📖 ZKIZ Archives

【人人都係攝影師】80後Ig迷衝出國際　本土特色靚相英國出相集

1 : GS(14)@2017-01-05 08:07:39

Jeremy Cheung五年前開始玩Instagram，屋村、電車、街市等日常景物為主。



科技發達，手機鏡頭越出越先進，一機在手人人都是攝影師。加上誰都玩Instagram，日日貼相當日記，你又有想過日記有日會變相集呢？

日記變相集展示香港日常風光


張俊謙Jeremy（@rambler15）五年前開始玩Instagram，用手機拍屋村、電車、街市等日常景物，貪手機細小便攜，方便捕捉剎那美景。最近，英國出版社Lannoo Publishers就選了他的作品，出版了以「城市」為題的攝影集《Insta Grammer: City》，是香港惟一一人。Jeremy表示實在意想不到，「佢揀嘅相都係有香港本地特色嘅，例如旺角街景或者工人收舖同工作嘅情景，當時真係幾開心。」回想當初只當Instagram是日記，沒想過有會因此「衝出國際」。「喜歡香港嘅外國人，或者對香港有興趣嘅人都會注意到我嘅作品，慢慢變成我嘅目標。」


拍照打卡難忘廟街大漢恐嚇


在Instagram上，他認識了一群外國攝影師，Jeremy會帶他們到香港「熱點」打卡。「南山邨都係一個熱點，佢哋鍾意香港屋邨嘅結構。因為香港屋邨有好多形狀，不同嘅建築方式。」Jeremy更指外國攝影師特別喜歡香港，看中香港地方小，一程車可從繁忙中環走到寧靜的西貢。「香港一日可以影到唔同面貌，影人又得，影風景一樣有。」不過，去太熱門的地方拍照，似乎會遇上一點麻煩。「南山邨太熱門，好多人影相。店主就會問『你係咪影相啊』、『會唔會幫襯啊』，咁惟有快影快走。」四處拍照，走到人多的地方Jeremy一樣試過被恐嚇。一次廟街經歷，他提起都還在怕。「我想影人吃飯，個店主就走出嚟踩住我隻腳，講晒粗口『你拎手機出嚟，delete晒啲相，唔係就打你』，咁我惟有刪晒啲相片，快腳走。」所以Jeremy笑說，要拍到好作品一定要快，更要「抬起頭做人」！「當你埋頭苦幹用手機，可能已錯過好多『決定性瞬間』。」訪問當日，Jeremy驚嘆若不停下來細看，根本不知道大坑西邨的特色招牌已所剩無幾。


Jeremy：「香港地小，一樣有發展空間。」


拍過好多香港特色景物，吸引了外國攝影師和出版社青睞，Jeremy覺得香港一樣有好多團體或品牌會舉辦攝影比賽，一樣有發展空間。他對攝影更加是充滿熱誠，「只要你肯參加、你肯拍，你投入享受攝影，機會就會出現。」他直言未有考慮做全職攝影師，認為業餘攝影更加自由，「唔需要為要出名，而影自己唔喜歡嘅題材，可以隨心影自己想影嘅。」記者：黃凱婷攝影：林栢鈞


最近，英國出版社Lannoo Publishers就選了他的作品，出版了以「城市」為題的攝影集《Insta Grammer: City》，是香港惟一一人。

Jeremy的作品

Jeremy的作品


Jeremy笑說，要拍到好作品一定要快，更要「抬起頭做人」！「當你埋頭苦幹用電話，可能已錯過好多『決定性瞬間』。」

他對攝影更加是充滿熱誠，「只要你肯參加、你肯拍，你投入享受攝影，機會就會出現。」



來源: http://hk.apple.nextmedia.com/su ... t/20170104/19885571

---