ZKIZ Archives


樂香園:阿里借香港過橋

1 : GS(14)@2017-02-11 18:34:32

跟投行高層閒聊,估今年香港新股市場能否打破去年新股大而無當(由大量自已人的基礎投資者「圍飛」上市),以及啤殼啤殼再啤殼的「悶局」。該高層跟密西比賭一餐飯,賭傳聞可能來港上市的阿里巴巴關連公司螞蟻金服,最後不會來港掛牌,螞蟻金服只是想用香港上市這個構想,給內地壓力讓其在A股「打尖」上市。高層說:「螞蟻金服嚟唔嚟香港上市,同一直講緊嘅同股不同權爭拗,跟本就無關係,首先,完全睇唔到中短期香港會接受同股不同權公司上市……你話香港連續幾年失落集資王寶座就話有機改箒,現時連續贏咗兩年,仲要話今年都仲係坐亞望冠,邊有人會夠膽話改?咁今年同出年改唔到例,螞蟻金服點嚟香港上市?」還可選美國掛牌吧?高層笑說:「阿里自己上咗,即刻就有官司跟尾,見過鬼唔怕黑咩!再者,大陸係唔會畀金融數據呢啲咁敏感嘅資料公開嘅,仲要係去到現時已被界定為唔係朋友嘅美國上市添,你自己話會唔會咁做?所以,講嚟講去,都係用香港上市做籌碼,要喺A股打尖上市。」阿里也要用計「打尖」?阿里不是很受內地政府歡迎嗎?高層聳聳肩說:「係囉,點解呢?」密西比




來源: http://hk.apple.nextmedia.com/financeestate/art/20170210/19923488
PermaLink: https://articles.zkiz.com/?id=326241

Next Page

ZKIZ Archives @ 2019