Baby陪曉明抵台 熊黛林孖老公度蜜月
1 :
GS(14)@2016-12-06 03:56:19黃曉明同老婆楊穎（Angelababy）宣佈有喜後，至今Baby已經懷有7個月身孕。昨日黃曉明由上海飛到台灣，準備出席聽日代言嘅按摩椅活動，腹大便便嘅Baby原來都有同行。着住黑色衫、黑色Legging、戴住cap帽黑超嘅Baby，現身機場時，現場即一片哄動，事關外界只知黃曉明聽日有活動，而唔知Baby都會跟住老公一齊去台灣。側面睇，Baby7個月肚都有番咁上下大，不過面頰同手腳，就冇乜點變，氣色都唔錯。而今次亦係Baby懷孕後首次喺台北現身。而另一人妻熊黛林(Lynn)10月尾低調嫁家族坐擁百億資產嘅郭可頌，婚後兩公婆各有各忙，所以婚禮未大搞，只係簡單兩家人食飯就算。不過低調還低調，就算幾忙，度蜜月都唔少得嘅，呢幾日阿Lynn就同老公仔去咗外地Honeymoon，佢昨日喺Ig貼相貼文話：「第四天了，上天賞賜了我們兩個小時的晴天，然後就又開始狂風暴雨了！」
來源:
http://hk.apple.nextmedia.com/entertainment/art/20161205/19855699