中環在線：微軟頻換大中華掌門 李華華
2008-11-17 AppleDaily
IT界挖角真係平常事，內地傳媒報道，微軟大中華區董事長兼首席執行官一職懸空咗年幾，終於搵嚟摩托羅拉亞太區前總裁梁念堅坐上。微軟似乎特別鍾情摩記高層，呢次已經係第二次喺摩記手上挖走掌門人。
新 上任嘅梁念堅係澳門人，據講喺香港同加拿大讀過書，識中文，唔單止係公關人才，同內地政府及客戶嘅關係都唔錯，又係企業管治專家，所以上任後會整頓微軟大 中華區嘅架構，包括成立大中華區戰略決策委員會，度吓有乜橋融入大陸市場；同埋3年內揼10億美金，搞大內地嘅研發工作。
16年轉6個CEO
梁念堅嘅經歷同專長，同上任掌門人陳永正幾似，都係摩記前董事長兼總裁，同「政府公關高手」。微軟大中華區掌門人個位，16年嚟轉咗6個CEO，冇個做得長過兩年，陳永正叫做最長一任（約4年），但佢上年忽然轉投NBA中國，唔知梁念堅破唔破到紀錄嘞。