黃絲、藍絲叫口號互片
1 :
GS(14)@2017-03-23 06:18:31【本報訊】支持曾健超的團體昨一早抵達法庭門外，播放歌曲《Do You Hear The People Sing》，又高叫口號：「曾健超男子漢，有擔當有承擔！」藍絲團體珍惜群組成員亦於庭外另一邊聚集，大叫：「係男子漢就繼續上訴！唔好龜縮！罪犯！」又展示橫額「嚴懲罪魁禍首曾建超」，但寫錯曾的名字。其後支持曾的團體高呼：「梁振英坐監！」藍絲團體欲高叫「好嘢」以蓋過「坐監」一詞，但聽起來像有一群人大叫「梁振英坐監好嘢」，惹來哄堂大笑。最終藍絲改口，自顧自大叫「梁振英好嘢！」另外，開庭前有兩名保安員在旁聽席前阻擋市民及記者視線，旁聽的阿牛曾健成阻止：「你做嘢還做嘢吖，我哋又唔係劫獄。」此外有傳媒昨指控曾健超違規進入高院的律師專用餐廳，實情是餐廳指示牌雖列明只限大律師或律師專用，但只要有律師陪同，公眾也可內進，而曾健超正是由律師陪同入內。■記者楊家樂
來源:
http://hk.apple.nextmedia.com/news/art/20170322/19965975