停牌變尋租？
1 :
GS(14)@2017-04-05 23:44:38與基金界友人談論駿傑（8188）被叫停事件，友人指其實自當天公司被證監會叫停開始，基金界已密切留意事件發展，想知道證監會拿甚麼條例出來，解釋一家原已被證監批准上市的公司，為甚麼上市半日後突被勒令停牌，殊不知到最後，公司只是用「處理及解決證監會所關注的問題」來解決，失望之餘又有些擔心。友人說：「失望係因為近年好多股份，確實係明顯有問題嘅，無啦啦無原因無背景無解釋咁狂升數倍，市值更加可以超過唔少藍籌股……以為今次證監出手，係代表佢哋已搵到問題所在，點知到最後都只係深表關注咁大把，真係唔該晒喎！搞嚟搞去，原來都係得個吉。」擔心呢？友人續稱：「香港股市比內地優勝嘅地方，係所有嘢都寫得清清楚楚，有規有矩，停得你牌一定有原因有證據，掉轉頭畀你復牌，亦必然係成功合規解決咗問題，唔係坐低四四六六拆掂就算，若果停牌同復牌都可以咁兒戲，難免令人覺得有灰色地帶走盞位，有灰色地帶走盞位，就有尋租空間，咁都唔令人擔心？」密西比
來源:
http://hk.apple.nextmedia.com/financeestate/art/20170405/19979923