范太：下任特首要「促和諧」
1 :
GS(14)@2016-12-08 08:07:10■范太昨藉「拒答」風波讚葉劉任保安局長時有承擔。
【本報訊】全國人大常委范徐麗泰相信中央正就下任特首問題考慮不同因素，雖然特首梁振英「夠硬淨、又信得過」，更獲國家主席習近平高度評價，但她指出，中央很重視「促和諧」，又慨嘆來屆特首選舉「好難係君子之爭」，又藉財政司司長曾俊華拒答議員問題事件，稱讚有意參選特首的保安局前局長葉劉淑儀敢於承擔。
指拒答風波損港府形象
范太昨接受商台訪問時稱，她不知道中央如何考慮下任特首人選，相信涉及有很多因素。不過她肯定地指，中央不會就國家主權、領土完整等問題妥協，因此希望做特首的人「夠硬淨，又信得過」。范太認為梁振英近年的表現確實做到「夠硬淨，又信得過」，而且梁在處理佔中後與習會面，習對梁的評價很高，她說「我未聽過中國嘅領導人評價一個香港特首話佢係『疾風見（知）勁草，板蕩識忠（誠）臣』，呢個係一個好高嘅評價嚟」。不過范太接着指出，「到底會唔會因此而增加咗佢連任嘅機會呢？而家好難講」，尤其中央亦提及特首要「促和諧」，因為和諧社會很重要，否則社會無法發展。范太相信具親和力的人在特首選舉中較有優勢，而親和力不是要在選舉前才營造出來，「親和力就係你根本係好有興趣去聽人哋講嘢，你好有興趣去同人溝通，同埋你的確係尊重佢（對方），唔理佢係邊一個」。她又慨嘆「我睇今次（特首選舉）好難係君子之爭，你睇吓幾多而家所謂嘅娛樂新聞，使唔使咁多呀？」談到近日曾俊華拒答議員問題、政府即日改變立場，梁振英更揚言自己不知情時，范太直言事件將影響政府形象，令人「覺得你政府內部溝通唔暢順」，因為官員出席立法會時應有一致立場。今次事件令她想起葉劉任保安局長時，雖然她是女人，但其麾下的紀律部隊都很服從葉劉，「因為聽聞啲紀律部隊就話，有啲乜事呢，佢（葉劉）係會出去同你頂嘅，乜嘢責任佢承受晒，但係返嚟呢佢就會閂埋道門同你慢慢傾」。至於是否支持葉劉做下屆特首，范太知道葉劉對選特首十分有興趣，但傳聞中的宣佈參選大會未有邀請她，自己現時亦沒有為人站台的想法。范太又承認有計劃參選人士尋求她支持，但她表明要待有人取得足夠提名，再看候選人的政綱才決定。■記者呂浩然
來源:
http://hk.apple.nextmedia.com/news/art/20161208/19858741