二五中環 萬南 免費首飾工作坊 謝瑞麟新招留客
1 :
GS(14)@2017-02-19 16:34:31http://www.metrodaily.hk/metro_c ... %e5%88%81%e8%bf%91/
謝瑞麟(417)主席兼行政總裁謝邱安儀(圖左)早幾日見咗傳媒朋友，佢同萬南講，舊年珠寶零售市道低迷，基數比較低，而今年有見底回穩迹象，但「復甦」就言之尚早；喺啱啱過去嘅新春旺季，銷售成績都只係有單位數升幅，唔算突出。
不過，佢哋嘅擴展大計冇停，其中沙田新城市廣場嘅分店即將開業，樓面面積都超過2,000呎。現有店舖租約方面，每年大約有三分之一分店續租，其中商場舖租金減幅較少，約有10%至15%，而街舖減租就可以去到20%，咁就慳番唔少成本啦！
謝瑞麟仲會同美國首飾設計師Christine Keller合作，將手工藝美術融入珠寶設計，其中尖沙咀同將軍澳分店設有工作坊，可以畀顧客試吓自創首飾，費用全免仲可以將製成品帶走。嚟緊呢類工作坊仲會愈開愈多，話唔定可以儲多一班熟客，即管睇吓佢哋可唔可以喺淡市殺出一條血路啦！