📖 ZKIZ Archives

舖租成本 左丁山

http://hk.apple.nextmedia.com/template/apple_sub/art_main.php?&iss_id=20120416&sec_id=12187389&art_id=16250067&cat_id=255&coln_id=22
蘋果日報（四月十一日）報導大家樂快餐店加價，招牌菜焗豬扒飯加至 39元，以應付 4%加薪，租金上調及食材漲價，「蘋果」訪問大學教授，有如下評論：
「中 文大學市場學系教授冼日明表示，大家樂頻頻加價，首當其衝是中產打工一族，『中產好多時幫襯快餐店食晏，佢哋一加價，打工仔要花多啲錢食飯』。他說，大家 樂加價，主因是租金，現時舖租加幅驚人，加幅四、五成已屬平常，有部份加幅更高達逾倍，『快餐店加價都係用嚟交租，都係被地產商賺晒。』」
冼教授 嘅講法，相信係假設快餐店、食肆之最大成本係租金，呢個講法亦係好多市民在電台烽煙節目講出嘅，工會領袖如李卓人、王國興等屢屢在電台節目指控租金係飲食 業最大成本，工資不是最大成本。但如果問吓飲食界人士，佢地日日對住本賬簿，又唔係同業主有親，甚至視業主為仇敵，照計唔會開口幫業主㗎，但佢地指出，工 資先至係最大成本喎。
譬如入行四十八年嘅飲食界人士胡珠，飲食界有邊個唔識呀，胡珠就話到明中餐食肆（酒樓為主）嘅一百蚊固定成本之中，約有十五 元係租金，約三十五元係工資。另一位飲食界知名人物黃家和亦曾有類似講法，大學教授等學院中人不妨叫學生做個調查，自己做市場調查，從統計署數據調查，不 要聽工會領袖所言，不要聽一個半個餐廳老闆所講，弄清楚食肆之成本架構，不要人云亦云，想當然耳。
食肆加價，照上述成本分佈嚟睇，不是全部用嚟交 租，俾地產商（按：好多地舖業主其實不是地產商）賺晒。大膽假設租金食晒「加價」嘅話，責任誰負？鬧地產商加租吖，還是鬧政府無地皮供應以興建更多地舖或 商場？或者再問：地皮從何而來，市區冇晒空置地皮咯喎？呢啲問題好難答，未來特首梁先生係地產專家，與地產商打交道三十幾年，完全明白其中奧妙，大家不妨 等一等，睇吓梁先生有甚麼政策可以解決本港寫字樓、舖租不斷上升嘅問題。食材價格上升反而容易解決噃，只要中國再無食物通脹，香港一定冇問題！
PermaLink: https://articles.zkiz.com/?id=32850
Next Page
ZKIZ Archives @ 2019